Part«22»
انتهى وقت الزياره ورجعوا للبيت واخذت وجدان اجازه اسبوع باليوم الثالث دق حسين على خالته نوره
حسين : ياخااله البشاره عمر صحى
نوره : الله يبشرك بالخير الحين جايه
وجدان : شفيك خاله ؟
نوره : عمر ضحى امشي خل نروح
وجدان : تمام
_________________________
عمر وهو يمسك راسه : شصار انا وين ؟
حسين : دخلت غيبوبه ثلاث ايام ويوه كل يوم صياح خالتي نوره ووجدان
عمر : راسي يعوررني اسمع اذا جت وجدان قولهم فقد الذاكره زين ؟
حسين : حرام عليك
عمر : سو اللي قلته ومعليك
حسين : ان شاء الله الله يستر منك
دخلوا نوره ووجدان وخالات عمر وبناتهم
نوره: عمر يروحي تحس بشي تعبان ؟
عمر : لايمه مافيني شي لكن من اللي وراك ؟
نوره : عمر هذي زوجتك وجدان
عمر : انا تزوجت متى ؟
نوره : عمر ملكت عليها قبل ثلاث ايام
وجدان : عمر نسيتني ؟
عمر : من انتي ماتذكرك ؟
وجدان وهي تمسح دمعتها : اهم شي انت بخير حتى لو تنساني عادي
عمر : يروحي امزح ماعاش اللي ينزل دمعك لاتبكين
وجدان : ياسخفك جد
حنين : سلامتك عموري ماتشوف شر
عمر : الله يسلمك ياحنين
وجدان : تحس بشي يعورك الجرح ؟
عمر : معليك مافيني شي بخير انا يروحي
وجدان : زين الحمدالله
نوره : وجدان ثلاث ايام وماهدت بس تبكي من خوفها عليك
عمر : اوه تخافين علي ؟
وجدان : لا من يقوله شدعوه انا ليه اخاف عليك عادي
عمر : هههههه اهخ مبين انك مابكيت وعادي الموضوع وعيونك اللي منفخه من البكي ؟
وجدان : معلينا من عيوني اللي منفخه من البكي اهم شي انت بخير
عمر : الا متى بيطلعوني ؟
حسين : اتوقع بكره الصباح
عمر : مالي خلق ابي اطلع الحين
حسين : اقول انثبر مكانك يصير لك شي ولا ينفك جرحك اهدا ، الا ماقلت من اللي اطلق النار ؟
عمر : حسين بعدين اقولك
حسين : تمام
_____________________________
انتهى وقت الزياره وطلعوا كلهم بعد ماتطمنوا عليه
حسين : مابقى الا انا وانت قولي السالفه
عمر : بعد ماوقعنا وخلاص جاني اتصال من شخص من قرايب وجدان وكان يحبها قبل وقالت لي وجدان انه يطلع عنها كلام ويخرب خطبتها دايم
حسين : شيبي منك ؟
عمر : اتصل وقال انه برا وينتظرني ومعه صور لوجدان وطلعت وصار اللي صار واطلق علي
حسين : بتشتكي عليه ؟
عمر : لا خله ماتوقع بيسوي شي مره ثانيه
حسين : على كيفك لكن اخاف يسوي شي ثاني انتبه
عمر : ماعليك معك الضابط عمر
حسين : الله والضابط تصاوبت ودخلت المستشفى نفعك الضابط عمر
عمر : ياخي شفيك انت الحين خلاص عادي طلعني بالله
حسين : مافيه طلعه بتقعد هنا لين يجي الدكتور يقول خلاص انقلع
عمر : ياليل لو حمد موجود احسن منك
حسين : ايه عشان تطلع انت وحمد تفرفرون بالشوارع
عمر : حسين مافيني شي انا بكره ان شاء الله طالع معليك
_____________________________
وجدان : تعبان؟
عمر : معليك يروحي انتي ماني تعبان
وجدان : اصبر شوضع حنين ذي قلنا بنت خالتك لكن زوجتك موجوده يعني
عمر : غرتي ؟
وجدان : لا بس حركتها ماعجبتني شقالت عموري يع
عمر : ياحياتي اللي يغارون
وجدان: عمر تعرف من اللي اطلق النار ؟
عمر :ايه
وجدان : مين ؟
عمر : ولد عمتك
وجدان : هاه !
عمر : هو للاسف
وجدان : يالله يالله وماشتكيت عليه ؟
عمر : لا عشانه ولد عمتك وكذا ماحبيت
وجدان : كان اشتكيت عليه عاد الله يهديك
عمر : ماحبيت اشتكي وان شاء الله مايسوي شي
وجدان : الله ستر وكنت حاسه وكنت اقولك وقلت مراح يصير شي ،انت ارتاح الحين وبعدين نتفاهم
عمر : تمام يقلبي
_____________________________
باليوم الثاني طلع عمر ورجعوا للنعيريه ورجع عمر للكويت لوظيفته
عمر : سالم شصار ؟
سالم : للان ماعترفت
عمر : بروح احقق معها
سالم : تمام
عمر : لو ماعترفتي وقلتي من اللي مرسلك عقوبتك راح تكون شديده فا اعترفي يكون احسن لو اعترفتي راح نخفف عليك الحكم اعترفي وعليك الامان ومحد راح يمسكك او يضرك
زينب : هددوني باهلي مقدر اعترف
عمر : نرسل دوريه لاهلك ومراح يصير لهم شي بأذن الله بس اعترفي وقولي لنا مين اللي ارسلك وخلاك تدخلين المركز على انك شرطيه ؟
زينب : جابر هو اللي ارسلني وهددني بأهلي وبحياتي واضطريت اسمع كلامه ولا كان بيقتل اهلي
عمر : تتفقين معنا على كمين نسويه لجابر ونخفف عليك الحكم بعد ؟
زينب : مو مهم الحكم اهم شي مايضر اهلي
عمر : لا معليك ماهو ضارهم ان شاء الله بس اتفقي معنا وخلاص
زينب : انتو خططوا وعلموني الخطه و انفذها معكم بس اهم شي اهلي
عمر : سالم
سالم : هلا
عمر : سالم ارسل دوريه لبيت زينب
سالم : حاضر
