المافيا😈
تحت عنوان: شهيد
للكاتبة: لولو حبيب❤
الحلقة: 1 مقتبسه من احداث حقيقية
_____________________
رواية مقتبسه من احداث حقيقية صارت في الجبل الغربي
//////////////////
2017🔥
نضت بملل عارف انه يوم عادي وروتين ممل مفيش حاجة جديدة في حياتي بس كنت غالط هادا الي يوم غير حياتي كلها
طقطق الباب وخشت امه
امه: صباح الخير
شهيد ابتسم: صباح الورد
امه: هي سلم ولدي نوض نضم امورك وتعالى تلقى الفطور واتي
شهيد ناض باس راس امه وطلع من الدار
امه ابتسمت وضمت الدار وطلعت
خش شهيد للدار حط الصلاية وكبر وابدي في الصلاة
خش شهاب يجري فتح الدولاب وطلع الجاكيت ووقف جنب شهيد
شهاب: شهيد اني بناخد الجاكيت هادي هز براسك مرة كان موافق وكان رافض هز براسك مرتين
شهيد بصوت عالي: الله اكبر
شهاب: معناها موافق
وطلع يجري من الدار
كمل شهيد ووقف يعيط
شهيد: شهاب
خطمت من قدام الدار اخته
شهد: امشي للثانوية
شهيد: حي اعليه غير يروح لما نقتله
شهد ضحكت: ديما ايدير فيها الحركة هادي صكر دارك لما تصلي
شهيد بدل حوايجه وامشي كعمز يفطر هوا وامه وبوه واخته
//////////////////////////
نعرفكم علي العيلة
الاب: محمد كان يخدم عسكري لكن توا متقاعد انسان طيب هلبااا ومش واعر لكن صغاره يحترمو فيه يعامل في صغاره كانهم صحابه ويحب عيلته هلبااااااا
الام: نعيمه ربة بيت انسانة طيبة هلباااا
الولد الكبير: شهيد مواليد 96 يقرا اقتصاد وفاتح محل ملابس هوا ولد عمه يخدمو فيه مع بعض
اخته: شهد مواليد 98 تقرا ادراة اعمال
الولد الصغير: شهاب مواليد 99 يقرا ثانوي
/////////////////
كمل شهيد فطوره طلع ركب السيارة امشي للكلية وبعدين روح للحوش دوش وبدل حوايجه وتغذى وامشي للمحل
مكعمز ويغير في التلفزيون بعدين صكره
شهيد: مفيش قناة فيها حاجة باهية
