ماورا صدري الا نجد العذية و صيتة .

البارت الرابع

على اذان العصر وحنا فالشتاء تونا
.........
فالديره عند شديد وشداد وهم رايحين لعمانهم مقعد وسعيد
شديد دخل : السلام عليكم ، شحالكم؟
العم مقعد الوسط : وعليكم السلام بخير بشوفتك
سعيد الكبير فيهم : تعال ياشدوي تعالي حب راسي
شديد: عمي تراني كبرت وش شدوي
سعيد : مهما كبرت تبقى بعيني صغير
راح شديد يحضنه
دخل عليهم ولد سعيد الوحيد مطر : ورععع وخر عن ابوي
شديد : عرفت شلش من طالع عليه
مطر الي قرب من شديد وابوه عشان يحضن شديد : طيب وخر وخر
شديد : اشتقت هاهه
مطر : اي والله اشتقت ليه ما جيتوا من بدري اجازتي بتخلص
شديد : لا يكون بترجع الجنوب
مطر : للاسف بعد العرس على طول
شديد : اه يالقهر
دخل ولد العم مقعد محسن : العببب اجتمعتوا وين الوجهه؟
شداد : طيب سلم ماتوفر انت طلعات دايم
محسن : معليش السلام عليكم شسوي وانا اخوك احب اطلع
دق جوال شداد والمتصل ابوه : هلا يبه اخبارك وين وصلت؟
ابو شديد : عاني قريب اذا انتم برا ارجعوا للبيت عشان نجهز باقيات العرس
شداد : ابشر يبه
........
عند البنات الي نزلوا لسوق عشان الفساتين
نور :بنات ليه ما علمتوني اشتري من الكويت
نوير : خفي علينا يا اسواق الكويت
نور : مامعك جوال تشوفين الستايلات
نوير : التلفزيون يكفي
سوير : اقطعن واخسن خلنا ندور الفساتين ونخلص راسي مصدق
نوير : ليه
سوير : شلش ولد ابو شديد جا لو شافني بيتولجني بدق كلام
نوير : يهبى الورع ذا لسانه اطول منه
نور : هو كبر؟
سوير : صار شايب اطول مني ومنك
منيره الي دقت على نور : نور انتم وينكم كنتو جنبي
نور : نعنبوس ابك هذولا مب حنا تعالي تعالي
نوير : اعقس صارت تقول نعنبوس تأثيرنا قوي شكل
وقعدوا يضحكون
........
شديد وشداد الي دخلوا البيت ولقوا ابوهم
شديد الي راح يخم ابوه: يبهههه اشتقت لك
ابو شديد : ابك انقلع عني وراك يالييل وخر وخر انا بموت منك
صيته : والله الظاهر انا الي عمري ثلاثين
شداد : صدقتي
صيته : اذلف اذلف
شلش : يلا استودعكم الله انا طالع
ابو شديد : والله لو ادري انك طالع مع ولد ابو سعد لاكسر رجولك
شلش : من بيعلمك الديره وسيعه
ابو شديد : يانعنبووككك ابك عود جاي تقولها بوجهي كذا
شلش الي صفق شامان ونطله على ابوه عشان ينشغل فيه وهج
........
في بيت الديره الي وصل ابو سلطان واستقبله ابوه واخوه واخته
ابو سلطان : البنات وين؟
ام سعد : راحن يتقضن للعرس
العنود : بدونيييي سلطانن تعال ودني لهم
سلطان : ابشري كم عندي اخت انا
العنود : يبه متأكد ذا سلطان؟
ابو سلطان : لا والله ماني متأكد ام سلطان انتي متأكده
ام سلطان : بسم الله على وليدي علامكم عليه!
سلطان : توبه اصير طيب اذلفي جيبي عبايتس اوديس
العنود بضحك : ابشر ابشر
........
عند شلش
شلش : ارحبببب سعود انت جيت بعد
سعود : نعنبوك اسكت لا يشوفنا احد
شلش: خل يشوف الي يشوف طفشت من ذا الحال
سعود : دامك طفشان علمني شلون نحل المشكله
جاسم الي شافهم من بعيد وجاي يتضارب مع شلش يحسبها هوشه : سعوووددد
سعود : لبيه شفيك
جاسم الي بيضرب شلش وسعود يحاول يوخره : علمني وش بيسوي فيك والله ما اخليه
سعود : ما راح يسوي شي بس جت مشاده يالكلام خله يذلف لاهله
شلش الي ناظر بنظرة الي انغدر : الله ياخذ عمرك يالمروح تهبى انت و وجهك السحليه لا اشوفك متعرض محلنا مره ثانيه
جاسم : شنووو اقول اذلف لامك اذلف يلاا
راح شلش وهو ميت ضحك ويحاول يمسكها
تلقى شلش بسياف
شلش بهمس : سياف سياف
سياف بصوت عالي : ارحبببب ياخفوقي
شلش : سد فمك جاسم هنيا
سياف : احلف!
شلش : والله عانه يحسبني بتهاوش مع سعو..
انقطع كلام شلش الا نوير فالقته : ورعع وخر عن اخوي يالمخنز
سياف : نويررر وش سويتييي
نوير : يستاهل
سياف : ما عرفني كان يبي اسواق الخضار!
نوير : في ذمتك!
سياف : بدون ذمه اييهه
نوير : شسوي فيه الحين؟؟
شلش الي قام : لابوكم من عياله اولهم جاسم والحين انتي اعتقوني تكفونن
نوير : الحمدالله مافيك الا العافيه يلا اذلف لاهلك
شلش : ياليل الورعه ذي فارقي يالطيبه فارقي
نوير : احسن لك رح
شداد الي يناظر من بعيد وصاح : شلللشششش انفدا اخوي نفداهه ابك علمني وش فيككك
نوير الي استحت بس للحين معصبه: امسك اخوك يالطيب
سياف : نويرر روحيي
نوير : طيب
سياف اعتذر لشداد : انا اعتذر نيابة عن اختي وحقك علي
شداد : انتم مهما غطيت عليكم ماتفهون لا تقابلون قدام احد
شلش : الشوق لاعب فينا
شداد : انت من فالقك
شلش : نوير
شداد : تستاهل
شلش : ذا الي يقول انفدا اخوي
شداد : بس المره صادقه يوم فلقتك انا لو مادري وش الي بينكم فلقتك بس عشان تصدق قلت ذا الكلام
راح شلش مغبون وسياف راح عند السياره يستنى البنات
.........
عند سلطان والعنود
سلطان : عنود ودي اجرب الحب والهوى وعذابه
ضحكت عنود وقالت : مشكلتك هواوي بالحيل ياسلطان
سلطان : علامتس تضحكين صدق ابي اجرب
عنود : صر رجال بالاول
سلطان : ترا بنزلتس
عنود : وانا صادقه خلك قد وعودك وابد بتزين امورك
سلطان : تهقين؟
عنود : ايه صدقني
.........
عند هيا و ام سعد
ام سعد : هيا ليه مارحتي مع العنود للبنات
هيا : والله اني تعبانه ياعمه ماعندي قوة العنود هاذي
ام سعد : والله انتس صادقه العنود ماتمسكها الرقه
مها : اذكروا الله على البنت
هيا : ياعمه انا غسلت يدي منها يوم سافرنا وراحت عرس صديقتها على طول
مها : البنت ذي صدقوني بتطلع سنعه
ام سلطان بضحك : عمتها مها وامها انا وعمتها ام سعد اكيد بتطلع سنه
هيا : طيب انا طالعه على مين يمه؟
ام سلطان : مب علي طبعًا
مها : ولا انا بعد
ام سعد : ماراح اقول زيهم اقربي جاي ياحبيبتي انتي
هيا : كيف الحياة بدون عمتي ام سعد؟
ام سلطان : جحدتني
ام سعد بضحك : حقها الصدز
.........
عند البنات بالسوق
نوير : بناتت شوفوا الفستان يهول مره
سوير : يهول بالمعنى الثاني اتركيه مهيب حلوه
نور : لا والله حلو خذيه يانوير بيضبط عليتس مره
نوير : على كلامك باخذه
صاحت عالية : بناتت شوفوواا
لفوا : العنووودد
محد كان يدري ان العنود وراها سلطان لانه كان يخاف عليها بقوه
نور : ياربي عنودد مره اشتقت لج
العنود : ذي للحين ماتهكرت؟
نوير : تهكرت تهكرت بس يوم شافتك ضاعت علومها
نور : عنود دغدغي السحاب يمكن يجينا مطر
العنود: ما صرتي كويتيه عبث
نور الي جاها اتصال من رقم غري وطلعت ترد
نور : هلا منو معي
الغريب : معج رفيقتج الي خانتج عشان حبيبها اتمنى تتذكريني
نور : وجع في بطنج يارب فارقيني لا تقربين لي
رفيقتها : طيب بيرر
نور : ولا ابي تبرير يابنت سبعه وسبعين كلـ..ب
رفيقتها : قبل تقفلين لا تنسين ان عندي صور لج بموبايلي وانتِ اكيد منقبه للحين
نور : الله لا يوفقك ولا يهنيك يابنت الكلـ...ب
قفلت بوجهها وقعدت تبكي وراحت ورا السوق
انصدم سلطان ولحقها
نور الي منهاره بكي وتكلم مع نفسها : ليه تبي تنشر صوري وش سويت لها ياربي تكفى انقذني
سلطان وهو صاد : ابشري بي يابنت العمه
نور : من انت وش تبي
سألها نفس السؤال
قالت : انا نور بنت مها سعد
سلطان : انتِ نور بنت عمتي مها !
نور : ايه منو انت
سلطان : انا ولد خالتس مسلط
نور : انت سلطان الكريهه؟ دبا كريشه ؟
سلطان : هذا سابقًا ناظري فيني الحين
جاسم الي جا يركض : خير انت وياه حرام وعيب وش قاعدين تسوون!
نور : لا بس ضاعت العنود وندورها
سلطان : وانا قلت يمكن مع نور
نور : وانا نفس الشي
جاسم : يلا يلا كل واحد يذلف تلاقونها عند نوير وسوير
وتفرقوا وسلطان للحين فيه الصدمه
...........
عند الابل عند فايح
عامل الابل : فيوح ليه انتا كيدا فيه هواش هواش ليه مافيه ضحك؟
فايح الي ابتسم من براءة العامل : انا اذا هاوشت واجد معناته احبك
عامل الابل : حبيبي فيوحه انا بعد احبك
جا سعود ويردد :
ماني بـ ناقص لا حبيب ولا خوي
انا الذرى الي دون ظلي ناقصين
رد فايح:
هم خابرين اني على الصده قوي
و انا عنادي مثل ما هم خابرين
سعود : شفت كيف خليتك تقولها
فايح : ياذا الوجه اثرك تبيني اقولها عشان تصدق الي بخاطرك
سعود : انا مصدقه دون ماتهرج
فايح : صدقه النفس طابت و ولدي الله يرحمه ويعوضه بالجنات الخلد
سعود : بإذن الله شفيع لك
فايح : شفيع لكن شوقي له يقتل
سعود : ترا كان مولود اي شوق
فايح : مايحس بالذر الا صاحبه ياسعود
سعود : الله يهديك امش امش العرس بكره وانت ماشريت مشالح
فايح : يلا جايك
........
عند نياف وهياف الي طلعوا من السوق متجهين نحو نقطة تجمعهم مع عيال ابو شديد
نياف : والله اني بديت اخاف ننقفط الديره بدت تمتلي
هياف : اقول اذكر الله محدٍ قافطنا بس لازم نمثل على سياف وسعد عشان مايدرون
نياف : هذا شيٍ اكيد
هياف : جهزت من قصيدك شي؟
نياف : ايه تبا تسمع؟
هياف : اي بالله
نياف :
عز الخوي الي معك كنه اخوك
كل ما ضاقت جلا همك وراك

مايفرقنا لا الكلام ولا الشكوك
وراعي الوجهين يبحث عن خفاك

والله ان تبقى الخوه وانا اخوك
دامني حي ترا روحي فداك
هياف : هاذي بتخلينا نسعى لصلح ابوي وعماني مع سعيد واخوانه
نياف : ان ذا الافضل
هياف : نياف بسألك وجاوب بصراحه
نياف : وش
هياف : باين علي هم الايام؟
نياف : لا والله مب باين وخلك كذا لين يفرجها ربك وامي لا تدري ولا اخواني واخواتي عشان ابوي مايدري
هياف : تعبت بس بحاول
نياف : ماتحس اننا صرنا كلنا شعار؟
هياف : ابوي شاعر وعماني شعار طبيعي يوصل لنا العرق
...........
عند شديد وشداد الي مضبطين مكانهم السري
شديد : الحماس بياخذ روحي
شداد : اعقل ياورع
شديد : وش الي اعقل ذولا اخويانا من مبطي طبيعي اتحمس لهم
شداد : الرزانه نعمه
شديد : خف علينا
دخلوا العيال هياف ونياف
شديد الي راح يخمهم بقوه : عوال الديرههه
نياف : ياورع ابعد ابعد
هياف : لا تبعددد خلك
نياف : ابك وخر انا بموت
شداد منصرع ضحك : وخر الولد سود وجهه
شديد : ذي جزاتي يوم احبكم
نياف : احيان احس ان انت الي عمرك ٢٥
شداد : انا اتفق
هياف : خلوا ذا من بيجي ؟
شداد : مجيول يقول بيجي عشان يتكلم عن العرس
شديد : يا شباب السيح نظيف ؟ اذكر اخر عرس فيه واحد حاط جىًَة عنز هناك
نياف : ايه منظفينه يوم جيتوا
وقعدوا يسولفون ويخططون للعرس
........
في السوق عند البنات
نوير : بنات سياف مو موجود!!
سوير : في ذمتتس!
نوير: والله انه صدق رحت المواقف مافيه احد
العنود : بنروح مع سلطان كلنا تراه ولد عمكم
نوير : ولد عمنا الخكري
عاليه : بنات وش جاي عليه سلطان ؟
العنود : ددسن
كلهم : غماره ولا غمارتين!
عنود : غمرتين تطمنوا
خلدى : انا ورا من الحين
منيره : حتى انا معليش ماقدر اركب قدام معه
عاليه : لو ركبت قدام بيهاوشني سعد
سوير : انا ورا معليش
عاليه : لازم ثلاثه قدام ورا معنا غلوي واغراض ماتنتركب بالحوض
نوير : انا بركب قدام معليه كنت اصفقه وانا بزر وقفت الحين
نور : وجع يعني انا قدام!
البنات : ايهه
راحت العنود تقول لسطان وقال تعالوا
ركبوا ولكن للاسف الاغراض كثير ومافيه مكان لسوير ورا
ركبوا قدام السواق سلطان وجهة المعاون نوير فوقها سوير وبالنص نور فوقها العنود
العنود : والله لو يدرون عن حالنا لانتصفق
سلطان : محدٍ داري لسكتوا
منيره تهمس لعاليه : الولد زاين ماشاءالله
عاليه : اي اذكر اول ماتزوجت ماكان كذا
منيره تحمست ورفعت صوتها : ماندري من نصيبه
عاليه الي حاولت تكسك الضحكه يوم تشوف تعابير وجهه منيره يوم رفعت صوتها وتفشل
خلدى بهمس : نعنبو العدو فضحتينا فضحتينا
منيره : انا شسوي ماعرف اقصر صوتي
نوير الي لفت ونست انها مع سلطان : اعقس فيه حشه بطله تحشون بمن
سلطان رد عليها : فيتس اسمع كل سوالفهم
مسكت راسها نوير من الفشله هي ومنيره وخلدى وعاليه
العنود : مالومهم يوم مايخلونا مع بعض لو جلسنا شوي فرعنا قدام بعض
ضحك سلطان وكانت تأمله نور وللحين مانست الموقف
كانت نور بجنب سلطان مره وتحاول تبعد لكن للاسف سلطان لف عليها للحظه ولكن بوف دوف بفبف كاد ان يصبح حادث
منيره : سلطان تعين وش الي صار
سلطان : لفيت عن كلب طلع قدامي
العنود : المسافه طالت
سلطان : بنوصل بس اسكتوا شوي
سلطان الي يبي يلطف الجو و للحين يحسب سوير طفله
سلطان : سوير وينس ماتجيني اوديس البقاله
تفجروا ضحك وسوير انحرجت ماتدري شلون تصارحه
العنود : البنت كبرت تستهبل انت
سلطان لف : في ذمتس
العنود بصياح : نااظر قداامك
سلطان : سمي عاني البيت
...........

اعتذر عن القطعه ولكن الظروف تعرفون
واتمنى اعجبكم البارت مع تحيات عذية🤍🤍.