Part«28»
بعد اسبوعين وقبل الزواج ب اسبوعين كانت وجدان بالسوق وتتجهز
حور : شرايكم بذا الفستان ؟
عهود : حلللو ويصلح لك جربيه
راحت حور تجربه
تاليا : شلون عروستنا ؟
وجدان : تاليا
تاليا : ياعيونها
وجدان : ياهلا اشتقت لكك وين البنات ليه ماجو ؟
تاليا : البنات بالطريق
وجدان : تمام بروح ادور فستان تعالي معي وامي وعهود وحور بيدورون فساتين
تاليا : يالله امشي
_________________________________
زينب : قاعدين يخططون يدخلون دفعه من الممنوعات والاسلحه والمفجرات
عمر : اي شي تسمعينه تعلميني عليه
زينب : تمام وجابر تقريباً مثل خاتم بيدي ممكن تقول قدرت عليه
عمر : حلو جداً
________________________________
علي : جاهز ياعريسنا ؟
عمر : احسني مستانس ومتوتر شعور مدري كيف لكن حلو وجداً
علي : اوه انت واقع جداً بالحب
عمر : اهخ بس امش معي نروح نتمشى
علي : شرايك نسافر ؟
عمر : يالله تم ما اقول لا بس وين شرايك بالشرقيه بروح للبحر
علي : تمام على الفجر نمشي ؟
عمر : حلو يومين ونرجع
علي : تمام
_________________________________
عمر : شلونك يروحي
وجدان : بخير الحمد لله انت شلونك ؟
عمر : بخير يادنيتي
وجدان : اعذرني مادقيت عليك لكن رحت اتجهز انشغلت
عمر : معذوره ياروح قلبي جاهزه مابقى شي ونصير مع بعض
وجدان : احسني خايفه يصير شي ومستانسه لان اخيراً حب حياتي بنكون مع بعض
عمر : لاتخافين وان شاء الله ماراح يصير شي
وجدان : ان شاء الله
عمر : تطمني ان شاء الله مو صاير شب وايه صح بنسافر انا وعلي بكره على الفجر ان شاء الله بنروح للشرقيه يومين ونرجع
وجدان : تمام انتبه على نفسك
عمر : تمام وانتي بعد انتبهي على نفسك
_________________________________
عهود : يالله بتتزوجين يالله توك كنتي ورع يامسرع الايام
وجدان : يووه تتذكرين لما كنا نلعب فوق ببيتنا القديم ؟ كنا نقلد كرتون فراوله وصديقاتها مسوين كوفي وكلمة سر للغرفه
عهود: يالله والان انتي عروس وبشوفك بالفستان الابيض
وجدان : ترا ببكي
عهود : مهما كبرتي بتظلين بكايه
وجدان : اهخ للان اتذكر لما كنتوا تقولون لي بكايه وحروشه
عهود : يالله نامي ياعروس
____________________________________
تاليا : اسمعوا سويت هالقروب عشان بنسوي باي باي سنقل لوجدان
عهود : اي كنت افكر فيه
رند : هي بتعرف اننا بنسويه لها ف مراح نسويه لها الحين شرايكم نسويه لها اذا بقى اربع ايام على الزواج عشان صدق تتفاجئ
ريم : صح
رند بنت خالة وجدان : تمام اجل نبدا نجهز الحين لكن اهم شي ما نبين لها
رفيف : تمام
_____________________
فجر اليوم الثاني
علي : عمر انا برا اطلع
عمر : جاي
نوره : استودعتكم الله يايمه انتبهوا للخط وطمني عليكم اذا وصلتوا
عمر : ان شاء الله تبين شي امري ي ام عمر
نوره : مابي شي غير انك ترجع بخير بس وانتبه لنفسك
عمر حب راسها : ان شاء الله بنتبه على نفسي معليك واول ما اوصل بدق عليك اطمنك تمام
نوره : تمام توصلون بالسلامة
________________________
زينب : جابر متى بتدخلون الممنوعات ؟
جابر : ليه شعندك ؟
زينب : لا بس اسال لان يمكن اروح معهم عشان اغير جو
جابر : اييه يمكن بكره او بعده كذا انتي كوني جاهزه
زينب : تمام
_____________________
نايف : زواجهم قرب وجدان وعمر
تاليا : ايه الحمد لله جهزت اغراض وجدان وخلف واغراضي بس بروح اجهز مع وجدان
نايف : زين الله يخليكم لبعض
تاليا : امين ويخليك لي
