المافيا😈
تحت عنوان: شهيد
للكاتبة: لولو حبيب❤
الحلقة: 2 مقتبسه من احداث حقيقية
_____________________
ناض على صوت الضابط وهوا يقول عساكر نوضو
ناض واقف طول وشبح الي مؤيد
الضابط: نوضو بنصلو الفجر جماعة وبعدين تدريب بسرعة 5 دقايق وتكونو في الساحة وطلع
شهيد شبح الي مؤيد: هادا شني
مؤيد: بسرعة وتي روحك هي
شهيد: غير فهمني شني فيه
مؤيد: كل يوم صبح بتنوض هكي وبالذات انته جديد مش حتوقف تدريب طول اليوم
شهيد بصدمه: شني
مؤيد ضحك وخش للحمام ^ يكرم القارئ^
شهيد: شني هادا اني شني جابني اهني
وقعد يساوى في السرير
طلع مؤيد وخش هوا توضى بدل حوايجه لبس العسكري ووقف قدام المراية
شهيد: حلو العسكري
مؤيد وراه: طالع اعليك منلاخير هيا خلي نطلعو بسرعة هي
طلع مؤيد ووراه شهيد وهوا فرحان بروحه
طلعو الساحة وقفو وصلو جماعة بعدين ابدي التدريب
شهيد يجري: هادا شني يامؤيد
مؤيد: اجري متوقفش بكل
شهيد: رجليا معاش حاس بيهم
مؤيد: هي هي
الضابط: اجري ياعسكري
شهيد: حاضر
كملو جري
الضابط: 50 تمرين ضغط
شهيد بصدمه: 50
الضابط: انته 100
شهيد: لالا 50 خير
الضابط: كلمه تانية يبدو 200
ضحك مؤيد وابدو يديرو في التمارين
جي الضابط وحط رجله على شهيد
شهيد: لا وراس امك ايديا فاشلات
الضابط: 250
شهيد : يعطيني بكشة معاش متكلم بكل
قعد يديرو في التمرين ومرة ومرة يطيح
_________________
اتكى شهيد على السرير: روح بيا معاش نبي عسكري
مؤيد ضحك: تو تتعود غير اول يوم بس
شهيد: عظامي كلها توجع
مؤيد: هي نمشو نتغذو وبعدين عندك درس وبعدين العشية تدريب تاني ليك
