Part«15»
عمر : حمد جيب القيتار
جاب حمد وبدا يعزف وغنا عمر اغنية تبارك قلبي
: تبارك قلبي في حبن ملكني والعيون تشوف
ولا به شي يسعدني سوا انه يكون قدامي
هدية ربي يوم انك على قلبي تجي وتطوف
ملكت القلب وراعيه لمسته راحت الامي
احبك ؟! احبك ايه احبك ايه احوفك حوف
احبك يمكن اتقصر..رسمتك جفت اقلامي
كان يناظر وجدان ووجدان تناظره بنظرة حب وحزن لكن مادروا عن اللي تناظرهم وهي منقهره
حسين : الله الله
عمر : عليك
حسين : تقصد احد ؟
عمر : ايه اقصد
حسين : مين ؟
عمر : وحده اخذت قلبي ويمكن تسمع كلامي وتعرف انها المقصوده
حسين : الله الله تحب حركات
عمر : أي والله احببها هي خل ترضى علينا
وجدان : اذا انت الغلطان تبيها ترضى ؟
عمر : قلت لها غلطان وندمان ماينفع ؟
وجدان : ماينفع شخص انكسر مستحيل ينفع معه اعتذار
حسين : خلاص هدو وروقو خل نسهر ونرتاح
أروى : ماعندكم فعاليات شي خل نروق ونستانس
حمد : شرايكم جلسة شِعر واغاني ؟
وجدان : جوّوي
حسين : تمام اجل دام معجب وجدان نسوي الجلسه
عمر لف عليه : ليه دامه معجبها تمام ؟
حسين : بعدين اقولك
إيلاف ناظرت وجدان وقعدوا يضحكون
حمد : شفيكم ؟
إيلاف : ولا شي حاجه بيني وبين وجدان
حمد : هذا العود وجبناه يالله
عمر : بغنني ، غناء اغنيه كانت وجدان تنزلها بعمر
" أي والله مارضى عليه ولا اساويه بشر
واللي يلوم القلب فيه ماضنتي عنده نظر
ازعل الدنيا لرضاه واغيب الا عن هواه
الله وضع فيني غلاه وشكثر احبه وشكثر "
وجدان : حنا طولنا وعمي سالم بيقومنا بدري وانا مصدعه خل نروح ننام
الكل راح ينام وطلعت وجدان تكلم تاليا
وجدان : تخيلي عرفني بعد ماكلمتك الصباح تخيلي عنده امل ان حبه بقلبي للحين
تاليا : وجدان لاتكذبين علي ماتقدرين اعرفك انا انتي للحين تحبينه
وجدان : للاسف للان احبه لكن كرامتي اولى
تاليا : طيب شصار ؟
وجدان : تخيلي قالهم انو يحب وعلمتها وجدان كل شي وعن الاغنيه
تاليا : للان يحبك صدقيني
وجدان : صح احبت لكن جاء متأخر
سمعت وجدان صوت احد لفت مالقت احد
وجدان : ماعلينا منه مع السلامه يروحي بروح انام
__________________________
عمر : اهخ طلعت للان تحبني باقي بس ارجع ثقتها فيني
رجع عمر للمجلس اللي ينامون فيه
عمر : حسين شفيك على وجدان ؟
حسين : تبي الصراحه احسني معجب فيها
عمر : طيب انت تدري هي تحبك ولا لا اساساً هي قايله انها تحب
حسين : مدري والله يمكن اذ قلت لها يطلع شعور متبادل
عمر : لا موشعور متبادل
حسين : شدراك ؟
عمر : لاني احبها وهي تحبني
حسين : هي اللي اليوم قلت فيها الاغنيه
عمر : اي وزعلانه علي وابي اراضيها
حسين : زين الله يوفقكم
انسدح عمر وهو يفكر بطريقه عشان ترضى وجدان ولقى طريقه
________________________________
صحاهم الحد بدري صحى عمر وهو ناوي يسوي خطته اتفق مع إيلاف ، نادت إيلاف البنات عشان بيروحون للخيول ولقوا عمر هناك
عمر : ياهلا تعالي حنين
حنين : انا ؟
عمر : اي بركبك خيلي ما احب احد يركبه لكن انتي غير
راحت له حنين وطلعت وجدان للبيت وهي تبكي لحقها عمر
عمر : وجدان وقفي
وجدان : شتبي مني روح لها
عمر : اوقفي وجدان
وجدان : شتبي اكرهك روح لها خل تنفعك
عمر : وجدان انا احبك ومستحيل احب غيرك لا حنين ولا غيرها
وجدان : مبين وانت بتركبها خيلك
عمر : اول شي مو خيلي خيل حسين ثانياً انا احبك واذا تبين اعتذرلك من اليوم الى بكره شتبين ؟
وجدان : وش يثبت انك تحبني وماتغدر فيني ؟
عمر : بكلم امي عشان اخطبك
وجدان : إذا جت امك وقالت لي الموضوع وطلبت رقم اهلي ذيك الساعه أسامحك
عمر : تمام بروح لها انا
وجدان : وانا بروح للبنات
________________________
راح عمر لامه وخالته سليمه ام إيلاف
عمر : يمه ابيك بموضوع
نوره : وشهو ؟
عمر : يمه ابيك تخطبين لي وجدان
نوره : وجدان صديقة إيلاف
عمر : اي يمه ابيها
سليمه : احسن مااخترت
نوره : انت اهم شي نويت تتزوج مو لازم منهي
عمر : يعني موافقه ؟
نوره : ايه ياوليدي موافقه وبكلمها تعطيني رقم امها واكلمها
عمر : تكفين يمه روحي لها الحين تكفين
نوره : طيب شفيك
عمر : انتي روحي وقولي لها السالفه
__________________________________
على العصر طلعوا العيال
نوره : وجدان
وجدان : هلا ياخاله
نوره : تعالي ابيك بموضوع
راحت وجدان مع نوره ودخلوا غرفة إيلاف
نوره : اسمعي وجدان انا بخطبك لولدي عمر استخيري وان شاء الله مايصير الا طيب واذا استخرتي و وافقتي كلمت امك
وجدان : ونعم فيكم ياخاله نتشرف فيكم ويكفي انك امه لنا الشرف لكن انا رايي من راي ابوي
نوره : الراي الاول والاخير لك يابنتي وعطيني رقم امك اكلمها
عطتها وجدان الرقم وطلعت للحوش وكلمت تاليا
وجدان : تاليا خطبننني
تاليا : هاه ؟
وجدان : وش هاه اقولك عمر خطبني
تاليا : يروحيي مبروك بتتزوجين
وجدان : ايي بتزوج حب حياتي اهخ يفرحتي
تاليا : قلت لك انتي للان تحبينه
وجدان : يالله انا بسكر وبروح لهم داخل
سكرت وجدان وراحت ل إيلاف وقالت لها واستانست إيلاف
إيلاف : الله وجدان بتتزوجين ولد خالتي وتصيرين عندنا
وجدان : اهخ يافرحتييي احس مستانسسه
دخلت أروى : بنات جدي والعيال جو امشوا
راحوا البنات
نوره : ابشركم خطبت وجدان لولدي عمر
الجد سامي : مبرووك مبروك
عمر : يبارك فيك
قعد يسولف عليهم الجد سامي ويقولهم قصص تعشوا ودخل الجد ينام
نادى عمر إيلاف
عمر : ابي رقم وجدان
إيلاف : يافضحي فضحاه عيب
عمر : اخلصي علي إيلاف اعتبرك اختي الكبيره اوقفي معي
إيلاف : طيب
عطته إيلاف رقم وجدان ورجعوا لجلستهم
