ماورا صدري الا نجد العذية و صيتة .

البارت الاول.

في الديرة
الديك يصيح وريحة كوي ملابس و ريحة خبز و حليب وصوت الشيخ علي جابر -رحمة الله-.
ابو سعد : يالله اصبحنا واصبح الملك لله يا نوير صحيتي ها نويررر.
نوير : هلا يبه تو صحيت بصلي واجيك .
ابو سعد : اعجلي علي بروح البل .
فجأه صوت ضربة قويه كأن احد طاح ومرتاعين مايدرون من هاذا،
ابو سعد : وجع وصمخ هياافف توك تصلي.
هياف : يابوي كنت مناوب عند البل الحارس هج.
دخل فايح بصدمة : الحارس هج!.
هياف : اي هج رحت انا وفحان امس ومالقيناه.
جت نوير بركض : من هج !.
كلهم : الحارس.
نوير اقتربت من هياف : اعترف من ذا المره الي هاوش الحارس فايح ولا نياف؟
هياف بهمس: انا وفحان
نوير : وشوووو!
ابو سعد : وش بلاس يابنت
نوير : مافيه شي .
هياف قرب من نوير : انتِ الي بتفضحيني اسكتيي
دخلت ام سعد وبيدها الفطور : انتم علامكم الحارس ليه هج؟
ابو سعد : نوير ساعدي امتس ، ماندري من مهاوشه ذا المره لكن بيضهر قريب.
دخلت خلدى : السلام عليكم ، يبه شف سياف رافض يوديني اقضي للمطبخ.
دخل سياف بركض : كذابه يا يبه قلت لها خلصي ولا جت .
ابو سعد : فكوني من شركم خلوني القى حل للحارس.
دخل نياف : من رايي يابوي نسوي مناوبه كل يوم واحد يروح يرقد عند البل لين نلقى لنا واحد .
ابو سعد : فكرة جيّده وانا ابوك ومن الليله نبدا بفايح.
............
بالرياض
ام شديد: ياعيال قومووا ولا ترا ما راح نروح الديره الخميس والجمعه.
شلش: يمه والله لو انها دورة عسكريه خلينا ننام.
ام شديد: انت قوم وانت ساكت وراك دراسه.
دخل ابو شديد : يالليل ذا المراهق قم قم اوديك المدرسه .
شلش : يا بوي انا مراهق في حلي بس انت لا.
ابو شديد : وشووو
شلش: اقول يلا بخلص .
ابو شديد : شاطر وليدي.
في غرفة البنات
شاديه: صيته قوميي صيته خبر عاجل قومي
صيته بعين فاتحه وعين مسكره : وشو الخبر اهبديه
شاديه : امي تقول بنروح الديرة يوم الخميس ولد مجول بيتزوج
صيته الي نقزت : في ذمتسس
شاديه : ايه اخيرًا بنفتك منه
صيته : اي والله صادقه غثيث باقي يطلب يد امي
شاديه بضحك : استغفرالله اسكتي
............
في الديرة تحديدًا غرفة البنات
صوت ضربة باب
نوير : سوويييررررر قوميي صلي لا يدري ابوي
سوير : نوير انقلعي صليت
نوير: ولد مجول بيتزوج
سوير الي نطت من الفراش : ووويييششش ولد مجول مغيره
نوير : ايه ، يقولون انه اخذ نفلا بنت زايد
سوير : عاد لايقه له سطل ولقا غطاه
نوير : اي والله عاد كلهم هبال
............
في الرياض تحديدًا في حوش ابو شديد
مسكت مع شداد ينام بالحوش
شديد الي صوره وارسله بقروب العايله ثم صاح : شداااددد عطني البشاره
شداد : انا مادري من وين جبت طولة اللسان ذي قلي وش عندك؟
شديد : ابوي قالي وياويلك تقول لاحد اذا نزلنا الديره بنأثث بيتنا الي هناك ونسكن خلاص عشان ابوي يبي قرب عماني
شداد : اسألك بالله تقوله صادق!
شديد: اي والله وقالي انزل انت وشداد لديره وشوفوا نواقصه.
شداد : طيب بأتروش واتبخر واجيك جهز الجمس يارجلل .
ضحك شديد : والله مادري ذا حبٍ فالديره ولا في ساكنها.
............
عند فايح عند البل
فايح : فلااح اقرب جايي
فلاح : لبيه يافايح وش عندك
فايح : امس شفت فحان وهياف وش كانوا يسوون هينا؟
فلاح : انا والله اني داري انك بتسحب العلوم مني
فايح الي ضحك وناظر فلاح بنظرة الي انغدر وقال : انا وش اسوي يا فلاح؟
قال فلاح : ابد بنجلدهم عشان يعقلون .
فايح ضحك وسكت.
..............
هياف الي كان بالسوق مع نياف
هياف : نياف شفف نياف
نياف : ياوجع وش
هياف : هذولا ما كأنهم شديد وشداد عيال مطر؟
نياف : وانت وش عليك من الناس؟
هياف : مرت ١٣سنه يا نياف والمشاعر ماتغيرت
نياف : والله مادري شقول وانا اخوك.
هياف : يلا عاد لا نتنكد خلنا نسلم عليهم المشكله مع الاجداد مو مع الاباء والابناء.
نياف : ودي ارفض لكن الشور شورك.
هياف الي مشى بحماس وبصوت عالي : السلام عليكم يا عيال المطر
رد شديد بضحك : وعليكم السلام انت ماتوب لو شافونا ابائنا موتونا ، خلنا نجتمع عند ابل فلاح.
رد هياف : وش اسوي يا شديد مشكلتي حبيت عدواني.
رد عليه شداد بضحكته الرنانه : اشوا اثرك مثلي .
نياف الي تكلم بصدمه : ابك انتم خلتونا اعداء الحين معاد بها عداوه.
ضحك هياف : يارب تعجل في صلحهم من غير الشر يالله .
كلهم : اميينن
...........
في الرياض
صيته منسدحه بحضن ابوها وتبكي: يايبه تكفى نبي ننقل الديره معاد توسعني الرياض ابد .
ابو شديد: خفي علينا يالولهانه.
صيته : اي ولهانه ابي اروح الديره
دخلت ام شديد: خلاص اسكتي تعالي ننزل المول نتقضى للعرس .
صيته :يلا جايه بس ترا مانبي نروح على هايلكس شلش ظهري يوجعني يمه.
ام شديد : ليت ابوتس ماتلقف وماشرى هايلكس
ابو شديد : افا حطيتوها علي! ، انتم الي مشغليني يبه اشتر له سياره يبه اشتر له سياره.
الكل : بس ما قلنا كذاا
ابو شديد : اه من غدر الاصحاب!.
...........
انتهى البارت الاول واتمنى اعجبكم
واذا لاحظتوا اخطاء علموني ترا توني مبتدئه🤍.