وصلت وجدان راحت بسيارتها وكانت مستأجره شقه محد قدر يروح معها دراسه وكذا والكل كان منشغل
راحت وجدان وجهزت اغراضها ورتبت المكان وقفلت الباب وكان فليل تعشت ونامت عشان بكره راح تستكشف النعيريه اخر مره جتها لما كانت صغيره وماتتذكرها مره
_____________________________
صباح اليوم الثاني افطرت وجدان وكانت تبحث عن اسطبل خيول رمبت خيل وكانت تتمشى وطلعت للمستشفى راحت للمدير
المدير : هذي الدكتوره إيلاف
الدكتوره أيلاف : ياهلا والله تو مانور المستشفى
وجدان : ياهلا فيك بنورك يروحي
المدير : دكتوره إيلاف اذا ماعليك امر مشي وجدان بالمستشفى
إيلاف : تمام تفضلي معي
طلعوا والدكتوره إيلاف ورت وجدان المستشفى والممرضين والممرضات وكل شي وودتها مكتبها
إيلاف : هذ مكتبك يادكتوره وجدان
وجدان : يعطيك العافية يروحي تعبتك معي
إيلاف : تعبك راحه غرفتي قدام غرفتك اذ بغيتي شي لايردك الا لسانك
وجدان : تمام يروحي ماتقصرين
قعدت وجدان تناظر وهي تقول بنفسها : يالله ياوجدان حققتي حلمك اللي كان مستحيل حققتي احلامك باقي اخر احلامك وان شاء الله يتحقق الحمدالله يارب على كل شي راحت وجدان لمكتب الدكتوره إيلاف لقت ممرضه عندها
إيلاف : هلا وجدان بغيتي شي
وجدان : لا والله حبيت اجي ادردش معك شوي
إيلاف : يروحي وجدان الممرضه لينا الممرضه لينا هذي الدكتوره وجدان
لينا : ياهلا تشرفت فيك
وجدان : الشرف لي يروحي
لينا : يالله انا استأذنكم
إيلاف : اذنك معك
وجدان : ايي اخبارك
إيلاف : بخير انتي من هنا ؟
وجدان : لا من الحفر وتوظفت هنا وانتي ؟
إيلاف : لا انا من هنا واهلي هنا بعد
وجدان : زيين الله يخليهم لك
إيلاف : انتي وين ساكنه
وجدان : سلمك الله مستأجره شقه
إيلاف : وين ؟
وجدان : بحي ****
إيلاف : جد بنفس حارتنا
وجدان : اوه طلعنا بنفس الحاره
إيلاف : اجل لازم تسيرين علينا ضروري
وجدان: ان شاء الله ، يالله ان استأذنك يروحي بروح المكتب
إيلاف : اذنك معك
راحت وجدان للمكتب شافت رساله من رغد فتحتها صور خالد وشادن
وجدان : يروحي مشتاقه لهم الله يحفظهم يارب
رغد : وصلتي النعيريه ؟
وجدان : اي وصلت امس والان انا بالمستشفى
رغد : زين يروحي بالتوفيق
وجدان : رغيد انتي مستوعبه الصدف ؟
رغد : ممكن هذا مكتوب انتي دايم تسهرين فليل عشان صلاة الوتر وماعمرك تركتيها ودايم تدعين ويمكن تشوفينه
وجدان : واذا شفته مراح اعرفه اكيد بيتغير
رغد : اذا تغير شكله صدقيني قلبك بيحس فيه
وجدان : ياربي منك القاها منك ولا من توتا
رغد : وجدان ان شاء الله بتجتمعون مافيه شي صعب صدقيني مثل ماربي جمعني ب عبدالرحمن بيجمعك بعمر
وجدان : تدرين مستغربه اني طول هالسنين ظل حبه بقلبي اههخ يارغد
رغد : سلامتك منها يروحي
وجدان : يالله مع السلامه خل اكلم توتا بعدها بشوف شغلي
رغد : يالله مع السلامه
وجدان دقت على تاليا
تاليا : ياهلا توقعت تنسيني رحتي مدينة الحُب
وجدان : مثل ماقلتي لي هالكلام بزواجك برجع اقوله انسى الناس كلها وما انساك
تاليا : للان متذكره هالكلام
وجدان : مستحيل انساه شصار بخطبة رند ومحمد عصافير الحب
تاليا : للان ماصار شي انتي تعرفين من صارت هوشه بين عبود وتركي
وجدان : احس شوضعهم شدخل رند ومحمد
تاليا : شدعوه نسيتي ان تركي اخوهم
وجدان : طيب مراهقين وتهاوشوا مكبرين المواضيع
تاليا : والله رند مره زعلانه
وجدان : ما الومها انتي تعرفين انهم يحبون بعض من لما كانوا صغار والحين عشان هوشة مراهقين مراح يقدرون يتزوجون يالله ان شاء الله تمر على خير السالفه وتتم خطبتهم على خير
تاليا : ان شاء الله
وجدان : شلون جويج اشتقت لها التعيسه
تاليا : يووه ياقدمممي سلمان بن خالد وانوسه
وجدان : لو سمحتي انا للان فانز لهم ما ارضى عليهم ومهما الناس صارت قديمه الا هم
تاليا : يوووه ذكريات
وجدان : على طاري الذكريات
تاليا : الله يستر ايش بعد
وجدان : تتذكرين يوم اتعب وحذفت المقطع الي سويته لي ولعمر وقعدت ابكي عشاني حذفته
تاليا : اييي اتذكر وهاوشتك ليه مارسلتيه لي وكنتي زعلانه
وجدان : يووه اصبري تتذكرين زواج خالك يوووه كان فلله
تاليا : يالله ياالذكريات
وجدان : طيب تتذكرين بثالث متوسط بصورتنا لما وريتها الكل قعدوا يطقطقون على طولك ؟
تاليا: ههههههه اتذذذكررر عاد شسوي لكم انتوا طوال بزياده
وجدان : والله انتي القصيره بزياده
تاليا : يالله يالله بتطلع فضايحنا بسكر انا
وجدان : عندي فضايح بعد
تاليا : الله يستر منك انتي
وجدان : يالله يروحي سيو
تاليا : سيو احبك
وجدان : صارلنا ١٣ سنه وانتي قبل اسكر او وحنا نسولف تقولين لي احبك وماطفشتي
تاليا : يالله تدرين كملنا تقريباً ١٩ سنه مع بعض
وجدان : ماشاءالله ١٩ سنه من الهواش والهوشات والزعلات ومازلنا مع بعض الله يخلينا لبعض ولا يفرقنا
تاليا : امين يارب يالله مع السلامه
وجدان: مع السلامه
