ماورا صدري الا نجد العذية و صيتة .

الجزء١٠

عند صيته ونحا
صيته : ياحماره عصب علي شداد بسببش
نحا : وجعٍ يوجعش وش دخلني انا اذا طلعت تحليلاتي خطأ بعدين انا قايله لا تخربين عليينا ماتفهمين
صيته : وش دراني بتقب كذا
نحا : ها عانيني علمتش كبيه عنش انا متأكده انه هاويها ويبيها بطلع الادله اصبري علي يمثل عليش
صيته : يوه يا نحيّه اقولش قال لي لا تعشقين العاشق غير حبيبه بغى ياكلني وللحين متأكده
نحا : اعلمش انا نحا ما اخطي في كلامي ولا اغلط
دخلت شاديه : شسالفه
نحا : اختش نكبتنا وخربت تحليلاتنا الحين بياخذ الحيطه والحذر شداد
شاديه : وش نكبتس فيه؟
نحا : قالت اننا ندري انه يحب نوير
شاديه : هذا متى!
صيته وهي مرتاعه: امس يوم نظفت بيت ابو سعد
شاديه : بقعى تصوعش ياتسلبه
صيته : امانه لا تسوين مكس لهجات
شاديه : مالش دخل وش قال لش!
صيته : لا تعشقين العاشق غير حبيبه
شاديه : حماره انتِ اقول وش قال لتس؟
صيته : ذا الي قاله
شاديه : بدا يحجد ،وقعدت تصفق وتقرب يدينها من وجه صيته : شاطره خربتي علينا
صيته : كلوا تبن خلونا نشوف هيف ذا بعدين نشوف شداد
..........
ام شداد عند ام نحا
ام شداد : ابوتس ورعاني ما ارتحت لهم
ام نحا : ياحبيّبتي عيالش هاوين مهب صاحين
ام شديد : تهقين انهم هاوين صدز؟
ام نحا : اي بالله انا شايفه قصيدة يقول فيها شداد
انا وانت جعل الله ماياخذ حٍد من حد
نعيش الحياه وندري ان العمر فاني

على رغم من بعد المسافة وبعد الجد
لكن ما لاحد منا غناةٍ من الثاني
ام شديد : ابوتس هذا قايله وليدي؟
ام نحا : اي بالله كنت ناويه ازوجة نحا وبعد القصيدة ذي والله مايذوقها زوجوه معشوقته لا تخلونه زيي
ام شديد وهي تبسم : لكن اخذتي معشوقس
ام نحا : والله لولا فزعة الله ثم ابيش كان ما اخذته
ام شديد : صحيح ان ابوتس قاسي لكن ابوتس ماعرف معنى الهوى
ام نحا : زين ان امي تركته وتزوجت ابيش ، لكن يشهد الله اني للحين احب ابوي
ام شديد : هو عرف معنى الحب بعد ماطلق امي عانيه من متى وهو مطلقها ولا اخذ غيرها؟
ام نحا : عقاب له
.........
بعد الدفن وبعد الغداء والكل ماسك خط لديره
سيارة ابو سلطان
ام سلطان : وهاذي الحياة واحدٍ يروح و واحدٍ يجي
ابو سلطان : الحمدلله انتس معي
سعود الي لف على العنود متبسم
وهيا الي بدت تمسك الضحكه
وسلطان تخيل حياته مع نور
ابو سلطان : ماعمركم شفتوا واحدٍ يتغزل بزوجته؟
وتفجروا ضحك
........
اما عند عيال مها
مها : مايذكرني بأبوي الا أبوكم والله اني اشتقت له
جاسم : اللعب يمه يارب زوجتي تشتاق لي زي ماتشتاقين له
نور وهي غرقانه دموع : يمه ابي انام بحضنج
مها : لخلصت دموعج حطيتج بحضني
نور : يمهه
.......
اما السياره الي فيها نياف يسوق وجنبه ابو سعد و ورا امه وخلدى وسوير وسياف
ابو سعد : سوير البيت نظيف ولا لا؟
سوير : الا يابوي يوم طلعنا نظفناه
ام سعد : ابو سعد تبي تمره معصوده تراها زينه
ابو سعد : لا والله ما ابيها
ام سعد : عشان خاطري
ابو سعد : ها هاتيها بذوقها
........
وعند سعد وحمد ومنيره وعاليه
عاليه تهمس بأذن منيره : سعد جاني متأثر انا خايفه عليه
منيره : طبيعي يا عاليه بيتأثر
فجأه الا صوت حمد : منو بطينش يعورش؟
سعد : تراك مع اخوها
حمد :معليش نسيتك
........
اما في السياره الارعب الشاص
فايح : الدنيا كذا واحدٍ يجي واحدٍ يروح وحنا لاحقينه لكن نعمل بالخير وندخل الجنه نتلقى باذن الله
نوير الي بدت تهرج وهي مو مستوعبه وش تقول وتشاهق : هو قالي شداد ان خطبك وافقي عليه وش سوا شداد عشان يحبه وش سوا
هياف الي وضعه دي نوير مو مستوعب لكن مابكى : حتى انا وصاني على صيته
فايح الي ابتسم ودرى من جده كل شي
......
اما عند صيته الي للحين ماتدري من يحبها وتحس انه هيف
هيف ماشي فالطريق متوجه لبيتهم
صيته : لا تحاول مافيه امل
هيف الي رفع حواجبه مصدوم ذي وش تقول : وش الي مافيه امل؟
صيته : الي خبري خبرك واستح على وجهك ولا عاد ترسل ذي الرسايل
هيف : يابنت انتِ وش تقولين؟ فهميني
صيته : لا تسوي نفسك غبي حتى وقت عزا عمي ما سلمت منك
هيف الي انصدم : انتِ وش تقولين هو وش صاير
صيته الي استوعبت ان هيف ماله دخل : الو الو الاتصال انقطع
راح هيف وهو متفشل وهو يحسبها تكلمه.
.......
اما عند شديد وشلش
شديد : شلش تتوقع بيوم انا وانت نحب زي الي قبلنا؟
شلش : والله وانا اخوك انت قلبك هواوي كل من شفته حبيته وانا قلبي حجر مايحب احد
شديد الي عقد حاجبه : قصدك العكس
شلش : مو لازم نقول العكس ، لكن ماضنتي ان انا بذات بحب ولا اعرف الحب ولا اعرف دربه
شديد : والله الظاهر حتى انا مثلك حاولت عشان اقول الحب وراثي لكن للاسف كل ماشفت بنت كرهتها اكثر من الاولى
شلش الي ضحك : مافينا امل
.......
اما عند شداد وشاديه وهم نازلين لسوق يقضون
شداد : شاديه
شاديه : تكفى لاتحىل شلش وتسأل اسأله مالها داعي
شداد ابتسم : سؤال واحد طيب
شاديه : هاته
شداد : بتروحون العزاء ؟
شاديه : مادري بنشوف الوضع ، علاقتنا بالعرس كانت حلوه
شداد : يهب ياذا العرس ما حصلنا منه بركه
شاديه : استغفرالله صحيح ان صار فيه الي صار لكن لا تقول كذا
..........
سوير الي ذابحها الفضول هي وسياف وخلدى
سوير تهمس لسياف : توقع وش يقول لهم
سياف : من
خلدى : يعني من اكيد فايح
سياف : احس جدي الله يرحمه قايل لهم شي قوي مادخل عليه الا ذولا الثلاث
سوير : حتى انا احس موصيهم على شي وحرك فيهم شعور
خلدى : بس وش الشي هذا السؤال
سياف : الغنم والنياق مستحيله
سوير : اكيد مستحيله
خلدى : عطيتكم وجه اذلفوا
فجأه نياف : وش تهامسون فيه
سوير : فالجو مانبي نزعجكم
نياف الي ابتسم وداري انه مب بالجو وساكت
.........
اما عند ام نحا وام شديد
ام نحا : ياوخيتي الحين انتِ بتعزينهم ولا لا؟
ام شديد : والله اني مادري اخاف اروح ويقومون علي
ام نحا : ابك روحي ياويلش تقعدين
ام شديد : والله الظاهر اني بروح ولا علي فاحد
ام نحا : ايه هذي ام شديد الي اعرفها
ام شديد ابتسمت
..........
اما عند هيف واخته هيفاء ( هم اهل مدينة وجاين بأجازه)
هيف : هيفاء اليوم صارلي موقف لا احسد عليه فعلًا
هيفاء الي تربعت : وشوو مواقف الديره ماتخلص مادري متى نرجع الرياض
هيف : كنت راجع البيت وتطيح بوجهي بنت مطر وتقول لا تحاول مافيه امل وانا ارد عليها واقول وش الي مافيه امل وهي تقول استح على وجهك ولا عاد ترسل ذا الرسايل وانا اقول اي رسايل فهميني
هيفاء وهي متحمسه : وش تبي ذي اي رسايل انت مسوي شي؟
هيف : اصبري خليني اعلمتس طلعت تكلم
هيفاء : يارربيييهه تفشلت بدالك ههههه
هيف : للحين متفشل مادري شسوي وش ارقع كلامي
هيفاء: ماينترقع الصدق
............
اما عند نحاء الي في بيتهم لحالها وخالتهم مسيره عليهم وجتها جحفله من البنات : الحين وش اسوي اكل واكلت وتلفزيون وشفت ورسايل وشفت وش بقى حتى رقص رقصت
فجأه الباب يدق
نحا: طيب جايه
دخلت صيته : يافضحي فضحاه يافضحي فضحاهه
نحا : علامش يالكلبه لا يكون نكبتيني معك
صيته : انتي الي نكبتيني يا حيوانه
نحا : وش سويتي!!
صيته : هرجت هيف
نحا الي صاحت : ووشش
ام نحا : يابناات وش عندكن تصايحن؟
نحا : نسولف يمه وتحمسنا
صيته : لا تفضحينا ياحيوانه
نحا : اخلصي وش قلتي له !!
وعلمتها بالسالفه
نحا : اه يالتسلبه يالمروحه ، تراه ذكي
صيته : طيب وجهه حمرر
نحا : خليه يقعد بينه وبين نفسه يحلل الامور وقتها تعرفين صح
صيته بفشله : تكفين يانحا
نحا : عاد وش اسوي لو انش مستشرتني قبل
صيته : يابنت حنا صوتنا عالي ندى ومجيول ومجول لايكون هينا
نحا : لا راحوا يعتمرون
صيته : وانتم ليه مارحتوا
نحا : حنا دورنا برمضان
..........
اما عند محسن ومطر
محسن : مطر انت ليه ماتعلم الناس انك شاعر ومنشد ومقدم
مطر : والله مادري ليه
محسن : مطر وش رايك تشارك ببرنامج؟
مطر : وش برنامجه ؟
محسن : برنامجٍ واقعي يجي على التلفزيون
مطر : طيب حتى لو كتبت قصيده في الي عاجبتني توصل لها؟
محسن : ايه يمكن توصل لها ، وتوك تعلمني يالحبيّب بغمزه
مطر : خلاص علمني وين البرنامج ذا وبشارك فيه
محسن : كفووو عزٍ يعزك
.........
اما فالشاص
هياف الي صحصح واستوعب ان ذي الدنيا وخلاص بدا يلحن :
يابوي ليت الموت اخذني وخلاك
ليت الدموع الي علشانك علشاني