المافيا😈
تحت عنوان: شهيد
للكاتبة: لولو حبيب❤
الحلقة: 6 مقتبسة من احداث حقيقية
_____________________
يوم جديد على ابطالنا وبدي اليوم بصوت قوي وهزة ارضية خلتهم يوقفو طول
مؤيد : هادا شني ع الصبح
شهيد يمسح في عيونه: وين طاحت
مؤيد: في الحلم متاعي ... وين نندري اعليها ماهو راقد زي زيك
شهيد ضحك وامشي فتح الباب لقي العسكري واقف قدامه دار التحية وابتسم
شهيد: وين طاحت
العسكري: في مدخل المدينة من جيهتهم هما
شهيد: تمام جهزو روحكم في الساحة
العسكري دار التحية وامشي
خش شهيد توضى وصلي هوا ومؤيد ولبسو وطلعو للساحة
///////
واقفين العساكر ومؤيد واقف قدامهم وشهيد واقف بعيد ويتكلم بالتلفون بعدين جي وقف وتكلم بصوت عالي
شهيد: صباح الخير
ردو باصوات متفاوتة: صباح النور
شهيد: ياسر سكتنا هلبا اليوم لازم نردو اعليهم ...جهزو روحكم ساعة 10 بنطلعو نهجمو اعليهم لازم انخلوهم يوخرو ونردو المقر متاعنا وناخدو حق الشهداء يلي ماتو امس
كلهم دارو التحية وامشو يوتو في روحهم
خش شهيد للدار يجهز في روحه ويلبس خش مؤيد واتكى على الدولاب وكان واضح من وجهه في شي
شهيد شبحله وهوا يعبي في المخزن: خيرك
مؤيد: الشاب يلي قاعد في المستشفى
شهيد ركز مع مؤيد: اما واحد فيهم
مؤيد: مش عارف شني اسمه قالو امس صاحبه مات وهوا انهار وقلب المستشفى بكي وعياط
وقف شهيد: اي اي عرفته .. خيره؟
مؤيد: هرب من المستشفى
شهيد حط ايديه على راسه: واااااك منك وااااااك
مؤيد: وين تتوقعه يمشي
شهيد: ماشي بينتقم الي صاحبه
مؤيد: مفهمتش
شهيد : الحقني بسرعة تو نفهمك
مؤيد طلع وراه وشهيد يحكيله وصل للساحة لقاهم جاهزين ركبو السيارات وطلعو
//////////////////
فتح شهاب الباب لقي بنت الجيران واقفة قدام باب حوشهم
شبحلها وصكر باب الحوش وركب سيارته البنت جاته وقفت في الروشن
البنت بتوتر: صباااح الخير
