Part«12»
خلص دوام وجدان وكانت راجعه الا عنود تدق عليها.
وجدان : هلا
عنود : اخبارك
وجدان : بخير والله وراجعه الحين للشقه
عنود : زين الله يستر عليك
وجدان : شلون عهود وسمر وغانم وحوري وفهود وفايز وابوي
عنود: كلنا بخير الحمدالله
وجدان : تمام سلمي لي عليهم وقوليلهم اشتقت لهم مرره واحبهم
عنود : تمام ترا رمضان قرب بتجينا ؟
وجدان : شوفي ما اوعدك لكن بجي ان شاء الله واذا ماقدرت جيت قبل العيد معليك
عنود : ان شاء الله
وجدان : يالله مامي مع السلامه وصلت يروحي
عنود : تمام بحفظ الرحمن
سكرت وجدان وهي تناظر بشوارع النعيريه واشتغل فيد كانت وجدان محتفظه فيه قبل تقريباً ٩ سنين صوت لعمر وهو يغني نزلت دمعتها ومسحتها وطفت المسجل وراحت لشقتها نامت وهي تضم صورته
__________________________
صحت وجدان وراحت لدوامها
إيلاف : سلام ياحلو
وجدان : ياهلا ياهلا
إيلاف : اقولك شي لكن ماترفضين
وجدان : على حسب
إيلاف : لا قولي تم
وجدان : تم مانقدر نرفض لك طلب
إيلاف : امم امي لما علمتها عنك عزمتك عندنا ببيتنا
وجدان : لا والله مابي اتعبكم
إيلاف : اعذريني مقدر امر من امي مقدر
وجدان : إيلاف بالله مابي اتعبكم
إيلاف فتحت جوالها : ماما
ام إيلاف : هلا
إيلاف : وجدان ماتبي تحي تقول مابي اتعبكم
ام إيلاف : شدعوه يا بنيتي ماتتعبينا وعشان اتعرف عليك وتتعرفين على اهلي وخوات إيلاف عاد إيلاف من جت امس وهي تسولف عنك وعن جمالك خل نشوفك
وجدان : ان شاء الله ياخاله عشانك بجي تامرين
ام إيلاف : مايمر عليك عدو يا حبيبتي ننتظرك حنا بكره ان شاء الله
وجدان : ان شاء الله
إيلاف : بتجين؟
وجدان : ان شاء الله
إيلاف : الله عشان اعرفك على امي وخالاتي انا بروح لمكتبي
وجدان : تمام
دقت وجدان على تاليا
وجدان : بدخل بالموضوع سريع انعزمت بكره فا ايش البس
تاليا : امم تتذكرين الفستان اللي لبستيه بالحفله الي سوينها لك قبل تسافرين
وجدان : ايي وانهبل الكل عليه
تاليا : زين اجل البسيه
وجدان : تمام
طلعت وجدان وراحت لسطبل الخيول واول مادخلت فتحت جوالها شافت صوره لعمر على الحصان ابتسمت بخفه ودخلت شافت حصان وعجبها
وجدان : يالله كيييوت تدري عاد حلمي من كنت صغيره اركب خيل ماتوقعت بيتحقق عاد تدري يقولون ان الحيوانات احسن من البشر اهخ يالبشر تدمرت نفسيتي كثيير بسببهم الله يسامحهم
تمشت شوي وركبت سيارتها مرت كوفي وكانت تتمشى بدون اي فائده راحت المول شرت لها لبس ورجعت لشقتها واول ماوصلت الا الساعه ٦ المغرب تعشت ونامت
_________________________________
صحت وراحت للدوام استأذنت على الساعه ٢ الظهر
رجعت لشقتها تغدت وراحت تتجهز لبست فستان تحت الركبه بشوي وسوت شعرها ويفي وجهزت حلى خلصت على الساعه ٤
وجدان : إيلاف حياتي وين بيتكم
إيلاف : برسلك الموقع احسن
وجدان : تمام
وصلت وجدان فتحوا لها الباب
إيلاف : حياك تو مانور بيتنا
وجدان : الله يحييك بنورك يروحي
إيلاف : ماما هذي وجدان
ام إيلاف : يامرحبا شلونك شلون امك
وجدان : بخير الحمدالله انت شلونك
ام إيلاف : بخير نحمدالله ونشكره
إيلاف : امشي وجدان هذي خالتي نوره
نوره : سلام شلونك يابنيتي عساتس بخير
وجدان : بخير الحمدالله
تعرفت وجدان عليهم وقعدت تسولف معهم بعدها اخذتها إيلاف لغرفتها
وجدان : خالتك نوره احسها كيوت تجنن
إيلاف : خالتي نوره منفصله عن زوجها وماعندها الا ولد وحيد
وجدان : ياحياتي هي ذكرتني بوحده الله يخليه لها
إيلاف : امين يارب راح للكويت عند ابوه
وجدان : اها ماشاءالله
إيلاف : وخالتي غنيمه تبي ولد خالتي نوره لبنتها لكن هو رافض الزواج وبنت خالتي غنيمه تحبه هو اكبر منها بخمس سنين
وجدان : ليه رافض يتزوج
إيلاف : مدري لكن قبل ٩ سنين تقريباً او ١٠ سنين كان بثالث متوسط كنا متخرجين وصارت هوشه بينه وبين خالتي نوره واتذكر وقتها طلع من البيت معصب ورجع اليوم الثاني وبعدها راح اخذ عمره ورجع
وجدان : ماشاء الله
إيلاف : ومن رجع وكل ماتفاتحه خالتي نوره عن الزواج طلع للمزرعه
أروى : بنات العشاء جاهز وجدي جاء ترا
إيلاف : تمام
نزلوا
الجد سامي : شلونك يابنيتي مرتاحه بشقتس
وجدان : اي الحمدالله مرتاحه
الجد سامي : اعتبريني مثل جدك والعيال اخوانك وايشي بغيتيه مايردك الا لسانك
وجدان : ماتقصر ياعمي
تعشوا وسلمت عليهم وجدان وراحت لشقتها
_______________________________
عائلة إيلاف :
الجد : سامي زوجته متوفيه
ام إيلاف
عندها ثلاث بنات كبار متزوجات مالهم دور
حسين : ٢٨ سنه ظابط
إيلاف : عمرها ٢٦ سنه دكتوره
حمد : عمره ٢٢ سنه اخر سنه جامعه إدارة اعمال
أروى : عمرها ١٩ سنه ثاني سنه جامعه
أسماء : ١٥ باول ثانوي
نوره : منفصله
عمر : سبق التعريف
غنيمه :
خلدا : ٢٨ سنه متزوجه وعندها بنت
سامي : عمره ٢٧ سنه عسكري
خلود : ٢٥ متزوجه
حنين : ٢٠ سنه بثالث سنه جامعه
_______________________________
