Part«19»
عند تاليا بعد صلاة العيد
نايف : وش ذا الزين متزوج ملاك انا ؟
تاليا : نايف استحي
نايف : من عرفتك وانتي تستحين احبك
تاليا : وانا احبك يانعمة ربي لي
نايف : تدرين اني محظوظ فيك
تاليا : وانا محظوظه فيك ربي رزقني بنعمه
نايف : انتي الشخص اللي كنت اتمناها زوجتي وام لعيالي وتحققت هالامنيه تزوجتك ورزقني ربي بخلف ووجدان
تاليا : الله يخليك لي ولايحرمني منك
نايف : ويخليكم لي ولايحرمني منكم يالله تجهزي عشان نروح لاهلك نسلم عليهم ونرجع لاهلي
تاليا : تمام
_________________________
ببيت ام غانم ولانها الكبيره وجدتهم الكل بكل عيد يجتمع هناك
وجدان : رفييف اخبارك يروحي
رفيف : بخير انتي اخبارك
وجدان : بخير دامك بخير يروحي
رفيف : من رحتي النعيريه وانتي مختفيه اشتقنا لك
وجدان : يروحي انتي والله انشغلت هناك مع الوظيفه وكذا وكنت اطلع مع عمي سالم وإيلاف
رفيف : مين إيلاف وعمك سالم
وجدان : هذي سالفه طوييله خل انادي البنات واقولكم
احتمعوا البنات وقعدت تسولف عليهم وجدان عن النعيريه ووظيفتها وعن إيلاف وعائلتها
__________________________________
ببيت تاليا اجتمعوا البنات بعد المغرب ونايف طلع للعيال
وجدان : بنات
البنات : هاه
وجدان : احس متوتره لازم اعلمه ؟
رند : اذا ماتبين يروح من ايدك
ريم : غبيه انتي لازم تعلمينه
تاليا : انا ابصم لك بالعشره ان يوسف بيسوي شي
وجدان : ادق عليه ؟
رند : ايه دقي عليه وعلميه
وجدان : يممه بسم الله اووه
وجدان : سلام
عمر : وعليكم السلام امري
وجدان : وينك ؟
عمر : بالبيت ليه ؟
وجدان : بقولك موضوع لكن لاتعصب
عمر : ايه قولي
وجدان : بعد ماتركتني بفتره ضافني حساب نفس اسم ريم بنت عمتي وكنت اسولف معها وماستغربت
عمر : ايه ؟
وجدان : وطلع يوسف ولد عمتي وعطيته بلوك
عمر : اييه ؟
وجدان : وبعدها بفتره صار يجيني من حسابات وهميه وانه معجب ولما يجييني ناس يخطبوني يروح للي يخطبوني ويقول عني كلام
عمر: شيبي ذا ؟
وجدان : ولما قلت للبنات انك خطبتني خفنا يجي ويقولك شي او يسوي شي
عمر : لا معليك يروحي انا واثق فيك ومستحيل تسويين شي ودامك انتظرتيني عمر بتخونيني مستحيل
قامت وجدان من عند البنات
وجدان : محظوظه فيك تدري
عمر : بالعكس انا اللي محظوظ بوحده زيك بتصير زوجتي وام عيالي وانتظرتيني سنييين احبك يا جوجو
وجدان : وانا احبك يا عميران للان تتذكر وش كنت تناديني فيه
عمر : شدعوه مستحيل انسى دلعك (جوجو)
وجدان : انا بسكر الحين يروحي تركت البنات بروح لهم
عمر : تمام استودعتك الله
___________________________
وجدان : قلت له
رند : ايه ندري لكن شعندك قمتي شقالك ؟
وجدان : ماقال شي
ريم : ودي اصدق قولي لنا شقالك
وجدان : اسرار عائليه لو سمحتوا
تاليا : ههههههه من اللي كان ينشب لي اعلمه كلامي انا ونايف
وجدان : تاليا يروحي هذا سابقاً انقذيني منهم
تاليا : يالله بس خلوها الا جويج لو سمحتوا
رند : يالله خفنننا
تاليا : ياحيوانه ببيتي وتطقطقين علي
رند : واذا بيتك بيت زوج اختي
ريم : هههههه حلوه
وجدان : بنااااات تخيلوا من شفت اليوم الصباح
تاليا : مين ؟
وجدان : ريم بنت عمتي
تاليا : يع شتبي
وجدان : مريت انا اسلم على عماني وجدتي وكان الكلل هناك حتى العيال وكلهم مجتمعين قالت جت قليلة الحياء توظفت وظيفه مختلطه ماتستحي
تاليا : يع من باقي يقول وظيفة اختلاط يعع
وجدان : يع قهرتني بغيت اقول اصفقها كف لكن عمي حمد قال حنا واثقين ببنتنا ومستحيل تسوي شي غلط ووظيفتها ترفع الراس صراحه يابنات ماتوقعت ولا واحد بالميه عمي حمد يدافع عن وظيفتي بنات مستغربه ان هالشخص هو نفسه اللي عيا مع ابوي
رند : عجبني عمك كفو
ريم : احس يوسف هو اللي قايلها الكلام
تاليا : حنا كل مازانت الجلسه شكينا بيوسف هههههه
وجدان : اي والله ههههههه
رند : يع ماعلينا منهم بالله وجدان غني لنا
وجدان : اممم وش تبون وحده وحده تختار
تاليا : ابي يابن الاوادم
وجدان: وطبعاً معروفه لمين
رند : الكل يعرف لمن
غنت لهم وجدان وكل وحده ولها اغنيه ولكل اختيار قصة اللي كانت تحب واللي كانت منكسره وتبي تنسى واللي كانت تغني وهي خايفه تحب نفس الشخص مره ثانيه مرت ايام على البنات كانوا بحاجة ناس توقف معهم ووقفوا مع بعض وكانوا واثقات ببعض ومستحيل احد يفرقهم حتى وهم بعيد عن بعض وكل وحده لها حياتها ولها وظيفة بقوا على تواصل مرت ايام على وجدان كانت تفكر انها تن*تحر لكن وقفت معها تاليا وبكل مره توقف معها غيرت وجدان وغيرت تفكيرها كانت تحاول بوجدان تنسى عمر لكن هذا الشي الوحيد اللي ماقدرت عليه (انصحكم بالصحبه الزينه اللي مهما صار معك تلقينها جنبك ومهما ضاقت عليك الدنيا تروحين لها وتغيرك الصحبه هي الاساس يا اما توديك لخير او توديك لشر فا هالله هالله بالصحبه الزينه )
_____________________________
