ماورا صدري الا نجد العذية و صيتة .

البارت الثالث

في الديره وهم جالسين البنات
مها : الا يا ام سعد فايح شلونه قبل سنتين كان رايح في يدها
ام سعد : مب قادر ينسى يامها مب قادر
نور : الحين ليه محد يقول لي القصه!
عمه مها الي قرصت نور وتقول لها اسكتي
نوير الي غمزت لنور: نور تعالي المطبخ نجهز القدوع دام العيال مجتمعين
راحوا المطبخ وقالت نور : ليه محد راضي يعلمني !
نوير : بعلمك على اني فايح بس سدي فمك لين اخلص
نور: طيب قولي
نوير :
قبل ٥ سنين وقت الحادثه
فايح جا له ولد وكان مستانس فيه
دخل فايح على زوجته : جا الي ماراح احد راح يفرقنا من بعده
زوجته : اي مره فرحانه
فايح : الحمدالله اني جيت الرياض وتزوجتك
زوجته : اعشقك
زوجته غارت من ولدها وهي ماتواطن فايح وللاسف تتعاطى
وفي يوم من الايام نطلت ولدها برا وهو صغير جا فايح وشاف حالة زوجته
وصاح : رنناااا ولديي مايتنفس وش سويتي فيه ليه ناطلته برا بذا البرد ارحمي ولدك ارحميه دايم اقول تحسنت الحمدالله وانصدم ناطله ولدك وتاكلين المخنز ذا
راح فايح على طول المستشفى ودق على نياف وهياف وخلدى يرجعون رنا لاهلها لرياض وتطلق منها
اول ماوصل المستشفى وجاه الدكتور وشاف الولد قال : احسن الله عزاك
فايح انهار وقعد يلوم نفسه ويقول ليه تركته معها ليه ما طلقتها اول مادريت ليه خليتها تحمل وهي بذا الوضع
رجع لاهله وطاح ورجعوا نياف وهياف وخلدى وماعلموا احد دخلوه المجلس الكبير وقفلوا الباب
نياف : ولد قمم قم امي لا تدري الحين رح لمحكمتك بعدها خلها تدري
خلدى : وش الي امي لا تدري الحين! تستهبل تبيها تنجن علموها بهدوء الحين
هياف : هي اكيد لاحظت كلنا مو فالبيت الا سياف وسوير ونوير
نياف : انا دقيت على تلفون البيت وردت نوير علمتها تسد مكاننا لين نجي وتحاول امي ماتدري وقلت لها تقول لسوير و سياف
فايح : ورع انت وياه اسكتوووا امي مردها تدري
ويطيح فايح ويضرب راسه بالطاوله يوم طاح
خلدى صاحت وقعدت تقول : ذا لا يلحق ولده نيااف جهز السياره وانا بقول لنوير تقول لامي هي وسياف وسوير
نياف راح ركض يشغل السياره وللاسف كانت خربانه ومافيه الا الشاص شغال
نياف: اركب هياف الحوض وانتي خلدى جيبي بطانيه ينسدح عليها فايح
راحت ركض خلدى وقالت لنوير وطلعت وركبت السياره وحركوا بسرعه
عند سياف وسوير ونوير الي راحوا للمجلس الكبير ينضفون دم فايح ويتناقشون بالموضوع وكيف يحلونه
سوير : حنا شلون نقول انا خايفه
نوير :ياليل وش بلاني فيكم
سياف: كيف نقول لامي انا بقول لها دامني رجل البيت الحين
سوير : بعيد الشر عن ابوي وش قصدك يعني حنا بنات مانعرف انا الحين اقول لامي
راحت سوير تركض ونوير تلحقها تبي تسكتها وتدعي على سياف
سوير اول ماوصلت عند امها : يمه ولد فايح مات
لفت على سياف : وقالت وشووو
قال سياف : دامها خربت خذي الخبر الثاني رنا تتعاطى
لفت على نوير : وشووو
نوير : وفايح طاح وراسه انفجر
وتصيح ام سعد : يا بوووسععععددددد
وطاحت
جا ابو سعد يركض وعلموه وراح شال ام سعد وراح المستشفى ولقى هناك خلدى والعيال
اما عند سياف ونوير وسوير
سوير تصيح وتبكي : امي مااتتت امي ماتت
نوير : يالليل الدراما ما ماتت بس انخفض الضغط
سياف الي صاح : اسكتووواا بدق عليهم من التلفون
في المستشفى
العيال شافوا امهم في السرير طايحه
كلهم : يمهههه
وعلمهم ابوهم
نياف : قايل لخللدى لا تقولين لهم بينكبوننا
هياف : افتكينا من هذا الهم الحين يدرون بدخل اشوف امي
بعدها بثلاث شهور وفايح للحين مادخل بيته ياخذ اغراضه ومايحب اي ملابس تذكره بذيك الايام ويكرهه عطوراته والاعواد الي عنده وكان عند البل
جاه سعود وقال: شلونك يا فايح
قال فايح:
تسأل عن لوني وانت خابر الي فيني
لو الموت كان بيديني مت من مبطي

الحق ولدي الي اخذ روحي ومخلني
طريح فراش و لا عاد يقومني شي
سعود يوم سمع الابيات صد ودمع وقال : معوض وانا اخوك معوض قم رح لبيت اهلك على الاقل
فايح : بيبطي اليوم الي ارجع لبيت اهلي
وقطعت السالفه مها الي قالت : القدووع ويينن؟؟
نور : يمههه ليه قاطعتيها
مها : وانتي وش دخلس بعلوم الناس؟
نور : يمااهه
مها : اقول امشيي
..........
في الرياض عند ابو شديد
ابو شديد : صيته ها صيته باقي شنطتك
صيته : جايكك يالغالي جااييككك
شاديه : الله يرزقها عقل
شلش : ابوي بركب قدام
ام شديد : ماودك تبطي عظم؟
شلش : سمي يمه
شامان الي يصيح ويقول : مامي بنروح لبابا شديد؟
ام شديد الي مو قادره تخطى لطافة شامان وتشيله : ايه يا ماما رايحين لهم اشتقت لهم؟
قاطعهم شلش : ترا يع يا يمه شوفي كيف وصخ
ضحكت صيته وضربت كتفه : يالغيووورر
ضحك ابو شديد : ترا امك يالطيب ذي زوجتي انا
شاديه : يبه الليل امسى
ومشوا وراحوا الديره
..........
عند شديد وشداد بالديره فالبيت ينزلون الاثاث
شديد : شدااد انتبه على الكنبه لا تطيح ترا ذي الي تحبها امي في مجلس الحريم
شداد : طيب شل معي
شديد : جايك جايك
شداد : شديد انا خايف يجيني انتداب خايف
شديد : انتداب وش ترا كلها استلام ٢٤ ساعه وترجع الديره يومين
شداد : اقصد خايف يودوني مكان ثاني بعيد عن الديره فوق ٧ ساعات
شديد : يعني هو لازم تنكد علينا؟
شداد : شسوي الشعور كل ماله يقوى بصدري
شديد : اذبح الشعور وانا اخوك ولا تراك بتودع بنت الاجواد
شداد : سد فمك نكدت علي زياده
شديد ضحك وقال : اعرف كيف اسكتك بثواني
قعد شداد يقلده بتهزي
شديد : شفيك انضغطت ههههههه
شداد : اقول شف شغلك
شديد : طيب اخوك الكبير
شداد : لو اني مخاوي شلش ابرك لي
............
في السياره على خط الديره ابو سلطان وعياله
العنود تغني : اشحنتني يالمغني يلي تجر القصيد لحون ياويش اسوي وانا مشحون
سكتها سعود وقعد يغني : فزيت يوم اطريت عندي وصديت عن دمعتي خايف يشوفون ماها
سكتهم ابو سلطان وقال : ماودكم تسكتون نكدتوا علينا ترا
سلطان : صادق يابوي
العنود : يبه شنسوي حماس متى نوصل
قطعها سلطان وقال : مروا على مفرق الوادي من دون الديره لا تمسون ياويش اسوي وانا مغبون
ضحكت عنود هي وسعود وقالوا بانتصار : اعديناااهه
سعود : يبههه ذي كأنها سيارة ابو شديد
ابو سلطان : وانت وش دخلك في ابو شديد
سعود الي كان يحس ان هايف يحب وحده من بنات ابو شديد ومتحسر على الوضع قال : لا بس يابوي غريبه جايين الديره
العنود : ترا لهم عرق في ولد مجول
هيا : خلاص اسكتوا ابي انام
سعود : يالليل ذا المصروعه احتلت المرتبه الاخيره كلها
سلطان : تبي مرتبه مريحه جدًا تنسدح فيها؟
سعود : ايههه
سلطان : تعال سق بدالي
سعود : ابشر وقف وانا اسوق
سلطان : صدقت انقلع انقلع
.............
في الديره عند هياف ونياف و ولد مجول مجيول
كانوا يجهزون للعرس ويجبون الخيام ويضبطون الغرف حقت الحريم
مجيول : لاا يا نيافف مهبب كذا لفه يمين
نياف : مهب زين شكلها يمين خلها سيده
هياف : يامروح انت وياه نزلوها تحت ورها مرتفعه كذا
مجيول : اقول اسكت انت هاذا موديل جديد وش عرفك انت
هياف : تراك من الديره زيك زينا
نياف : يالليل هوايش الوراعين
مجيول : ترا بيني وبينك كم شهر
جاهم سعد الي تو واصل : ارحبوووا واضح العرس بيجي فنان
نياف : يع ريحة مدن
هياف ضحك وقعد يقول : علامك عليه رح سلم هذا وانت اكبرنا وقلت ذا الكلام
سعد : صادق هياف خذ رتويت
هياف : وش رتيت ذا
سعد : انت خلك بالديره
هياف : سم
...............

اعذروني انضغطت ماقدرت اطول البارت🤍🤍