المافيا😈
تحت عنوان: شهيد
للكاتبة: لولو حبيب❤
الحلقة: 5 مقتبسة من احداث حقيقية
_____________________
كان الاشتباك قوي هلبا وكانو فيه جرحى هلباا وحالتهم خطيرة
شهيد: انسحبو
شاب: لكن سيدي
شهيد: نفذ الاوامر .. انسحبو
ابدو يطلعو في الجرحى وركبو السيارات وانسحبو
وقفو السيارات بعيد شوي على المكان يلي كانو فيه
نزل شهيد وابدي يلف بعصبيه مسح وجهه ولحيته وضرب باب السيارة بعصبية وعيط حط ايديه على السيارة وطبس راسه لوطة وغمض عيونه
قعد يفكر لثواني وبعدين فتح باب السيارة اخدي الاسلكي وكلم مؤيد
///////////////////
مؤيد: نعم
شهيد: ابعت صاروخ لمكان التمركز متاعنا
مؤيد: في مزدة
شهيد: اي
مؤيد: شن صار
شهيد: الخطه كانت صح زي ماقتلك..... هما هجمو اعلينا اهني وكانو عندنا جرحى هلبا انسحبنا ابعت صاروخ امسحهم بالمكان يلي هما فيه
مؤيد: تمام
صكر وتواصل مع الشباب يلي في المقر وقالهم انهم يبعتو صاروخ الي مزدة
^ كانو يعرفو مكان تمركز الشباب وبعتو الصاروخ^
///////////////////
شهيد سمع صوت الصاروخ قعد يشبح الي مكان تمركز العدو وبعدين شبح النار لما دارت ضي قوي وكأنه نهار والدخان دار غيمه فوق المكان ابتسم بنصر
وتمركزو في المكان يلي هما فيه وقعدو اليل كله وهما نايضين
ركب سيارته واتجه للمستشفى وصل ونزل خش للاسعاف
لقي عسكري واقف لما شبحه دار التحية
شهيد قرب منه : شن صار فيهم
العسكري: 4 اشخاص حالتهم كويسة وجرحهم مش خطير و3 في العناية حالتهم خطيرة شوي وقاعدين في مرحلة الخطر وعندنا شهيد
شهيد تنهد بحزن وامشي اتكى على الحيط وحط ايديه على وجهه
نزل يده وشبح للعسكري وطلع تلفونه واتصل بالعميد جابر
جابر: شهيد
شهيد: اسف سيدي اتصلت في الوقت هادا
جابر: لا عادي..... ان شاء الله خير
شهيد: صار اعلينا هجوم في مزدة و هجوم في مدخل الاصابعة
جابر: كيف؟
