Part «13»
وجدان كانت تفكر هل هي صدفه بعد او ايش بالظبط دقت على تاليا
وجدان : توتا اسفه اذا ازعجتك
تاليا : لا عادي بس شفيه ؟
علمتها وجدان السالفه
تاليا : وجدان شوفي يعني بعد هالسنين تتعرفين على وحده وولد خالتها نفس عمر حبيبك يعني ممكن تلتقين فيه مثل ماقلت لك قبل ١٠ سنين ارجع واقوله عمر صدقيني بيرجع
وجدان : واذا التقينا مراح نعرف بعض واذا شفته وش اقول ووش اخلي هو كسرني لكن قلبي للان يحبه ولاني احبه رفضت اتزوج عشان ما احس اني خائنه لاني بفكر فيه وانا على ذمة رجال ثاني عشان كذا رفضت لو اشوفه صدقيني بيزيد حبه تدرين فرق بين اللي حب ورفض يترك وبين اللي كان يلعب فقط اهخ يا توتا اهخ يالله انا ما اطول عليك مع السلامه
رغد : مع السلامه
________________________________
بعد اسبوع وبالمستشفى
إيلاف : وجدان عندنا حفله بعد ثلاث ايام وحفله كبيره ترا عمر ولد خالتي جاء وجدي مسوي حفله بالمزرعه وملزم عليك تجين بعد
وجدان : لا مابي روحوا انتوا
إيلاف : جدي ملززم تجيين بيزعل اذا ماجيتي
وجدان : تمام بجي ولا يزعل علي عمي بمزرعه ؟
إيلاف : ايي
وجدان : تمام بجي ان شاء الله
رجعت وجدان وكلمت تاليا
تاليا : وجدان انصحك انك تتكشخين عشان يمكن تشوفينه
وجدان : لا تتأملين لان انا تغيرت وهو اكيد تغير مراح نعرف بعض يمكن نساني بعد واذا رجع انا مراح ارجع له
تاليا :وجدان لانكذب على بعض انتي عندك حسابه انستا وحافظته زيي اسمك بعد وعندك صور له الحين وانتي تعرفينه كذالك
وجدان : اخر صوره عندي له قبل سنه يمكن تغير
تاليا : محد بيتغير بسنه وصدقيني لو رجع بترجعين له لان قلبك مانساه قلبك اللي كل مازانت الجلسه ذكرك بعمر مستحيل ينساه لما بيرجع له عمر
وجدان : وش يثبت انه ماكلم غيري يمكن عنده حبيبه
تاليا : ماتوقع عنده حبيبه لو عنده خطبها انتي قلتي امس انه ماخطب من تركك وكل مافتحوا سالفة الزواج راح للمزرعه
وجدان : اهخ من المزرعه ذي من ١٠ سنوات وماطفش منها وكل شوي مقابل البل
تاليا : انتي شفيك تغارين من نياق ؟
وجدان : لا يع تخيلي اغار وعلى عمر اللي تركني مستحيل
تاليا : ايي نشوف يالله مع السلامه جاء نايف
وجدان : مع السلامه
___________________________________
بعد ثلاث ايام صحت وجدان مرت كوفي اخذت قهوه وراحت لدوامها شافت المراجعين وراحت تتمشى شوي ورجعت لشقتها تجهزت ودقت على توتا فتحت الكام
تاليا : لبسسك حلللو
وجدان : يروحي عيونك الحلوه احس متوتره لو قابلته بيعرفني ؟
تاليا : لا تتوترين معليك خليك ريلاكس عادي الا بقولك شي ترا سليم خال نايف سال عنك ويبي يخطبك
وجدان : تعرفين رايي بالموضوع
تاليا : وجدان استخيري هو شافك لما جيتيني ببيتي
وجدان : ان شاء الله تبين شي ؟
تاليا : لا سلامتك عاد لاتنسين تصورين لي كل شي
وجدان : ان شاء الله
راحت وجدان لبيت إيلاف اخذت إيلاف والبنات
الجد : وجدان حنا مطولين عمر والشباب رايحين روحي وراهم وخذي البنات معك
وجدان : ان شاء الله ياعمي يالله يابنات
حنين : تعرفين تسوقين لاتودينا بداهيه
وجدان : معليك مراح اوديك بداهيه ولو ما اعرف اسوق ماخلاكم عمي سامي تجون معي ولو سمحتي اكرمينا بسكوتك
إيلاف : وجدان ابي جوالك بشغل اغنيه
عطتها وجدان الجوال لما فتحت الجوال شافت إيلاف صوره لعمر وهو صغير على خلفية وجدان استغربت وماقالت شي شغلت اغنيه وقعدوا يغنون وحنين كرهت وجدان وصلوا وانزلوا البنات
حسين : إيلاف تعالي شوي
إيلاف : تمام
حسين : إيلاف من ذي اللي جايبتكم ؟
إيلاف : هذي وجدان
حسين : وجداان هي اللي حبها جدي واعتبرها مثل بنته
إيلاف : ايي هي
حسين : تمام يعطيك العافيه وريني عرض اكتافك بروح للعيال
راحت إيلاف للبنات داخل وورت وجدان المخيم
إيلاف : وجداني اعذريني لكن جدي قال اننا بننام هنا
وجدان : إيلااف ماجبت معي شي ياربي منك
إيلاف : جدي حلفني ما اعلمك عشان ماترفضين
بعد ساعتين جاء الجد والحريم
دخل الجد عندهم
وجدان : الله يهديك ياعمي ماعلمتني بتنامون هنا ماجبت معي شي
الجد سامي : خفت ترفضين النومه عشان كذا قلت لهم مايقولون لك الحين استانسي وشوي روحي انتي وإيلاف وجيبي اغراضك
وجدان : تمام
لفت وجدان على إيلاف
وجدان : اسمعي امشي نروح لشقتي اجيب اغراض لي ونروح سوبرماركت نتقضى شوي للسهره ونجي؟
إيلاف : تمام بقول لجدي امشي هو برا عند العيال
وجدان : عند العيال ونروح له ؟
إيلاف : يابنتي شفيك مراح ياكلونك
وجدان : يالله امشي
إيلاف : جديي
الجد سامي : امري شبغيتي ؟
إيلاف : جدي بنروح انا ووجدان لشقتها تجيب اغراض لها وبنروح السوبرماركت نتقضى للسهره شوي
الجد سامي : الحين الدنيا اظلمت مايصير تروحن بنات لحالكم
وجدان بصوت يرجف وخايفه يكون عمر موجود : تكفى ياعمي بنروح ونجي ومعليك مافيه شي
الجد سامي : طيب روحوا وتعالوا بسرعه
راحوا البنات لشقة وجدان
إيلاف : ماشاء الله شقتك حلوه
وجدان : يروحي عيونك الحلوه
اخذت وجدان كم لبسه لها وطلعت مرو السوبرماركت ورجعوا
الجد: يابنات تعالوا اجلسوا معنا
جلسوا واجتمع الحل حول الجد من البنات والعيال الكل كان حول الجد جالسين
حمد : انا جبت القيتار ترى
الحد : من صوته حلو يغني لنا الكل طالع بعمر
عمر : لا لا مابي
وجدان : انا بغني
لفوا عليها بصدمه
إيلاف : تعرفين تغنين ؟
وجدان : ايي اعرف شوفوا واحكموا
حمد : أي اغنيه تبين ؟
وجدان: اغنية لعايض تعبت اكذب
بدا حمد يسوي القيتار غنت وجدان ولما بدت وتحديداً بهالبارت : تعبت اكذب على نفسي
و اقول اقدر و انا مقدر
سبقني حسّي لحسّي
و شكاني قبل مَ اتحسر
عزيزه نفسي لكنّي
أحبه فوق ما اتصور
كانت تناظر عمر الكل انصدم صوتها كان جميل وعمر انصدم من نظراتها خلصت وجدان الاغنيه والكل صفق لها
إيلاف : ماتوقعت صوتك كذا حلو ماشاء الله
وجدان : يروحي انتي عيونك الحلوه
عمر : الحين مين وجدان ماعرفتونا ؟
الجد سامي : عمر هذي وجدان دكتوره مع إيلاف وعائشه لحالها هنا واهلها بالحفر
عمر : اها شرفتينا
وجدان : الشرف لي
توترت وجدان لانها كانت تكلمه فيس تو فيس جاها ضيق تنفس مسكت إيلاف بقوه
إيلاف : وجدان شفيك
الجد : ودوها المستشفى
إيلاف : دقيقه وجدان اهدي تنفسي شوي شوي أسماء جيبي شنطة وجدان
جابتها اسماء وطلعوا جاهز الربو وسووه لها
الجد : هاه يابنيتي شلونتس الحين نوديتس المستشفى ؟
وجدان : لا مايحتاج الحين بخير
أروى : دام الحين كلنا مافينا شي وبخير خل نلعب صراحه جراءه جابو علبة المويه ولفوها وطلع حنين تسأل عمر
حنين : قد حبيت او تحب ؟
عمر ناطر بامه : لا ماحب ولا قد حبيت
لفوها مره ثانيه وطلع إيلاف تسال وجدان
إيلاف : تحبين ؟
وجدان : شفيكم على الحب ؟
إيلاف : وجداني جاوبي
وجدان : اءء ايه احب
إيلاف : مين هو اللي بخلفية جوالك ؟
وجدان : إيلافي يروحي بعدين اعلمك وهو اساساً سوال واحد
لفوها وطلع عمر يسأل وجدان.
عمر : امم ماعندي سوال
إيلاف : عادي اسأل بدالك ؟
عمر : اي تفضلي
إيلاف : اللي تحبينه هو اللي بخلفيتك ؟؟؟
وجدان : ياربي منك ي إيلاف ماتطفشين الله يهديك ؟
ايه هو الي حاطته خلفيه الباقي اعلمك فيه بعدين
الجد : يالله قوموا ناموا عشان اقومكم على صلاة الفجر يالله
راحوا لغرفهم وناموا فيها
إيلاف : تعلميني كلل شييي صح هو عمر ولد خالتي نوره ؟
وجدان : اي هو علمتها وجدان السالفه
إيلاف : تليقون على بعض
وجدان : عاد شنسوي هذ المكتوب
إيلاف : يالله يالله خل ننام عشان نصحى بدري
