المافيا😈
تحت عنوان: شهيد
للكاتبة: لولو حبيب❤
الحلقة:10 مقتبسة من احداث حقيقية
_____________________
خش شهيد يجري الي امه واخته حضنهم وقعدو يبكو الثلاثه
شهيد يبوس في امه: متخافوش اني معاكم اني جيت ومش حنسيبكم
مؤيد قرب منهم شبحتله شهد وهيا تبكي ومدتله يدها شد علي يدها بالقوه وابتسم
بعد شهيد وشبح الي شهد حط يده على خدها: خيره خدك احمر
شهد: جمال ضربني كف
تلفت مؤيد لجمال ومشاله ضربه بوكس على وجهه وطاح فيه ضرب
شهد تشبح لولاد عمها مفيش حد قرب وادخل ومؤيد طايح ضرب في جمال شهيد لف يده على امه
شهيد: خشي امي ودخلي شهد
ام شهيد شدت يده: سلم ولدي منبيش نخسرك حتى انت
شهيد غمض عيونه: حاضر .. غير خشي بس
ام شهيد شدت يد شهد وخشو وشهيد مشي يشد في مؤيد
شهيد بعياط: مؤيد سيبه
بعد مؤيد وكان وجهه احمر وعروقه كلها بارزه ويتكلم بعصبيه: مزال تحط يدك عليها نكسرها .. مزال حسابنا ياجمال مزال
شهيد يجبد في مؤيد يدخل فيه للحوش ومؤيد قاعد يبي يضرب ويعافر في شهيد
خش شهيد وصكر الباب اتكى على الباب وتنهد مؤيد مسح وجهه وكعمز واتكى على الحيط شهيد غمض عيونه ونزلت دمعه مسحها اول ماسمع صوت امه
ام شهيد: مؤيد تعالى خش خيرك كعمزت اهني ولدي
مؤيد حط ايديه على وجهه وقعد ساكت كعمز شهيد وقعد يشبح للممر يلي يرفع للديار وكان خيال شهاب وبوه قدامه
قربت شهد وحطت يدها على مؤيد فك ايديه وحضنها وسمح لدموعه بالنزول
مؤيد: سامحيني جاي بنوقف معاك ونقويك لكن منقدرش منقدرش .... شهاب كان خوي الصغير كان ولدي ... عمي محمد كنت نشبح فيه بوي اني فقدت بوي مرتين
شهيد قرب من مؤيد: مؤيد اهدى
مؤيد بعد على شهد وقعد يمسح في دموعه
شهيد وقف وامشي الي داره كعمز على سريره وقعد يشبح لدولابه
💢🌬
شهيد اني بناخد الجاكيت هادي هز براسك مرة كان موافق وكان رافض هز براسك مرتين
.
.
.
شهاب: السلام عليكم
شهيد كعمز وشبحله: وعليكم السلام
