المافيا😈
تحت عنوان: شهيد
للكاتبة: لولو حبيب❤
الحلقة: 7 مقتبسة من احداث حقيقية
_____________________
كان مكعمز وسارح شرين تلفونه
شهاب ضربه برجله: مؤيد تلفونك
مؤيد شبح الي شهاب وقام تلفونه كان الافندي جابر
مؤيد تنهد: شن بنقوله هادا توا
شهاب كعمز: مني
مؤيد: الافندي جابر
شهاب رجع اتكى: قوله شهيد اسير وخلاص
مؤيد تنهد ورد : الو
جابر: السلام عليكم
مؤيد: وعليكم السلام سيدي
جابر: اعطوني الجديد شن صار معاكم في المداهمة .. ووين شهيد نتصل بيه ميردش
مؤيد: فشلنا
جابر: كيف
مؤيد: لما قربنا نخشو للمقر وناخدوه طلبو دعم وكانو اكثر مننا وشدو شهيد اسير
جابر وقف بفزع: كيف شدوه اسير
مؤيد: هوا كان داخل المبنى ولما قتله اطلع هما شدوه تقدر تقول دارولنا كمين وطحنا فيه
جابر بعصبية: مؤيد توا يلي صار صار .. لكن شهيد لازم يرجع
مؤيد: حاضر
جابر: اليوم لازم يرجع شهيد اليوم
مؤيد: بإذن الله اليوم يكلمك
جابر: تمام وصكر
مؤيد لوح تلفونه على الصالون ولوح راسه للخلف: يااااارب
///////////////////
كانت منهارة وتبكي وتعيط وشهد تبكي وشاده فيها
جو نساوين عمهم وبناتهم لما يسمعو في العياط
قعدو يهدو فيهم وبوه مكعمز برا ومش قادر يتخيل حياته من غير ولده
اب شهيد: قتله فكنا راهو مش ساهلة ... يارب ولدي يروح كويس يارب
جمال كان خاش للحوش شبح الزحمة قدام حوش عمه مشي
جمال: خير شن في
ولد عمه: شهيد شدوه اسير
جمال ابتسم بفرحه: بجديات
ولد عمه: يافرحتك عاد
جمال ضحك: ان شاء الله ماعاد يروح
وامشي لحوشهم
ولد عمه: ربي يهدي
/////////////////
شهاب ناض بالقوة وهوا يعيط : عندي خطة
مؤيد وقف: ياساتر خيرك تخلع هكي
شهاب ابدي ينقز ويعيط: والله خطة مليحة والله
