حياة جديدة🦋

الفصل الثامن والعشرون

سليم: ماما انت هترجعيني الدار تاني
نور بصدمه: لا طبعًا مين قالك الكلام دا
سليم:سمعت عمو سيف بيقولك كدا
نور:لا يا سليم انت سمعت غلط يا حبيبي عمو سيف مقالش كدا واوعى تفتكر يوم من الايام اني هستغنى عنك او اسيبك انت ابني ومش هسمح لحد يخدك مني مهما كان مين انت هتفضل في حضني لغاية لما تبقى عريس كدا واشوفك في بيتك..
سليم:بس عمو سيف قال انه مش بيحبني
نور: لا سيف بيحبك صدقني بيحبك محدش بيكرهك
لو حد كرهك يبقى بيكرهني انا كمان انا وانت واحد يا حبيبي مش هكون في مكان غير وانت هتبقى معايا فيه...
انا بحبك يا سليم ومش هسمح لأي حد يبعدك عني.
سليم:انا كمان بحبك...
نور:يلا ادخل نام علشان بكرا هنروح نقدم في مدرسة يلا تصبح على خير
سليم:ممكن تيجي تنامي معايا
نور:طبعًا تعالى...

اخذت نور بين ذراعيها وغفيت في حضنه لم يكن سليم هو الذي يحتاج إلى نور بل كانت هي التي تحتاجه...

قام سيف لينام ووجد نور في غرفة سليم غافية

اليوم التالي...

نور: اصحى يا سليم يلا يا حبيبي قوم
يلا يا بابا علشان نروح المدرسة

قامت نور و ألقت نظرة مليئة بالحزن على سيف و ذهبت لتساعد سليم ف ارتداء ملابسه.

اخذت نور سليم وقامت بالذهاب إلى مدرسته الجديده....

عند هالة...

داده اعتماد: قومي يا بنتي كلي حاجه انت هتفضلي كدا حرام عليكي نفسك

هالة: ومش حرام اللي هو عمله حرمني من ابني الله اعلم عمل في ايه

داده اعتماد:مهما عمل مش هيأذي عمر الدم ما يبقى مياه اكيد عايش ربنا يتولاه ويحفظه

هالة:يارب رده ليا يارب انا مش عايزه حاجه تاني من الدنيا يارب
انا مش عارفه اعيش انا عايشة على وهم بقالي ٤ سنين حاسه اني بموت بالبطئ

داده اعتماد: سلمي امرك لربنا وهو قادر يجمعكم مرة تانيه

هالة:يارب...

عند نور...
نور: ها يا سولي مبسوط بالمدرسة الجديده

سليم:ايوه يا ماما مبسوط

نور: تعالى نروح نجيب الشنطه بتاعة المدرسة والكوتشي...

عند سيف في المنزل...

استيقظ سيف ولم يجد نور و سليم...

قام بإرتداء ملابسه وذهب الى عمله هو يتأفف...

عند نور..

ذهبت إلى مركزها بعد غياب شهور...

والقت السلام على من ف المركز وعادت تمارس عملها مرة أخرى بشغف كبير...

زهرة:الف حمد الله على سلامتك يا عروسة

نور:الله يسلمك يا زهرة عقبالك

زهرة:ازيك يا سليم

سليم: الحمد لله

زهرة:تعالى يلا نروح نلعب علشان ماما تشتغل
دول ملفات كل اللي دخلوا المركز وانت مش موجوده...

نور: طيب هشوفهم...

قامت نور بمراجعة ملفات المدمنين و وقفت مزهولة عند كشف معين...

يتبع~~