ماورا صدري الا نجد العذية و صيتة .

البارت الثامن

الفجر في المستشفى
سلطان : يبه بننزل الديره بنجيب البنات يسلمون
ابو سلطان : اقول انثبر البنات بيجون مع العيال وانت رجعهم ماراح ينامون هينا
هيا : يابوي عنود بتموت من القهر
ابو سلطان : احترموا وضعي لاصفقك انت وياه
دخلت نور : خالي تكفى اكل لقمه امي تقول مابي يرجع الصحن مليان( تكنيك نور ولا امها ماقالته ) تبي امي تزعل عليك وتدري انها تطول مارضت ؟
ابو سلطان : ها تعالي اكلي معي وباكله
سلطان مصدوم شلون اقنعت ابوه ياكل وهو يطارد ابوه له ايام : والله لو انه انا رفستني
ابو سلطان : ها انا برفسك واذلف برا خلني افطر وتفطر معي
هيا: قويهه
نور الي ضحكت بخجل وسلطان مبحر في حبها
..........
اما عند هياف والعيال الي رقدوا بعد العشاء على طول
مطر الي فتح نص عين : ورع انت وياه الصلاههه!! ، رقدنا لايكون جا احد
محسن الي قام وقوم العيال لكن الصدمه فعلًا جا حرامي وانسرق تلفزيون العم ابو سلطان
هياف : عزالله الي رحنا فيها
سعود : ياتراب انت وياه تلفزيون ابوي الي خلاني معاق طول الخط والله ان تتصفق ياهياف
هياف : ورع انا وش دخلني!
وبدوا يتصافقون
.......
أما عند شاديه وصيته
صيته : شاديه الديره بدون اهل ابو سعود مالها طعم
شاديه : وربي احس هدوء صح ان الديره مليانه لكن هم دايم يجون يسوون فعاليات قدامنا
نحا الي دخلت : بناتت تخيلواا شداد ومطر ومحسن راحوا يرقدون عند ابو سعد وهاذا حديث المجالس الحين
صيته : ابو سعد لو يرجع الديره بيصفق عياله على الي سووه
شاديه : خلو ذا بنات شداد كاتب بيتين في نوير !!
صيته : في ذمتس!!
شاديه : اي بالله
نحا : عزالله اني معلمتكم خل ينفعكم التكذيب
صيته : طيب وش كتب؟
شاديه:
ليت الرصاصه جت في نحري
واعتقت نوير من الحزن والضيم
نحا : احح صريحهه
صيته : يمكن يقصد بنت سرور؟
نحا : فكري بعقل واضح توها مكتوبه ومحد جاه الرصاص الا عمش وجدها
شاديه : اي انا قلت زي صيته بعدين فكرت منجد يقصد نوير!
صيته : طيب بنات بقول لكم شغله
نحا : قولي
صيته : امشوا غرفتي فوق احس هينا مافيه راحه
راحوا فوق وطلعت صيته الورقه وعطتهم

صابني بالعيون والحجاج الذبوحي
واحمر المبسم الي مايعالج صوابه
                                        ،ًهـ
نحا : وشو ذا!
صيته : ونادري؟ لقيتها بغرفتي
شاديه : يمه من بيكتب كذا؟ تذكري من ناظرتي فيه اخر مره؟
صيته : ماناظرت باحد اساسًا من عزا عمي ماطلعت الا السطح
نحا : بنات شوفوا فيه حرف هنيا
صيته : شايفته بس فيه ناس كثير حروفهم كذا بالديره
شاديه : يمكن هادي ولد مزنه؟
صيته : تهقين؟ لأن انا بعد احس كذا مع انه كان يكرهني بشكل مبالغ فيه
نحا : يابنات ما احس انه هادي ابد
صيته : لا تجلطيني وتقولين هياف
نحا : يمكن هياف ويمكن هيف
صيته : حتى انا اضن هيف براقبه بس اصبروا علي
..........
اما عند البنات ونياف
العنود الي صحت فجأه وشافت الساعه : بنااتتت الصلااه الشمس بتشرق
وفز نياف من صوت العنود وعصب لانها رفعت صوتها : ياولدد فيه عرب هنيا
العنود الي تفشلت : اسفه نسيت
قامت نوير : حباني مانا فاضين قصة عشق جديده تراها شينه يانياف
نياف : هذي ماتوب نوير والله لاخليس تدلدلين ورا على ذا الازعاج
سوير : تحمد ربها انك مو فايح
نياف : على الطاري فايح بيجي ياخذكم خلونا نرجع نفطر بالبيت وتخلصون
نوير : في ذمتك اللعبببب يالونااسهه
فجأه غاليه صاحت
نياف : يويلي عن البنت ذي اخر مره اكلت متى؟
سوير : رضاعتها قبل ننام
نياف : يانعنبوتس ابك وكليها الحين بتموت من الجوع الضعيفه.
......
أما عند فايح ومنيره الي جالسين الممرات يستنون خبر
فايح : منيره انا الضيقه بتاكلني متى بيخلص ذا الموضوع
منيره : اسكت لا يسمعك ابوي
فايح : الليله من بيجي ومن بيروح؟
منيره : محد رايح لكن بيجون عنود ونوير وسوير
فايح : نوير ماشفتها من ذاك اليوم ياولي عنها
منيره : تو تجيك رحمه بعد ماتقطعت الضعيفه
دخل حمد : هاه ما جاكم خبر
منيره : الانسان اول مايدخل يسلم مو يخرش
فايح : تراك زوج اختي مو ولد ابوي
حمد : خلصتوا؟
منيره : ايه
حمد : طيب شلونه؟
دخل سعد : للان في مرحلة الخطر
حمد : طيب سووا له عمليه شي؟
سعد : لا والله ماسوو شي يستنونه يخرج من مرحلة الخطر
فايح : يخرج وشن
منيره : لا عاد يافايح لا تقول ماتعرفها
فايح : صدق وشن
سعد : معناة يضهر يالبدوي
.........
أما عند البنات يجهزون عشان يروحون
نوير : بنات لو الي جاي ياخذنا فايح افكر ما اروح
العنود : يابزر بصفقك بمخمس تستهبلين!
سوير : وجع نوير يعني شحدتنا هباء منثور؟
العنود : منجد ترا تعبنا ياما صفقنا سياف وسعود عشان يقنعونهم
نوير : شسوي يابنات كبريائي مايسمح لي
سوير : بدوس على كبريائك ياتراب
دخل سياف وسعود : بنات تغطوا بنقول حاجه ونطلع
العنود : ذولا مابلغوا الا امس واشغلونا
نوير : ادخلوا واخلصوا
سعود : مادري شلون بقول لكم لان عندي احساس اني بتصفق وباكل تراب الوادي وبتنطلوني ببير وتح
قطعه سياف : تلفزيون عمي مسلط انسرق الله يهديك ياسعود طولتها وهي قصيره
العنود : وشوووو تلفزيون ابويي!!
سعود : ايه
نوير : ليه تعلمونا
سوير : يعني صرنا شركاء جريمه!!
طلعت نوير بكامل قوتها بتصفق هياف على الحراسه الفاشله ذي
نوير : هيااافففف
هياف الي كان راقد هو ومحسن
مسكت نوير محسن وصفقته وصحى : بسم الله الرحمن الرحيم اللهم سكنهم مساكنهم اللهم سكنهم مساكنهم من انتِ
نوير الي بدت تصايح وتركض وقلبت على سياف: سياااففف
سياف : ابعددديي وش فيه
نوير : ليه ماعلمتني ان محسن هيناا ياتراااببب
سياف : ليه تعلمينييي صرت شريك فالجريمه بصفقنا فايح
نوير الي فكت سياف وتذكرت فايح وتجلس وتبكي
سياف : يالليل البكايه ممكن تبعدين ونحل الامر
............
عند محسن المرتاع في نفسه يقول : اذا ذي مزيونه وهي معصبه وشلون وهي رايقه مايلام اجل شداد يوم انه مسنتر عند بيتهم اص يامحسن يارب سترك لا تتطيح بغرامها يارب شداد مايحبها هي عشان اقدر اتزوجها ياويلي مازينها
..........
عند نياف الي يتمشى بالحاره ويفكر ليه هو ماعنده مشاعر حب لاحد زي هياف وزي فايح و زي سعد وليه قصيده مو زيهم وليه كلهم شعراء جت نحا : السلام عليكم يانياف
نياف الي يقول ذي وش جابها قطعت حبل الهواجيس : هلا وعليكم السلام
جدي بخير ورايحين له بعد شوي شي ثاني؟
نحا : بسم الله ذا من مصفقه
نياف : فارقي يانحا
نحا : اكيد بفارق بسم الله
نحا الي راحت وتقول ذا علامه صح يكرهني بس تدبل الكره ليه؟
كمل طريقه نياف وشاف ولد صغير يصيح وشاله ويلعبه : وش فيك يابابا ها ها يابابا
وتجي شاديه ركض شمونييي ( شاديه ماتعرف نياف ولا هو يعرفها)
نياف : استغفرالله يامره ليش نشمس
شاديه وهي متوتره : اقصد الولد الصغير هذااا اخوي الصغير جبههه
نياف : بسم الله خذيه
نياف راح وفي نفسه بسم الله العالم علامهم فالته عقولهم
.......
هياف الي توه صحى من الغطه الا صوت هواش نياف : يامرووح ياثورر يالعنز اسألك بالله ذي حراسه! يعني فوق ان التلف عيون ( نياف مايحب التلفزيون ومسميه كذا) انسرق صرنا حديث مجالس ودروا اننا نجلس مع بعض ولو يدري ابوي تصفقنا
صحى محسن : وش فيك ياولد الحل سهل لا تهاوش
هياف : ياليته حلم
نياف الي رفعه : ورع صح صح بنروح بعد شوي لابوي ويمدي وصله العلم خلنا ندور حل
دخل سعود : بسيطه وسهله وطلعتها
محسن الي ضحك : زي تفكيري
سياف الي ميت ضحك : تفكرون بالي افكر فيه
كلهم : ايه
نياف : وش ماكلين امس هذولا المرضى علامهم؟
هياف : صح اكلت معهم بس مادري وش يقصدون
وعلموهم الخطه
هياف : طيب من هو ساس المشكله؟
سعود وسياف : شلش
نياف : بس ما كان معكم
محسن : عشان يصدقون ان امس اجتمعنا اجتماع مو صاحي
طلع سعود وكتب اوراق وراح السوق واعطى مطر وشديد وشلش وشداد وكان اللقى راح يكون بالسوق
بدت المشكله:
سياف شايل بشت قديم تالف وتعرض له شلش وشقه زياده
سياف : يابن الحررااامم تعال اوريك شغلك
سعود : هوب هوب هوب وش فيههه!!
سياف : شق بشت ابوي الي مايستحي على وجهه
شلش : انت الي ماتستحي على وجهك جاي تسرق من محلنا
دخل شديد : وشوووو من الي سرق
سياف : اخوك الي مايستحي على وجه ولا يخاف ربه
شديد : حدك ياورع على اخوي
ودخل محسن : ورع لا تقول كلام اكبر منك يخاف ربه قبل لا تجيبك امك
ودخلوا نياف وهياف
هياف : دام الشيبان تدخلوا حنا بعد بنتدخل
نياف : ما عاش الي يسب اخوي الي فيه خير يسب
شديد : بقعى تصوعك
هياف الي يحاول يمسك الضحكه بسبب محسن ضيع لهجته : والله بقعى الي واقف قدامي
سعود : مدهون صلايب المروح ذا يتبلى وهو غلطان والله ان ماتعين خير ياورع يابن سبعه وسبعين
وبدا الصفق
سياف يهمس في اذن شلش : ورع لا تجلد بقوه ترى نوير قبلك صافقتني
شلش : على تبن ياورع خلني اطلع حرتي من نوير فيك
سياف : انقلع يياورعع
سعود الي جا يفزع لسياف : ابننن عمييي درع جنبيي
شلش : اقول سد فمك انت حتى ريالين ازريت تعطيه
نياف الي يصفق وهو متفشل وهياف الي يصفق ويصايح عشان الضحكه تروح ومحسن مايدري السالفه صدق ولا كذب وشداد قلبه مايطاوعه يصفقهم عشان سمعته عند نوير مايدري ان نوير درت عن اخوتهم وشديد يستنى الموضوع يخلص
جاهم ابو مطلق :ولد انت وياه تفككوا لأعلم اباكم
كلهم الي ماصدقوا على الله يجي احد : سم
ابو مطلق وهو يهاوش : احسبكم عاقلين ياشداد ونياف طلعتوا من جرف لدحديره
شداد : لا ياع
قطعه ابو مطلق : استحوا على وجيهكم واحد جده متنوم والثانين عندهم عزا فارقوا
..........
عند حمد الي طلع منيره من المستشفى
حمد : وش قومش يوم انش توحمين ولا تاكلين اشفيش؟
منيره الي فجأه شبكت مع لهجة حمد بعدين استوعبت : وانا ادري عنش
حمد : يالمروحه ذي تنقال للبنت هههههه
منيره : وش دراني غلطتي تزوجت جنوبي وانا من نجد التضارب بيجي الي ببطني مو جاينا حن
حمد : خل يجيهم تضارب ولا تخيلي يقولون كذا وش قومش تعدين هههههه
منيره الي كانت ميته ضحك ثم بكت
حمد : شفومش يامره
منيره : لي ايام احس بضيقه وطلع فايح زيي
حمد : طبيعي جدكم بالمستشفى
منيره : تهقى؟
حمد : اهقى ونص بعد
...........
عند هياف الي رايح فيها من التعب
هياف : نوير جيبي لي ثوب جديد واخلصوا طلعت اتا بوديكم
العنود : الحمدالله يارب
هياف : كنس ميته علي يابنت مسلط
العنود : اكل تراب كانت بتكنسل لو انه فايح
هياف : فليتيها يانوير
نوير : شسوي ماقدر استجوب معاه يعاملني اخيس معامله وتبيني اهرجه والله ما اهرجه
سوير : خلاص بدون ضيم وش البس غلو
هياف : لبسها الوردي هذاكي ياحلوه حلواه
العنود : الله يعين زوجتك لبسيها شي يدفيها مع المطر فالرياض
هياف : اقول اخلصي عشان ما اخليس هينا
العنود : طيب
............
عند محسن الي للحين يهوجس ودخل محله حق البشوت
دخل شخص : السلام عليكم البشت ذا من الحسا؟
محسن : هلا وعليكم السلام لا بالله من قلبي
ضحك الشخص : وقلبك وين؟
محسن الي ابتسم : قلبي هنيا معليك
الشخص : ها عطني منه ٦ بشوت سودا والله يجمعك بقلبك
محسن وهو الابتسامه شاقه وجهه: مانقول امين نخاف ان قلبي لغيري
ضحك الشخص : اوه الشغله صعبه اجل
محسن : اي بالله صعبه
..........
عند نياف الي يشيك على محلاتهم لا يكون جاها احد وبيرجع البيت ويمشي لرياض
ابو مطلق : ياوليدي انا قلت كلامٍ ثقيل اتمنى تعذرني
نياف : لا ياعم معذور وانت بحسبة عمي ولازم ناخذ لازم وقت الوالد مو موجود
ابو مطلق : يلموني بحب عيال ابو سعد
نياف : ابك حنا الي والله نحبك
ابو مطلق : سمعت انكم بتمشون الرياض؟
نياف : اي ياعم بنروح لجدي الله يقومه بسلامه
ابو مطلق : وقلب هياف بتتركونه؟
نياف : مافهمت ياعم
ابو مطلق : ها استودعتك الله
نياف الي جاه خفقان لا يكون يدري ابو مطلق بالي بقلب هياف.
...........
اما عند البنات الي ركبوا السياره
سوير : نياف وينه العصر بيأذن
هياف : بيجي الحين
سياف : البيت من بيقعد فيه ؟
هياف : بنقول لعيال مطر يجون فيه بدون لفت انتباه
العنود : انا وين اركب كلكم مو محارم
سعود : اركبي اخر شي انتِ والبنات
العنود : للمعلوميه ترا بروح على الددسن مفتاح الجمس ضايع
هياف : لا تقولينهاا!!
العنود : والله مالقيته
سعود : مافيه وقت ندوره ثلاثه قدام واربعه ورا
هياف : سياف رح ورا انت عشان عندك اختين ورا
سياف : يالليللل
نوير : ترا مو ميتين عليك تقدر تتفضل وتركب الحوض
سياف : خلاص طيب
جا نياف الي يعدي : يامروح انت وياه مزرين تحطون المفتاح عند المحل من اليوم وانا اعدي مادري ليه ابوي مخلي البيت يبعد عن السوق ساعه
سعود : قلبها فضفضه
نياف : اقول سد فمك يلا اركبوا لا تنسون رضاعه غلو ترا شداد مو عندنا ينبهنا
نوير : يالبيه ياشداد حريص اكثر منكم
العيال تبققت عيونهم : وشوو
نوير : اقصدد حررييصص حرريصص
سعود : عوال عمي بنتكم رايحه فيها
سياف : والله انت الي رايح فيها لا عاد تهرج مع شلش باقي سوي وتصير عجمي رسمي
وركبوا وحركوا السيارة
.........
اما عند صيته واهلها
صيته الي قمزت وخمت امها
ام شديد: بقعى وخري عني
صيته : يمه شفيس انا احبس
شديد : يمه الحقي على عيالش سكنا هينا ونسوا لهجتنا
ام شديد : ذي ديرتي مافيه مشكله تصرون زي لهجتي خلوا لهجة ابوكم على جنب
ابو شديد : المشكله لصرت تحب الدار وراعيها
شلش: احلاااا وش ذا الرومانسية وش ذا الحركات
صيته : رد غير متوقع
ام شديد : اجل تذكر ذي
لو انك بعيد الجد ولا بعيد الدار
على قلب من يغلي طوايفك ياقربك
شداد الي ابتسم وحاس بابوه وقتها : لا ذا تصريح رسميي
شاديه الي جلست قريب من حضن ابوها : يبه شلون الصدف جمعتكم وانتم كل واحد بديره؟
ابو شديد : كنا زمان ندور الربيع وانا وقتها ورع في سن شاديه شفت الظبي الي بين الابل يمشي
شديد الي ضحك : يعني شادية ورع يبه؟
ابو شديد : لابدٍ محشومه بنيتي
شداد : شديد اسكت خلنا نسمع سالفتهم
ابو شديد : المهم وانا اعين الظبي واعلم امي تسير عليهم وعرفنا ديرتهم ورجعنا ديارنا والمشاعر تكبر بعدها دريت اني ابيي الظبي ابوي يداريني منه ومنه مايدري وش يسوي قال خلاص بننزل ديرتهم وامكم ثقيله رفضتني ٤ مرات والخامسه وافقت
شداد : يبه وين الكبرياء الي نشوفه؟
ابو شديد : يابوك الحب مافيه كبرياء لا دخلته تحط الكبرياء والكرامه على جنب عشان ماتسوي ثقل عليك
ام شديد : ابك يستحقون البنيات انكم تتخلون على كبرياكم وكرامتكم
صيته الي ضغطت امها
كلهم : شتسوين؟
صيته : لايك
شلش بضحك : يبه ذي عليها قل صح لازم نشيك عليها
صيته : ابك الي عليه قل صح انت دامج لهجتنا ونجدي
شديد بضحك : لا هي اكدت لنا ان عليها قل صح
ابو شديد : اعقب انت وياه شداد وش جديدك
شداد : احس اني تحت تهديد اي جديد؟
ابو شديد : قصايد اقصد
شداد : لي
صيته الي قطعته وقالت :
ليت الرصاصه جت في نحري
واعتقت نوير من الحزن والضيم
ابو شديد الي اعطى صيته نظره وشداد انخرش: صيته هذي وين سمعتيها؟
صيته : مادري يبه اسمع نحا تطريها
شداد الي اعطى صيته نظره : ماش مهب موزونه لمن ذي
صيته : اقولك نحا قالتها لي مادري لمن
ابو شديد : الله يستر صايرين نسمع قصيدٍ مهب زين ارجع ياشداد علمني الجديد
شداد الي تقروش مادري وش يسوي وملزوم يقول قصيدة وقال اقرب وحده براسه:
أنت تدري عن مكانك وتقديرة
شوفتك لو هي من بعيد تنفعني