وصارت كل أسئلتي لِماذا ؟..

P/25

-
- مرّ أسبوع كامل من خروج راشد من السجن ، لكن راشد وزياد مازالوا تحت تأثير ذيك الفترة .. ملامحهم ونبرة اصواتهم وحتى حركاتهم ونشاطهم .. والشباب قد مايقدرون يحاولون يطلعونهم من هالمود .. لكن زي ماحذرهم سهيل مافي شي بالغصب كل شي بوقته وبالهدواه ..
-
7:30 صباحًا ..
نايم بعشوائية وسط سريره منسدح على بطنه ويمينه منبه جواله يرن بأزعاج من ربع ساعة تقريبًا..
تأفف ورفع نفسه وسحب الجوال وهو مكشّر من الأضاءة جا بيقفله لكن استوعب من شاف الساعه وبدال لا يكشر مثل كل مره يصحيه هالمنبه أبتسم .. بعّد المفرش عنه بسرعه ونزل من سريره وعلى دورة المياه |ك| يغسل وجهه .
دقايق وطلع وهو يمسح وجهه وطلع من غرفته ومسك ضحكته بكشره وهز راسه بأسف وهو يشوف حوسة مصعب بالصالة اللي ما خلى فيها شي بمكانه ، تنهّد وفتّح الأنوار وبدأ ينظّف المكان وهو بين الدقيقة والثانية ينادي على مصعب اللي نايم بفوضويه على الكنب ..
تأفف سهيل بضجر من مصعب اللي عيّا لا يقوم وناظر سلك الشاحن اللي بيده وابتسم وعض شفته وقرب وهو يلسع عضد مصعب بالسلك بتكرار واللي نطّ بسرعه وهو يصرخ ويمسك عضده : وووجججججعع ! ، التفت وهو مكشّر من الاضاءة واللسعه وناظر لسهيل اللي حاط يده على الجدار ومنحني ومييت ضحك .. زادت عصبية مصعب بسرعه ووقف وهو يسحب اقرب شي جنبه ورماه على سهيل اللي تفادى الضربه وزادت عصبية مصعب بقهر وقرب له بيهجم عليه لكن سهيل مسك ذراعين مصعب بقوه وهو يضحك ومصدوم : ولد ولد سهيل انا وقف وقف ! .
مصعب كشّر ودفّه وهو يمسح وجهه : وش حركات البزران يا ***** ، بعدين نعممم مصحيني نعم ؟ .
سهيل تأفف : ورانا دوام امش امش لابارك الله بهالعصبية .
جلس مصعب على الكنب وهو يتأفف ويمسح وجهه بعدها ناظر سهيل : كذا الواحد يصحي طيب ؟ .
سهيل رفع حاجبه وكشّر : اقول اص انت وحواجبك مين اللي امس ماخلاني انام ؟ ، قم قم يلا ماباقي شي لا نتأخر على راشد ،لفّ ظهره بيمشي لكن رجع يلتفت لمصعب ورفع اصبعه بتهديد : ربع ساعه ان ماطلعت ترى بروح واخليك .
بعّد مصعب المخدة عن حضنه ووقف وهو يتأفف واتجه لدورة المياة |ك|..
-
بعد ساعة بالضبط ..
قدام بوابة المخازن الرئيسية :
مستند بظهره على البوابة ويناظر ساعته ويتأفف ومكشّر من أشعة الشمس .. يكره المخازن بفترة الصيف تسبب له ضيق ومزاجه ينقلب طول اليوم ومين يلوم مين بهالفترة ، خصوصًا ان طبيعة شغله حركية ..
تأفف بعصبيه وطلع جواله من جيب ثوبه وهو يتصل على مصعب الي ثواني وردّ بروقان : هلا ياعيون عمه .
راكان بعصبيه : ** ** ! ويينكم وينكم انصرعت بالشمس المفتاح مع مين راشد وينه ؟ .

مصعب عقد حاجبيه : اهدأ أهدأ شفيك من صباح الله خير تنافخ ، انا وسهيل بالطريق وراشد مدري وينه و...
قفّل راكان الخط بوجه مصعب وهو معصّب فعلًا وفكّ طوق ثوبه ونزل شماغه وهو يتحلطم : لابوكم لابو من يكشخ لكم الشرهه علي ، تنهّد من شاف سيارة راشد اللي توه وقفها ونزل وجنبه زياد يمشي بهدوء ، مشى له راكان وهو يتحلطم : وينكم وينكم ! حشى ولاحد يعطيني مفتاح ولا شي وش هالأمين اللي مامعه مفاتيح مخازنه ! .
راشد ابتسم بخفه : يالله صباح خير ، طلّع نسخة المفاتيح الجديدة ومدها لراكان : هاك خذ افتحه ، راكان ناظره بطرف عين واخذ المفتاح : طيب امشوا معي ، التفت لزياد : وانت ليه ساكت ولا تبيني اهوشك بعد ؟ .
زياد كشّر بخفه وقلّب عيونه : جاي اشتغل انا ماالعب .
راكان مسك ضحكته ومن داخله فرحان ان زياد هالمرة تجاوب معه ..
التفتوا لمصعب وسهيل اللي توهم وصلوا وكشّر راكان وهو يصفق : ماشاءالله ماشاءالله عسى ما ازعجناكم بس ؟ .
سهيل تأفف : لاتنافخ نافخ على عمك يالله نمشي بسبته اجل احد يمشي 60 ! .
مصعب كشّر : اقول انثبر تبي يجيك شي وابلش فيك ؟ .
راشد عقد حاجبيه : وش جايكم انتم تقول بزران من هالصبح نفاخ وهواش اعقلوا ! ، تنهّد ووسّع طوق ثوبه بأصبعه وهو متوتر وبلع ريقه وهو يقول : مشينا ندخل .
قرّ
—
انفتحت بوابة المخازن الرئيسية وتاهت نظراتهم بشووق بأرجائها ، كان الغبار يملي مسطحاتها وأراضيها ، كانت باهته بشكل موووجع ، والشوق لها يضاهي وسط صدورهم ..
على كبر ألم راشد وعمقه الّا انه مبتسم نصف ابتسامة وداخله يحمد ربه انه ردّه لمخازنه ، ناظرها وناظر وسعها حمد ربه مرة ثانيه انه مااضطر يبيعها ويضيعها نفس ماضيّع حلالها .. وللاسف خانته دمعه تعلّقت بطرف عينه مد اصبعه ومسحها قبل يشوفها احد وهو ناقد على نفسه كيف صاير حساس ويبكي عند اتفه المواقف ..
سحب سهيل نفس طوييل وزفره وهو يقول : عقدتي وسبب كأآبتي قبل كم شهر صرت اشتاق لها واسعى لها.
راشد ابتسم وزمّ شفايفه وطبطب على ظهر سهيل : مو قلت لك بتحبها ؟ .
مصعب كشّر بغيره : يحبها عشانه عرفني فيها ولا هي شينه زي راعيها امشوا بس ، سكت ثوانس بعدها ندم والتفت لراشد وهمس له : راشد ترا امزح والله منت شين بس يعني ...
راشد ابتسم بخفه ودف مصعب وبهدوء وهو يمشي : لاتعطيني ذا النظره البريئه مايليق عليك دز بس ، تنهّد ومشى ووقف وسطهم وهو يقول : اسمعوني بننقسم ، انا وسهيل ومصعب بالأدارة ، معنا 3 موظفين بندور على شركات نتعامل معها من جديد ، التفت لمصعب وسهيل : والظظهررر عندنا اجتماع ، الظهر ايشش؟ ا ج ت م ا ع فاهم انت واياه ؟.