Smashed

Chapter 15

Chapter 15 #smashedsrs

Natawa na rin ako nang umamba sa pagkain ko. "Akala ko magpapa-baby ka talaga. . . Eh, mas matangkad ka nga sa 'kin. Sa 'min nina Ate Kajina!"

Maliit na napangisi lang naman siya.

"Pero ang hassle tuloy sa 'yo. Ihahatid mo 'ko sa bahay mismo namin," I raised when I remembered. Pumalatak ako. "Si Daddy, oh."

"Wala 'yon. I'd do the same sa anak kong babae kung ako ang ama."

Napangiti ako sa pagiging maintindihin niya. . . saka tama naman talaga. I admit that I was partly at fault by not seeking for Mommy and Daddy's approval first before we went away. Biglaan din kasi.

"Ipaliliwanag ko na lang sa kanila na ginusto mo lang naman mapagaan ang loob ko dahil sa nangyari with my ex. Para naman hindi sa 'yo ang lahat ng sisi as if tinangay mo lang ako."

"Really, Vi, there's no need. . ." he replied firmly. "Okay lang naman sa 'kin mag-take responsibility since sabi mo nga, ginusto ko. I really did."

Napanguso naman ako kaya saglit na nanatili sa bibig ko ang pasta bago ngumuya uli.

Tatahimik na dapat ako nang umingay naman ang cellphone ko sa tawag ni Kuya Rivo. I was not surprised because I already expected this. Kaya nga inuna ko nang tawagan ang parents namin kasi sure akong nakita niya ang Instagram update ko.

"Another that I should face?" pabirong tanong ni Uno.

"Apparently," sakay ko. "Pero ako na 'to."

"Sabihan mo lang ako. Ready naman akong panindigan ka," seryosong sabi ni Uno habang kumakain na natalo na sa boses ni Kuya Rivo sa tainga ko.

"Nasa Baguio ka? Kasama ni Uno Zorca?" my brother asked sternly. Isa naman siya sa mga nanukso sa akin kay Uno kaso tulad kina Mommy, naiintindihan ko ang reaksyon.

"Alam nina Daddy, Kuya."

Saglit na natahimik si Kuya bago nakapagsalita. "No shit?"

"Yeah. Binilin na rin ni Daddy na ihatid ako ni Uno sa bahay."

He hummed from the other line as if thinking deeply. "Okay, fine," he conceded.

I smiled to myself because I already predicted this. Kapag talaga ayos na kina Daddy, wala nang nagagawa si Kuya Rivo at nirerespeto niya na lang ang mga desisyon. Mabuti na lang hindi siya kasing higpit ng ibang older brothers. Sinuwerte rin naman ako.

Matapos naming kumain na masasabi na ring early dinner, nagpalipas muna kami nang kaunting oras bilang pagpapahinga na rin ni Uno. Ginawa ko ba namang driver, eh? But to my defense, it was voluntary of him!

When we were about to leave, both were already settled on our seats, the two towers rang the tower I was with. Saka ko lang naisip na napaghiwalay ko ang tatlo at hindi yata ako sanay na hindi sila magkakasama.

"Nauumay na 'ko sa 'yo. Busy pa rin ba si Rivi?!" ang boses ni Ulrich.

I was engrossed in editing all the images I took the whole time I was in the summer capital of the country on the shotgun seat. Kaya hindi ako makasali sa video call ni Uno kasama ang dalawang kaibigan habang nakahinto ang sasakyan.

Dahil kay Ulrich ay napatingin ako kay Uno na nasa puwesto niya, nakapatong sa manibela ang kamay na may hawak ng cellphone habang nasa ibabaw ng hita niya ang isa.

I burst into laughers as I leaned towards Uno to fit myself into the frame. Nakaharang iyong isang braso niya kaya kinuha ko iyon at inilipat sa likod ko. Sunod kong naramdaman ang akbay ni Uno habang itinatapat niya ang screen sa akin upang hindi na ako mahirapan.