المافيا😈
تحت عنوان: شهيد
للكاتبة: لولو حبيب❤
الحلقة:9 مقتبسة من احداث حقيقية
_____________________
شهاب يدور في الغرفة وهوا يفكر كيف يهرب كعمز على الكرسي وغمض عيونه ثواني بعدين فتحهم بفرحة وابتسم وامشي اتكى ورقد
ناض الصبح اخدي الكرسي ووقف وراء الباب اول مافتح العسكري الباب وخش كان جايب الفطور رد شهاب الباب وراه وضربه بالكرسي على راسه
العسكري اغمى عليه اخدي شهاب سلاحه وفتح الباب وطلع
//////////////////
سيف كان حاط رجليه على المكتب ومكعمز على الكرسي وشاد تلفونه بملل شبح الي الشاشة قدامه لقي شهاب هارب ناض بسرعة لوح التلفون وخدي سلاحه وطلع يجري
///////////////////
اب شهيد وعمامه والجيران وكبار القبايل كانو جايين
اب جمال: مرات يشدونه معاه
اب شهيد شبحله: كأنك خايف روح اني اليوم بنروح بولدي
جارهم: اي اليوم بإذن الله نروحو بيه
لما شبحوهم الحراس فتحو البوابة اول ماخشو من البوابة قابلهم شهاب طالع يجري
اب شهيد: شهاب
///////////////
شهاب شبح بوه وعمامه والجيران: هادم خيرهم
تلفت وراه على صوت سيف
سيف: اوقف في مكانك ولا حركة
شهاب قعد واقف يشبحله
سيف: بدير روحك زي خوك... خوك صح هرب لكن سيوره نشده .... انته ماعندك وين تهرب مني
شهاب ابتسم وشبح وراه لقي العساكر كلها محاصرينه
شهاب وخر وطلع وقف في النص وهما مدايرين عليه دائرة
سيف قام سلاحه في وجه شهاب وشبح لساعته : المهلة متع خوك تمت مفروض يكون اهني هوا ومؤيد
وشبح وراء شهاب وابتسم بسخريه: في بوك وعمامك ومش عارف مني تاني
شهاب قرن حواجبه: ولو تمت المهلة شن حدير؟
سيف ابتسم : تفضل خش داخل احسن ... مش حلوة تموت قدام بوك وعمامك
اب شهيد: شهاب
شهاب ضحك بصوت عالي : وربي اضحك ياسيف
سيف رقتله: شهاب خش
شهاب وقف ضحك وقرن حواجبه: وين بنخش اني مروح توا ولا انته ولا غيرك يقدر يمنعني تمام ... ومزال عندنا حساب مع بعض سيف
وتلفت بيمشي سيف ضحك وضغط على الزناد
//////////////////////
فتح عيونه شبح شهيد مكعمز
