ماورا صدري الا نجد العذية و صيتة .

البارت السادس

عند نحا وامها يستنون صيته تمكيجهم
نحا: يمه صيته طولت انا بديت اخاف
ام مجول : يالليل الوسواس
نحا : بني ام سعد بيجون؟
ام مجول : ايه حرست عليهم
نحا : يمه اخاف تقب بينهم
ام مجول : سدي فمس نعنبوتس من هرجتي
دخلت صيته: يا نحا تعالي
نحا : كأن رقدتي هناك؟
صيته : نعنبوتس الساعه ١:٣٠ الظهر وانتم اهل معرس يبي لكم ثبات عالي
ام مجول : ابك حطي حطي لي مكياج براقع
صيته : ابشري ياخاله بس اصفقي بنتس
نحا: طيب وري المكايج الي قد سويتيها
صيته : طيب بس خلي شلش يجيب بعض الاغراض ناقصه
كلهم : بعدد!
مجول الي دخل متوتر واتجه لصيته بيسلم على راسها"صيته متغطيه" : شلونتس
صيته : يمه هذا علامه وخر وخر
ماتوا ضحك
نحا وهي شوي وتنصرع من الضحك: ذي مب زوجتك وخر عنها تبي تحط مكياجنا
مجول الي انلحس عقله: الله يبارك فيك عقبالك
ام مجول : يمه وليدي
صيته : اقروا عليه الكرسي
اتجهت عليه نحا وصفقته كف عشان يخف التوتر
مجول استوعب : هيييههه ليه تصفقين!
نحا : شف وضعك يالطيب
صيته : ماتنلام البنت
مجول : ايش؟
صيته : ولا شي
ام مجول : من بيجي معك يابعدي؟
مجول : عيال ابو سعد وعيال ابو شديد
صيته الي قربت وهمست بأذن نحا : والله الظاهر انها بتقب بقوه
نحا : بيجوننا ناس كثير من برا القبيله مجول مب دايم فالديره عشان كذا بيتعاونون
صيته : الله يستر
..........
في بيت ابو سعد في زحمة الاعراس
سلطان : هياف يامروح والله مهما تروشت ان تبقى مروح
جاسم : رتويت
هياف : طس انت وياه من الحمام
نياف : الحمدالله صحيت قبلكم وخلصت بعد فايح
فايح : هياف اخلص بسرعه الرجال ينتظرنا!
هياف طلع : الواحد مايمديه ياتنظف براحه
دخل عليهم سياف متروش : شفيكم؟
كلهم : وين تروشت!
سياف : في بيت جدي
دخل عليهم ابو سعود : اشوف احد داخل بيتي سياف حبيبي هو وسعود يدخلون
كلهم : ليهه!
ابو سعود : لانهم وافين واحبهم
دخل سعد : انتم ماخلصتوا!
كلهم : ليه
سعد : الرجال بيهلوس رح له يافايح
ابو سعود : قبل تروحون اليوم تعاونوا انتم واحفاد ابو سعيد بتجينا قبايل وناس والكلام خصيصًا لفايح
فايح : ابشر ياجدي
ابو سعود : المطر جاي ياعيال قضوا الفرش الي برا
العيال : سم ياجدي
............
عند سعيد ومطر
سعيد الي حضن مطر
مطر: يبه فيك شي؟
سعيد : وخر نعنبوك الواحد مايحضن ولده
مطر الي راح يحضن ابوه وهو يضحك : لخمتني انت كذا
دخل عليهم مقعد : ياليل ذا الدراما مطر ولدي راح لمجول رح مته
سعيد : يا يبه ترا مسموح لكم تكلمون احفاد ابو سعود ذا الوقت الي لازم نحط يدينا ببعض العرس كبير وبتجي قبايل
مطر : ابشر يابوي من عيوني وعلى خشمي
سعيد : تعال احضنك ماشبعت منك
مطر : خرب علينا عمي
مقعد : والله لاجي
وضحك الجميع
..........
عند مجول
مجول الي كان شوي وينفجر عقله : فايح شديد مب وقت مناقرات
فايح : ولد ارفع علومك حالتك ليه كذا
شديد: نحا تقول عيا ياكل ورع انت واول مره تشوف بنت فحياتك الي يشوفك داخل حرب
مجول : انا عندي احساس بيصير شي قوي انا خايف
فايح الي صفقه : ولد تعوذ من ابليس فال الله ولا فالك يالمروح
دخل هياف : ذا وش يقول مجول لا يسمعك عمي مجيول والله ان يسدحك
شديد : هياف فالمجلس عصفر وماء جبه
دخل هياف وكالعاده لازم يضيع ودخل المقلط الي فيه نحا وصيته
هياف وهو يفتح الباب : العصفر ذا وينه
البنات يصارخون
لمح هياف وحده مزيووننهه مايدري من بنته لكن استوعب وسكر الباب وهو للحين فيه خفقان ومايدري وش الحصل : هياف تخيل لو انها صيته ليتنيي ماسكرت الباب ليهه يبه ربيتني محترم كذا
صيته : يمه من ذا لو ماجيت قدامه ماسكر الباب
نحا : ذا هياف مزيون حظ منهي صار من نصيبها
صيته بضحك : لو ابوي مو متهاوش مع ابوه دعيت انه انا
نحا وهي تطقطق : ادعي يتصالحون عشان يصير من نصيبك
شديد : هياف طولت والله لو تخترع الذره
فايح : استغفرالله الذره تطلع من الارض
شديد : يالليل ذا القروي وش يفهمه الحين
فايح : الزم حدك عشان ما اخذ حق ابوي منك
مجول : سد فمك انت ويااهه
............
عند البنات يتجهزون وفرحانين
نور تطق الدف واخيرًا تعلمت :راعي المعارض قام يتحدى
سوير الي تهابد ومحد فاهم رقصها الغريب
نوير : ذي علامها لا يكون التبست
هيا : اثبتي تكفين حنا عند اصعب نقطه
نوير : طيب ياويلك تطلعيني كوع
خلدى : يم..
قاطعتها منيره : خلدى تعالي ضروري سكري لي سحاب فستاني ابي اخلص من الظهر عشان العصر اروح لام نحا المسكينه لحالها
خلدى الي همست فاذنها : اعتقيينيي وربي ماراح اعلم بسألها وين حطت الزعفران بس
منيره : الله يقطع من يعلمك شي توتريينن
خلدى : اسكتي يويلك تهرجيني
رجعت خلدى : منيره كان مالبستي الحين بتروحين لهم وبيضايقك الفستان
منيره : معليه عادي
العنود : عمتي ام سعد تكفين طالبتس طلبه
ام سعد : بسم الله وش تبين؟
العنود : بس ايلاينر بسس
ام سعد : لينر وشنهو ذا
نوير : يمه كحله فوق العين
ام سعد : نفس امتس؟
العنود :ايه
ام سعد : دامني بطلع مزيونه زي امتس سوي لي
ام سلطان : حتى غزل ابو سلطان ماوصل غزلتس يام سعد
مها : وهي صادقه عليك جمال بسم الله الرحمن يابنات لا تنسون اذكاركم ولا تبون اعلمكم سالفة عايلة المزايين؟
البنات : لاا
نور : هو علامكم على امي؟
سوير : حفظنا السالفه معليش عمتي لدرجة تحلمت فيهم
مها الي ضحكت : هاه اقروا اذكاركم
ام سعد : هيا من باقي من العيال؟
هيا : باقي جاسم وسلطان وسياف وسعود والحين بيرحون
خلدى: اي يمه نياف راح لحاله يقول مجول باقي شوي وينجن
ام سعد ومها وام سلطان : ليه بسم الله عليه!
عاليه : يقلون بدا يهلوس ويقول فيه احساس قوب بيصير شي بالعرس
مها : فال الله ولا فاله
ام سلطان : يابنات اذا خلصتوا اجلسوا مع جدكم
البنات : ابشري
...............
عند شاديه وشلش
شاديه : شلش جب لي ما بالله عليك
شلش: شاديه
شاديه : هلا؟
شلش : انا بدت تجيني كوابيس تخوف واحس بيصير شي قريب
شاديه : طبيعي ياشلش وخصوصًا انت مراهق
شلش : يالليل ذا وجهي لفضفضت عندك
شاديه : ذي جزاتي وانا اواسيك؟
جت ام شديد : شاديه البسي بسرعه بنروح لهم الحين
شاديه : مابي البس بالبيت بلبس عندهم فستاني مره كبير
ام شديد : الشور شورس
شلش : خلصوا بسرعه بوصلكم الورع ذا بيجيه حفى من كثر مامشى
شامان الي حضن شلش: ثوثو احبت
شلش الي دنق وحضنه : ترا بس عشان ماتجيه عقده نفسيه زي ماسوت فيني صيته
شاديه الي على طول صورت ماقدرت تشوف جمالهم وتسكت
ام شديد : شفت كيف لطيف ماسوا لك شي
شلش : يمه بدون استهبال خلصوا وتعالوا
.........
عند العيال عند مجول
مجيول : ياعيال اذن العصر صلوا ورحوا لمكان العرس
فايح : عمي بنصلي في مكان العرس حنا جماعه
مطر : ايه عمي
محسن : لا خلونا نصلي ونخلص
نياف : اتفق مع محسن لا نأخر الصلاه
فايح : خلاص بنصلي هنا يالله من الامام
مجيول : انت
فايح : ابشر بي
سلطان : مهيب حرب يا فايح وش ابشربي
جاسم : صج ما ينقال جذيه
مجيول : ذا من عزمه؟
جاسم : حتى انت عمي شفيكم علي
نياف : امش امش نتوضى
مجول : ياعيال اسمعوا لازم نطلع بدري امي بيجيها حريم ما نبا نحشرهم كافي جاين في مكانهم وما خليناهم يجهزون
سعد : خل الحريم انت شلونك؟
مجول : للحين فيه احساس لكن الحمدالله هديت
...........
هياف الي يمشي بسيب حق الرياجيل يستنى البنت الي طلعت بوجهه يبا يعرف من هي.
دخل سلطان : هياف يامريض شتسوي
هياف : سد فمك
سلطان الي سحبه من الباب وهو يتصنت : لو يشوفك مجيول لقطع العلاقه
هياف الي استوعب و وخر : صادق
سلطان الي بدا يتبسم ويغمز : شكل نحا من نصيبك
هياف : فال العدو براسه ولا فالك
سلطان : ابك ليه؟
هياف : وش الي ابك ليه؟
سلطان : كلتراب وامش توضى
محسن دخل : ياعيال اخلصوا
.........
منيره الي تضرب الباب ضرب لان وراها كلب
فتحت صيته الباب : منيره علامك (منيره زوجة خال صيته )
منيره : كلب كلب
صيته : شفيك كبرتي الموضوع ادخلي ادخلي
منيره : وخري تدرين عندي فوبيا
صيته : خالي بيجي
منيره : كلمته امس يقول احتمال يجي ، امك جت
صيته : بمون عليك كذا وامي موجوده؟
منيره: والله انها حليله ليتهم يتسامحون عشان امون عليها
صيته : امين لاني مليت من الوضع
نحا : خل عنك الهرج انت وياه ورانا شغل وش كثره وامي انخفض تندها الضغط
منيره : اكلت شي؟
نحا : لا عيت
منيره : دقايق اجيها
..........
بعد ماخلصوا صلاه وكل واحد يقرا اذكاره
فايح : يلا مشانا
نياف : الجمس فيه انا وسلطان وجاسم و هياف
مجيول : لا وانا عمك بوزعكم انا
الجمس الحمر فيه شديد وهياف وجاسم ومطر
والشاص نياف وشداد ومحسن وفايح
والجيب انا وسعد ومجول
فايح : اعترض عمي
مجيول : كلامي بيمشي ولا العلم بيوصل لابائكم
فايح : سم عمي
سياف : وحنا يا عمي؟
مجيول : جيبوا الددسن لابد نحتاجها انت وسعود وشلش
شلش بصوت منخفض مره : الحمدالله
فايح : وشنهوو
شلش: اقول يالليل لحالي مع اخوانك
فايح: ترا بفقعون راسك مره ثانيه اهجد احسن لك
شلش : الي فقع راسي نو...
صقعه شداد عشان يتدارك الامر : خلاص عاد مانبي مشاكل
شداد همس باذن شلش : مجنون انت تبيه يقضي على نوير ؟
شلش : وانت وش دراك انه بيقضي على نوير؟
شداد : سمعته يهاوشها مره المسكينه مبليه بذا الاخ
..........
فالسيارات
الجمس
هياف : طلعت فله يامطر
مطر : ماشفت شي يارب بعد العرس يتصالحون
جاسم : والله لاذبح قعود لو تصالحوا
شديد : ياعيال انا صار يجيني شعور مجول
هياف : انت تأثرت فيه بقوه طبيعي
اما فالشاص
محسن : ياعيال اليوم ابوي عماني قالوا اليوم سووا نفسكم متصالحين تفكون جاني مغص من الوضع
فايح ابتسم : انت كنت صديقي ولا زلت عشان كذا اليوم بهرج معك
نياف : عيب يافايح تهرج مع محسن ولا تهرج مع شداد خله يسمع منك موال
فايح الي بدا يغني:
بديت اعيش العمر وياك
غلطه وكانت من ايديني