ماورا صدري الا نجد العذية و صيتة .

البارت الثاني.

في الديره
سياف و خلدى راجعين من السوق بعد ماتقضوا اغراض البيت ويرتبونها خلدى: تخيلوا من شفنا بالسوق!
نوير وسوير: منن؟؟
خلدى : عيال مطر
سوير : وش يدورون حتى مب اجازه
خلدى : اتوقع بيجون عرس ولد مجول وقاعدين يضبطون البيت
نوير : يووه عاد عندهم ولد مزيووونن
البنات : منهوو!
نوير : علامكم ماشفتوا شداد!
سوير : يابنت هذولا من الرياض تلقينهم خكرين مايعرفون شي
خلدى : صدق تلقينهم مهبّل مايعرفون شي
نوير : لا تظلمونهم مره وحنا عند ابل جدي شفت شداد لحاله عند ابلهم
سوير : اتمنى ياختي العزيزه ماترسمين احلام لان فيه مشاكل بينا وبينهم خلدى: حتى الصغيره فاهمه وانتِ ماتدرين والله حاطك
نوير : طيب انا ماحطيت احلام علامكم علي!
ام سعد : يابنااتت تعالوا نجهز الغداء منيره واهل زوجها بيجون
نوير : يمه منيره وش شايفتنا صالة ترفيه؟
سوير : اي والله حسستني مطعم خمسه نجوم ياخي ليه ماتروح هي وهم لفوال الديره؟
خلدى : اقول اعقلي انتِ وياها وامشوا معي للمطبخ نخلص عشان يبقى معنا وقت.
.............
عند شديد وشداد وهم مع مفرق الديره
شداد : يازين ريحة الديره وجوها
شديد : صار حلمك اخيرًا وبنسكن فيها
شداد : اي والله اخيرًا لكن ابوي ترا داق علي يقول استأجروا ثلاث محلات عشان البشوت
شديد : يوهه تذكرت يوم اني ورع واروح مع ابوي محلاته
شداد : لا تقهرني ياورعع
شديد بضحك : موت حره
شداد : والله ماخليك بس خلنا نوقف
فجأه الا هم تعدوا بيتهم وراحوا لبيت ابو سعد
شديد: هي هي هي هي ارجعع ارجعع لا تصير مشكله
شداد : والله مادريت خذتني السوالف كيف ارجع!
شديد : لا والله ماخذتك السوالف خذاك قلبك
شداد : الحمدالله شلش مو معنا
شديد وهو ميت ضحك : كان يمسكها عليك سنه قدام تذكر وش سوا فيني
شداد بضحكته الرنانه الي يحبها شديد :الله لايعيده من موقف
شديد :شداد وش يقول الشاعر؟
شداد : يقول
آمر بيته من بعيد ولا جيه
وانا لو انه في يدي ما اتعداه
شديد بضحكته : صح لسانك يالعشوقي
شداد : سد فمك
............
عند نياف وهياف وهم في محلات ابوهم الي واحد حق عوده والثاني سيوف
هياف: نياف تهقى من الايام تعشق انت؟
نياف : ذلحين وش يفكني من شرك؟
هياف : لا صدق بتعشق يوم من الايام؟
نياف : هياف ياقلبي انت فكني شرك ولا خليت فايح يجي عندك!
هياف : لا خلاص بيصير عاقل
نياف : شاطر هذا الي حنا نبيه
هياف : نياف تهقى فايح بينسى مع الوقت؟
نياف : انت مانسيت وشلون فايح بينسى؟
هياف : انا غير يا نياف غير عن فايح بكثير
نياف : والله ياخوك حنا علينا نبقى جنبه لين تعدي عنه مرت ٥ سنين على جمر وللحين مانسى
هياف : يارب انك تنسيه
نياف : امين
..............
عند فايح الي انكب بسبب هياف وقعد عند الابل
سعود خوي فايح الي جا وفايح مايدري وقال : وش يقوول فاايح
فايح : يقول
تداريت وصله لين ماعادني بـ ادراه
تلاشى غلاه وكن ماهوب لي غاليي
سعود : يارفيقي الله يهونها عليك ياليت القصيده صدق
فايح : هذا الصدق ياسعود انا بديت انسى الي صار وانسى هواه
سعود : عقب مانفرح بالفرحه الكبيره
فايح : لا الشاطر مايغلط الغلطه مرتين
سعود : هاذي مو غلطه هاذي الحياه
سكت فايح ولا عاد تكلم
................
فالرياض تحديدًا فالمطبخ عند صيته
صيته تغني وكأن مافي البيت الا هي وتقطع البصل : سواد الليل بعيونتتس وموج البحر بقرونتس ولون البدر من لونتس
فجأه احد يقطعها وتطلع شاديه وتقول: يابنت اسكتيي خلاصص يكفي ان سميره انحاشت من نشاز صوتك
صيته : يالليل وش يفكني من ذي الحين
شاديه : ايش؟
صيته : اقول فيه اغراض ناقصه
شاديه : ابوي يقول بننزل الديره بكره الاربعاء
صيته : طيب شلش متى يخلص اختباراته!
شاديه: شلش يخلص الاربعاء
صيته : ياالبييهه شوق لدييرهه اشتقت لكل شي فيها كلهم هناك مادري وش جابنا هينا
شاديه : خفي علينا يالي بالغربه تراها الرياض
صيته : اسكتي بس حتى ولو
قطعت الحوار ام شديد وتقول : يلا يابنات بكمل انا الغداء جهزوا شناطكم لان مجهزه لكم جلسه الليله
صيته : يمه لا تحسين شديد وشداد ابوي خلاهم يرحون لديره
ام شديد : وليه ما قالولي
شاديه : عاقين يمه
ام شديد : انتِ العاقه روحي جهزي شنطتك
شاديه : افا يمه لكن ابشري
.............
في الديره في بيت ابو سعد
ريحة البخور والعود على ريحة الغداء
دخل نياف : سياف من الي جاينا ؟
سياف : منيره اختك
نياف : ولد تكلم زين
سياف : ابشر ، اسف
نياف : لا عاد تخلط بيني وبين هياف
سياف : على خشمي الا على الطاريه وين دياره؟
نياف : خليته يجي مشي
سياف : اح ليه!
نياف : يكثر اسأله زيك الحين
دخل هياف : حسيبك الله نياف وهاذي هي سيارتي كيف لو هي سيارتك
نياف : محد قالك تلقف
هياف : لا عاد تروح معي خل سيارتي لي وسيارتك لك فكني شرك
دخلت نوير وهي كاشخه : وش فيكم
هياف : العب يالجمال انا اقول من خلص الجينات علينا اثر امي موفرتها لك
سوير الي دخلت معصبه : نووويييررررر
كلهم : هجي يانوييرر
سوير : فستاني نزليييهه
نوير : كل مشروك مبروك
نياف مسك سوير : بشتري لك واحد ثاني لكن خليها تلبسه المسكينه
ضحكت سوير يوم شافت ملامح نوير
هياف : نوير معليك من نياف انتِ لو تلبسين خيشه طلعتي زينه هو مقهور انه ما وصل مرحلة جمالك
نوير : الحمدالله على نعمة هياف ولا زد انتحرت
ضحكوا كلهم الا سياف وقال : انا احيان احسني اكبركم على اني اصغركم
نياف : انا وش قلت لك؟
سياف : لا تخلط بيني ويين هياف زائد اسف وحقك علي اربك رضيت؟
نياف بابتسامه : رضيت رضيت
ويجي صوت بواري ويطلعون العيال
بصوت واحد ( عمتيي مهااا!)
انصدموا ان عمتهم مها جت من الكويت وهي لها سنتين ماجت
نوير من الصدمه نست انها بنت وطلعت الا شوي استوعبوا العيال وغطوها
دخلت مها ومن شافتها ام سعد وهي تغطرف وتقول : تطهرت عيني بشوفة محبوبي
وترد مها بضحك : ليت محبوبي مايفارقني دقايق
نياف : عمه انا بنزل اجيب جدي واجي
مها : رح والله اني بالحيل مشتاقة له
هياف : ماشفتي شي ياعمه من تزوج جدي معاد يشوفنا شي
مها : من حقه هههههههههه
دخلت نور عند البنات
خلدى الي ماتدري عن شي وتلبس : نوووور ذي انتي
نور : لا مو انا ههههههه
خلدى الي لبست بسرعه وراحت تحضن نور : اشتقتت لسس وينكم ماجيتوا لكم سنتين ترا لكم ناس فالديره
نور : تدرين بالي صاير ياقلبي
دخلت نوير وقطعت الحديث والي خمت نور : اللعببب باقي بنات عمي مسلط ونرجع زي قبلل
سوير الي دخلت مفجوعه من الي صار وبالويل تلحق تستوعب : نور للحين مو مصدقه بس علميني اخر مره جيتي قلتي بتعلم لهجتنا وتتركين اللهجه الكويتيه عندنا تعلمتي؟
نور : هدي شوي تعلمت علمت هههههه
الا صوت من بعيد وهي منيره تركض تخم نور : نووووووووررر
نور وهي مخنوقه من حضن منيره : لا تذبحينيي
قطعتهم ام سعد تقول : تعالللوا تغدوا يابنات
................
عند ابو سلطان بالرياض
سلطان : يبهههه هذ البشاره
عنود : وشووو
سلطان : يالملقوفه انا قلت يبه
ابو سلطان : احترم اختك واخلص وش بشارتك؟
سلطان : تو قفل هياف ويقول عمتي مها جتهم وكلهم مجتمعين
ابو سلطان : اه يالشوق تجهزوا بكره بنروح لهم الي بيقول الوقت ضيق مرفوض طلبه
عنود : يبه ابي اروح السوبر ماركت بشتري كرتون اندومي
ابو سلطان : طيب الديره فيها اندومي
عنود: من بيروح يجيب بي من الديره خلني اجيبه من الحين
ابو سلطان : سعووددد
سعود : سم يبه
ابو سلطان : ود عنود البقاله
سعود : ابشربي
.................
عند نياف الي رايح يجيب جده ومن لقافته اخذ جاسم
جاسم : نياف يبه يدي ماتصالح ويا ابو مطر؟
نياف بهمس : اعقب ذا الي ماحسبنا حسابه
جاسم : شنوو؟
نياف : اقول لا ما تصالحوا الله يصلح الحال
جاسم :طيب للحين تطلعون ويا عيال ابو شديد من ورا خوالي؟
نياف : تدري وش سويت بهياف اليوم؟
جاسم : شنو سويت فيه؟
نياف : كان يكثر اسأله زيك وخليته يرجع من المحافظه لديره مشي
جاسم الي من الروعه صاح وقال: شنوووو خلاص بسكت بس لا تسوي فيني شي
نياف الي يحاول يمسك ضحكته عشان ماتروح الهيبه : انا بنزل لا تنزل انت عشان جدي مايرتاع
جاسم : ليه شنو شايفني يني انا؟
نياف : اسكت تكفى
نزل نياف وقعد يدق الباب بهدوء
فتحت الباب زوجة جده وقالت : ياهلا بنياف يامرحبا مبطي عنا
نياف : تدرين من اجتمعتي انتي وجدي وجدي معاد يدخلنا البيت هههههه
زوجة جده : وش تبي؟
نياف الي بهمس : ليتني ماسويت نفسي ظريف
بعدين قال : عمتي مها توها جت وكلنا مجتمعين باخذ جدي ونروح وانتي تبين تجين؟
قالت : لا اليوم اهلي عندهم عشاء بروح لهم بالمحافظه
طلع جده وقال : يامرحبا يامرحبا بالي له الخاطر يهلي
نياف : اشوفك راجع شباب ياجدي
ابو سعود : زود منها يا حافظ
نياف : جدي ترا عمتي مها عندنا وتقول لازم اشوف ابوي وكلنا مجتمعين والعشاء عند ابوي الليله
ابو سعود : بنيتيي عندكمم ابك مشينا مشينا نروح بيتكم ابا اشوف احفادي وعيالي سوا
نياف الي ابتسم وحس بمشاعر جده وقال : يلا مشينا وترا جاسم معنا ورجع للهجته القديمه اذا ودك تهاوشه هاوشه
ابو سعود :والله انه حليل لكن لو يفتك من كلمة يدي
ضحك نياف وراحوا للبيت
..............
عند ابو سعد ومها الي تهاوشوا عشان العشاء
ابو سعد : والله ان اذبح الذبيحه يا مها
مها : ابك لا تذبحها الحين يا سعود
ابو سعد : لا والله لذبحها
سياف وهو يهمس لهياف : الحين متى يسكتون انا صدعت
هياف : انا بعد اسأل ذا السؤال
سياف : ادع ان جدي يدخل الحين ويقطع الحوار
لف عليهم ابو سعد وقال : انتم وش تهمسون فيه معاد تعجبوني ذا الايام
سياف : يبه دام عمتي مها تقول تعبانه خلها بكره تو سعود متصل على التلفون يقول بيجون بكره خل ذبيحتها مع ذبيحة عمي مسلط
مها : طيب انا اقصد هذا من اليوم
ابو سعد : دام الوضع كذا خلاص خلوها لين يجي ابو سلطان وعياله
دخل ابو سعود قطع الحديث : ياامرحبا عدد حبات الرمل في حبيبٍ منه ما امل
راحت مها تبوس رجول ويدين ابوها وتتطمن على حاله وتنادي بنتها تسلم
...........
عند سعد بالرياض
دخل سعد البيت بعد مارجع من عند عمه ودرى ان اهله كلهم مجتمعين وعمه بينزل الديره بكره
سعد : عاليه
عاليه : يالبيه
سعد : بننزل الليله الديره ماقدر اصبر كلهم هناك
عاليه : تمام بس برتب الشناط وجيب حليب لغلويه جب كمية كبيره
سعد : ابشري الشخص غالي والطلب رخيص
عاليه الي ضحكت بخجل ودخلت الغرفه تجهز
..............

قررت اطول البارتات واذا كان فيه تفاعل بنزل بالاسبوع ثلاث مرات🤍🤍