ماورا صدري الا نجد العذية و صيتة .

البارت السابع

عند البنات يرقصون وراح مجول وزوجته وراحوا الناس وذي اخر رقصه
منيره عند الطقاقه: ابي اعلن حملي بس دقي انتي
الطقاقه : ابشري بس عندك ابيات؟
منيره : مانيب بشاعره لكن بحاول اكتب
وكتبت منيره:
بعد عشرة اعوام فيه تبشرت
بشارةٍ تشرق السماء في عز ليلها

وقال لي طولت لكن ما تأخرت
وجا لمنيره عقب ماكانت في ميتها
ودقت الطقاقه
وكانوا يرقصون لين سمعوا جا لمنيره عقب ماكانت في ميتها هينا صاحت سوير : منيره حااامللل!
راحت توجهت ام سعد لمنيره وهي غرقانه دموع : منوري هو صدق
منيره الي تهز راسها مو قادره تكلم من البكي
وبدت الغطاريف من جديد وكأن الزواج تو بدا
ام شديد الي ماقدرت تحمل الموقف اخوها الي له ١٠ ما تخلى عن حبه ومتأمل فيها حامل راحت بسرعه وحضنتها تبكي وتردد : حمد يدري؟ حمد يدري ؟
منيره وهي تبكي فرح : اي يدري
العنود : شغلووواا نبي نرقص على الخبر الحلو ذا
شغلوا يرقصون فجأه سمعوا صياح ورعان : ابو سعود وسعيد انطلقوا برصااصصص
مها : شنهوووو
طلعت تركض مها ومسكت البزران: وش فيهه اهرج
الورع : ابو سعود انقذ سعيد من الرصاص و راح المستشفى
مها اغمى عليها
نور : يمهههه شفييجج
و الورع يكرر كلامه
نور : ايششش شنو تقول انت رح لامك ياورع
جوا الحريم مرتاعين ونور تراعد وماسكه امها
ام سعد : نور حبيبتي امتس وش فيها ليه كذا!
نور وهي تراعد من فجعتها : جددديي جدي انط انطلق برصاصهههه
العنود : ايشش!!! جدي سعدد!!
نور : ايي و بع بعد م معه سع عييددد
صيته : عميي!
ام سعد : بنت انتي وياه خلونا نتأكد من الخبر ارفعوا مها وادخلوا
.........
عند العيال
مطر الي منهار وهو في السياره : محسننن امسكه زي يا***
محسن : ولد اسكت ترا فيه نبض سد فمك
هياف الي كان مع سعيد لان مطر رايح فيها : مطر الرجال فيه نبض لا تهلك نفسك
مطر : هيااافف اسرععع ياكلب
هياف : انا مسرع
محسن : لا تسرع ياورع نصير ضحايا عشان الحمار ذا
اما عند فايح ومعه شداد وجاسم
فايح : شف جدي شلونه ياثورر
جاسم : اسكت لافلقك قاعد اوقف النزيف دق عليهم علمهم الطريقه
شداد الي مسك جواله يدق : الوه محسن بعطي الجوال جاسم يعلمك كيف توقف النزيف
اخذ الجوال فايح من يده: شف الطريقق
شداد : ياحماارر صورر عمي زي جدكك
الجد الي فجأه هرج بكلام مب مفهوم وكأنه يقول : اصصص
جاسم : يهرجج ياعيالل يهرجج
نط ورا فايح والسياره مسرعه
شداد : ياحماررر لا تطلع من الدريشههه بتمووتت
فايح : سق سق وانت ساكت
شداد بخاطره : لولا الله ثم حبي لذا الرجال واختك كان مافزعت
اما فالسياره الي فيها شديد وسعد وابو سلطان وابو سعد وابو شديد ومقعد
سعد الي جاه اتصال : جاسم يدق
كلهم : ردددد
رد سعد
جاسم : يهرجججج يهرجج طمنهم
ابو سعد : اللهم لك الحمد يارب العالمين
ابو شديد: شديد دق على محسنن دقق
شديد : بنوصل الحين مابقى شي
ابو سلطان : شديد تمشي على بيض انت اسررعع اسرع
شديد : سم سم
...............
اما عند سلطان وسياف وسعود وشلش
سعود : الحين شلون نقول لهم
شلش : بنسبة لامي بتتعب انا خايف ياعيال او مره احس لني مخفه
سياف : انت دايم مخفه وقفت على الحين ؟
سلطان : ترا وربي لاصفقكم انا بقول لهم يتغطون وادخل
شلش : هيهي عشان ينحرونك عماني
سلطان : ماراح ينحروني اذا مادروا!
وصلوا للبيت
سلطان يدق الباب
نوير : جا احد جا احد
نحا : مسحتوا مكايجكم ؟
سوير اي باقي نور تعبانه مو قادره تسوي شي العنود عندها
ام سلطان : مها للحين ماصحت اربه واحد من العيال
سلطان يصايح ورا الباب : يمهه هايمهه
ام سلطان : جايه
فتحت الباب
سلطان : يم الحريم تغطوا ؟
ام سلطان : ايه ادخل
سلطان : ياعيال امشوا
دخلوا وجلسوا كلهم ام شديد وام سلطان وام سعد والبنات بالغرفه
صيته : بنات احس رجولي معاد تشيلني
نوير : مب لحالك
شاديه : بنات جبت عصفر اخذوا
عاليه : فيه سكر؟
العنود : حتى الحين يا عاليه
عاليه : لو ماتعب منه كان ماعلي لكن اتعب
اما عند سلطان
سلطان : يمه عمتي وينها؟
ام سلطان : جانا خبر ماندري اذا صدق ولا كذب
سلطان : للاسف صدق
صاحت ام شديد صيحه : يااويليي ويلاااهه
صيته : صوت اميي!!
طلعوا يركضون بجلال الصلاه
شلش: يمه استهدي بالله
ام شديد : ودوونيي لهم ودونيي تكفونن
صيته الي قعدت تبكي وتسأل شلش: صدق ؟
شلش : اي
نوير الي اول مره تغرق دموع : سلطان تكفى ودناا
سلطان : عمتيي وينهااا!!!
ام سعد الي متماسكه وللحين ما انهارت : جوا مغميه
دخل سلطان يبي يوديها المستشفى وشاف نور : يامره تغطيي
تغطت نور : وش تبي في اميي
سلطان : باكلها وش بسوي فيها مثلًا؟ بوديها المستشفى
نور : بروح معك
سلطان الي تردد بنفسه وهو راد خواته وراد البنات يرحون مع العيال واذا وافق عليها بينفضح : تعالي مع سعود
نور الي بدت تشاهق
سلطان : اخلصي بسرعه وتعالي
العنود : نور انتظري بعطيك من قمصان نحا لا تروحين بالفستان
سلطان : اعجلوواا!
............
وصلوا المستشفى وجالسين بانتظار العمليات
شداد ماسك ابو سعد
وهياف ماسك ابو شديد
نياف بهمس لشديد : ذولا فضحونا الي يشوفهم يقول يحبون بعض
شديد : المشكله ان بيننا مشاكل
فايح : نيافف جب ماء لشيبان
نياف : سم الحين بجيب
طلع الدكتور : من عائلة سعد؟
ابو سعد : حنا يادكتور علامه؟
الدكتور : سعد للاسف في حالة خطر وداخل غيبوبه ماندري متى يصحى
ابو شديد : طيب يادكتور سعيد وش لونه؟
الدكتور : عظم الله اجركم فيه
الا صوت صيحة مطر : يبهههههه لا يايبه لا انت قلت ماراح تسوي زي امي يايبه
ابو شديد الي تماسك نفسه عشان مطر : اهد يامطر هد
نياف الي جا ركض ورجوله ماتشيله بهمس لفايح : راح؟
فايح : لاحول ولا قوة الا بالله
.........
بعد العزا
مطر : عمي قعيد خل عيال سعود يجوني ابيهم
قعيد : لا وانا عمك منقدر
مطر وهو معصب : ياعمي خلهم يجوني ابيهم !
قعيد : محسنن
محسن : لبيه
قعيد : لرح لابو سعد وقل له مطر يهلوس يبي عيالك
محسن : سم يبه
.........
في بيت ابو سعد الي فيه بس هياف ونياف وسعود وسياف والباقي بالمستشفى
هياف بهمس لنياف : نياف انا خايف من الحزن على صيته
نياف : سد فمك حالتنا حاله وذا وضعك
هياف : حسيبك الله ليتك تجرب الهوى والتذلل فيه
نياف : التذلل والله بيجي اذا ابوي سمعك
سياف : وش تهامسون فيه؟
نياف : وش عليك!
سياف : ترا سألت بس
سعود : ياعيال البنات يبون يروحون جدي نوديهم؟
نياف : ابك جدي مايبغى الا فرقاهم
دخلت نوير معصبه : نياف ودني لجدي لاطى على رقبتك
سعود : هوب هوب تراني كبرت ياطيبه
نوير : سد فمك لاصفقك
نياف الي عصب : نوير ادخلي بسرعه!
نوير : انا مادري من القاها منه منك ولا من فايح والا من الملتوي ذا (سعود) حسبي الله وكفى ودخلت وسكرت الباب بقوه
هياف : اح وش ذا العجه الي جت فجأه
سياف : انفجرت الضعيفه فايح له شهر مغير يهاوشها وانت وياه ضغطوها لها ٤ايام تبي تروح جدي وانتم رافضين
سعود : طيب ليه دخلتني معكم
سياف : من واسطتك الضعيفه ذي
..........
نوير الي ماتبي احد يشوفها وهي تبكي طلعت لسطح
نوير : انا مادري لمتى بصبر لمتى يعني
الا تلمح سياره موقفه عند بيتهم
نوير : هذا من وش يبي السياره الجديده ذي دايم مسنتره تحت
تخيلي يانوير ان ذا يهواس يالبيه ليته صدق لكن منهو لاهوب بمحسن؟ ومطر مستحيل ولا هو مجول ولا عيال فهده لا يكون عيال ابو ناصر لا يارب وش ذا الحظ المخيس
............
انا الي بالسياره شداد
شداد: اهخ ياليتني ادخل الباب ذا واطلب يديها ، اعقب يا شداد عمك توه متوفي و ولد عمك حالته حاله وانت تطرد الهوى عزالله ان الهوى اعمى لا اله الا الله .
نزل شداد من السياره لانه شاف محسن جاي
شداد : محسنن
محسن : اه يالمخنز علامك مسنتر هنيا؟
شداد : اهوجس الحاره مليانه والديره مليانه تعرف اجازه المكان الوحيد الي مافيه احد بيت ابو سعد الا انت وش تدور؟
محسن: مطر حالته حاله يبي نياف وهياف
شداد : انت خلك انا بناديهم خذ السياره ورح
محسن : اعوذ بالله منك رح رح ماندري وش اخرتك
شداد : طس يالله
شداد الي كان متحمس يدري ان البيت مافيه الا هياف ونياف وسياف وسعود
ويبي يشوف نوير بأي طريقة
دق الباب
فتح سياف : ذا انت وش تبي تبي نوير تفلقك انت بعد
شداد : ترا بصفقك اعقل
نياف : سياف من الي جا ؟
سياف : شداد ولد مطر
نياف : قل لنوير تجهز القهوه ، اقلط ياشداد
شداد : ما اقول لا
نياف : يالمروح حتى انت صرت زيهم
شداد : الموضوع مهم لكن هياف موجود؟
نياف :ايه
..............
سياف الي دخل ويدري ان البيت مافيه الا سوير ونوير والعنود الباقين في المستشفى
سياف : نويررر
العنود في الغرفه: وش تبي فيها
سياف : اسكتي شداد بالمجلس
العنود : طيب رح ابي اروح الحمام
سياف : خلي نوير تجي طيب
العنود : مهي عندي
سياف : نويررر
نوير الي نازله من الدرج : وجع
سياف : يوجع بطن العنود
العنود : حسبي الله
نوير : وش تبي
سياف : شداد عندنا سوي قهوه
نوير : زقوم
................
خلصت القهوه وتقروشت نوير ماتدري شلون توديها لان سعود وسياف هجوا مابقى فالمجلس الا هياف ونياف وتدري لو طلعت او نادت بتتكسر
حط نوير القهوه على الباب وجت بتدق الباب ويطلع لها هياف : مجنونه انتِ!
نوير : اي مجنونه اذا ماوديتني جدي
فالمجلس نياف و شداد رفع صوته نياف عشان مايسمعهم شداد : انت تقول عندك علم
شداد الي فهى يحاول يركز بالصوت وتمتع فيه
نياف : ولد
شداد : هلا
نياف : وش علمك؟
شداد : اناظر هياف يجي
عند نوير وهياف
هياف : نوير روحي
نوير : طيب
دخل هياف : والقهوه جت ها علمنا يامقرود
..........
اما فالمستشفى عند الجد
مها : نور يامي جيبي لي مويه وحبه
نور : ابشري يمه
ام سلطان : خلي سلطان يروح معتس
نور : لا مو لازم باخذ خلدى وهيا
ام سلطان : بكيفتس
سلطان الي كان مقهور ليه رفضت : دام هيا بتروح بروح معكم مانضمن المكان
ام سعد : الحرمه صدعت روحوا بسرعه
سعد : يبه احيب شي تاكله انت وعمي ؟ صرتوا عظم وجلد
ابو سعد : لا يابوك مالنا نفس
مها : دقوا على الي في البيت تلقونهم متوترين اكثر منا
جاسم : يمه تراج مو بالكويت ماندري عندهم نت ولا لا
سعد الي عقد حواجبه : عندنا نت لكن فالقرى مو كلها
ابو سلطان : دق اخلص
دق عليهم سعد لكن مغلق ومافيه نت للاسف
جاسم : ارسل لهم يرسلون لجاهم نت
سعد : جوالاتهم كشاف
جاسم : هات هات ارسل نصيه
سعد : طيب
عاليه : سعد ممكن شوي
سعد : هلا
عاليه : اسألهم عن غلو بعد
...........
فالمجلس
شداد : عيال انتم عندكم ورعان! ولا بديت اهلوس
نياف : هياف غالية تبكي رح نبه البنات لا يكون رقدوا
هياف : اي الحين ابوي وامي مو موجودين بيستغلون النوم
دخل هياف : الي مو متغطي يتغطى الكلام موجه للعنود بنت مسلط سمع هياف وحده تشاهق بالصاله ودخل ، سوير علامس تبكين مع الورعه؟
سوير وهي تشاهق : الله ياخذكم هاه حسبي الله عليكم مخلينها عندي والعنود راقده ونوير تهوجس وذي ماتطفي مالها زر يطفيها
هياف الي ماسك الضحكه : هاتيها هاتيها
دخل المجلس وانسدح ضحك
نياف : علامك!
هياف : دخلت لقيت غاليه وابو السوس يبكون مع بعض الضعيفه مارقدت لها ثلاث ايام تكرف ورا البنت هههههههههههه
شداد الي مات ضحك : طيب وين الباقين
نياف : راحوا كلهم مابقى الا انا وذا وسياف وسعود وثنتين من خواتي وبنت عمي مسلط والبنات اعتمدوا غاليه على اختي الصغيره
شداد : عزتي لها لازم تكافئونها ياعيال ترا تأخرنا امشوا
هياف : اخاف ارجع لها غلو وتنهار وتصفقني
نياف : لا لا ترجعها لها ولا بتموت ناد سياف وسعود عانهم فالملعب
راح هياف ومسك سعود وسياف من متونهم و وداهم البيت
نياف: غاليه امانه عندهم البنات تعبانات
سياف : وجع انت وين رايح
نياف : اعقل قدام الرجال! رايح لرجال يبيني انا وهياف
سعود : طيب رقم رضعتها كم؟
هياف : زي رقمك
ويبدا الجلد والمجالد
الا يسمعون صوت صياح كلهم : غاليههه
انتثرت على شوي قهوه كانت شوي بارده
شداد : هاتها يامروح ماتعرف تمسك بنت
اخذ شداد البنت وفتح المويه البارده على يدها : جيبوا ملح
سعود : الحين بجيب
سياف : هوب هوب خواتي جوا اختك راقده بدخل انا
شداد الي عصب ورفع صوته : حتى على ذا تهاوشون جب الملح
دخل سياف وسعود من الروعه
سياف : ماينلام شلش يوم يهج من البيت اذا عصب شداد
سعود : اول مره يكون شلش صادق
اخذ سعود الملح وراح
ركضت نوير ودخلت المطبخ : سياف الي يصايح من!
سياف : شداد
نوير : ليه!
سياف : غاليه انتثر عليها قهوه
نوير : وشششوووو!
سياف : اشششش
نوير بهمس : وشوو شلون حتى البنت ماعرفتوا تمسكونها!
سياف : كنا نتصافق
نوير : حتى مع ولد الناس!
سياف : لا ياحماارر ياثور مطر موصل رساله مع شداد وجاي يعلمنا فيها وبيروحون له هياف ونياف وتهاوشنا انا وهياف ونياف وسعود من يمسك وهو يفرق وانتثر على غاليه قهوه واخذها هو وعصب اننا ما مسكناها يعني فوق انه عدونا عصب
نوير : لا يلام صدقًا!
طلع سياف ونوير بدت تهوجس : يالبيه لو يصير من نصيبي ويهاوش اخواني لانهم ماودوني جدي و يوديني هو
دخلت العنود : ياحمار صوتك عالي
نوير : لا تقطعين حبل الهواجيس
...........
شداد الي مسك غاليه
شداد : هاه ياحلوه هاه عمانتس ماعرفوا لتس الحمير ياويسي ويساه
نياف : يلا مشينا
طلعوا و وصلوا البيت
هياف : ادخلوا اسبقوني وانا جاي وراح لشباك صيته وكتب بورقه
صابني بالعيون والحجاج الذبوحي
واحمر المبسم الي مايعالج صوابه
                                        ،ًهـ
وقرفط الورقه ونطلها من الشباك غرفتها وركض ودخل بيت مطر
...........
عن صيته وشاديه ونحا
صيته : الحمدالله على كل حال بنات تعرفون شي عن ابو سعود؟
نحا : يقولون على وضعه
شاديه : صرت احبه بعد الي سواه لعمي
نحا : رجل بمعنى الكلمة
صيته : بنات انا استأذن مالي نفس اسولف ابد
نحا : الله معك
شاديه : الا يانحا علميني شلون مجول يوم درى
نحا : وصل المطار ورجع لديره ويقول انا حاس انا حاس
شاديه : طيب لقوا الي طلق؟
نحا : لا للاسف حرٌ طليق
عند صيته يوم دخلت غرفتها
صيته : عزالله اني منظفه الغرفه الورقه ذي من وين طلعت؟ فتحتها صيته ابك هاء منهو حتى محسن مايبدى بحرف الهاء ويتغزل غزل صريح لا اله الا الله امنا بالله.
.............
عند سعود و سياف
سعود : قل لشلش يجي يساعدنا
سياف : حمار انت البنات مايدرون
سعود : يهبى ياسعد وزوجته مسنترين عند جدي وحنا ماسكين البنت ذي
سياف : يمكن تصير من نصيبك
سعود : انت اكدت لي ان عليك قل صحه
فجأه غاليه حضنت سعود : بّ با
سياف الي انفجر ضحك : والله لو اننا دارين نطلنها عليك من اول
سعود : ابك ذي علامها هدي اللعب ماني بأبوتس
سياف : فهمتك يعني الحين
سعود : نقول عسى
............
عند شلش الي يبي يطلع سعود وسياف بأي طريقة او على الاقل يدخل الحوش ولا احد يدري من جماعته ، لبس شلش كيس ودخل وهو مغطي وجهه شافه واحد من البزران وراح يركض يدور هياف ونياف
...........
عند هياف ونياف
نياف : شفيك يامطر طلبتني؟
مطر : شوفتكم تبري الفين عله بعده دمع
هياف : لا يامطر يابعد قلبي لا تهلك نفسك
محسن : يارجل ارفع علومك
مطر : ياعيال انا صرت وحداني صرت وحيد كان املي بابوي وحتى هو تركني
نياف الي قام يحضن مطر : لا وانا اخوك صحيح متهاوشين ابائنا لكن حنا معك
محسن : اقصر صوتك ابوي هينا
الا يدخل بزر فجأه : هياافف نيافف بيتكم دخله حرامي
نياف : وشنهوووو!!
هياف : مب وقت صدمه امشش البنات هناك
وطلعوا هياف ونياف وشداد ومحسن ومطر
...........
شلش الي ماعمره دخل البيت ذا الا وهو بزر راح يدق دريشة البنات
شلش : هي هي
العنود الي فتحت الشباك : يمهههه
نوير : علامك
سوير الي جت تعدي : شفيه
العنود : حرامييي
نوير الي باستغراب : حرامي في نجد العذيه؟
راحت نوير الصاله ويدق احد شباكها فتحته : عنوووددد حرااميييي
شلش الي من الروعه هج قبل يجون العيال
دخلوا هياف ونياف ومحسن ومطر وشداد
نياف : توزعوا ياعيال وانا بدخل اشوف وضعهم
دخل المجلس لقى غلو نايمه على صدر سعود وسعود نايم هو وسياف
نياف الي ماوده يصيح سكت ودخل للبنات : نويرر سوير عنودد
نوير الي طلعت تراعد : حراميي حرااميي
نياف : انطقي وش لابس
نوير : اسود
نياف : البسي عبايتس انتِ و سوير وعنود باخذكم الابل والعيال بيقعدون ينتظرون الحرامي يرجع
نوير : وغلو؟
نياف : جيبي اغراضها بناخذها مستحيل اخليها عند المصرع هذولا
دخل نياف واخذ غاليه بهدوء وعطاها هياف واخذ الخيزرانه ومسطهم فيها : ياكلب انت وياه الحين حاط البيت والبنات عندكم ورقودي
سياف : لاتمحط طيب قدر وضعنا زي سوير
سعود : صادق شمعنى البنات بس
نياف : جاي حرامي يالمروح ويصايحن وانت ماتدري هذا المعنى اباخذهن لمكان آمن عطني مفتاح جيب ابوك اخلص
سعود : لا ماراح افرط بجيب ابوي
نياف معصب : اخلص
سعود : سم
.............
اما عند سلطان وهيا
سلطان : هيا
هيا : هاه ياكثر هروجك
سلطان : ليتنا جبنا العنود بدالتس تهرج علي ، بكره دور هياف ونياف صح؟
هيا : ايه
سلطان : طيب البنات بيجون؟
هيا : بعقلك نجيب المبزره هينا
سلطان : ترا لازم نجيبهم
هيا: بيجون شوي ويروحون ماراح يطولون
وعند جاسم ونور
جاسم : نور شفيج اهلكتي نفسج بقوه
نور : جاسم خلني تكفى
جاسم : لا والله ما اخليج
نور : طيب اسحب يدي احس كتفي يوجعني
جاسم : اذا سحبته بخلع كتفج خليه بجيب لج كريم عضلات ان شاءالله متوفر
شاف سلطان جاسم قام ولحقه
سلطان : جلسم وين رايح؟
جاسم : رايح اجيب كريم عضلات لاختي
سلطان : ليه وشفيها
جاسم : وانت شعليك؟
سلطان : صادق مالي دخل
..........
مر الوقت وها حنا بالليل
نياف : انا برقد ميت تعب
العنود : اول مره اهرجك واطلب طلب ارقد هينا الخيمه لنا شهر ماجيناها احتمال فيها عقارب
نوير : يالتسذوب انتي خايفه وماتبين تقولين
نياف : والي جتني تراعد منهي؟
نوير : بدا يفزع لها
نياف : احمدي ربتس ماني فايح وكلام العنود صحيح من زمان مانضفنا بيت الشعر ابرقد عندكم ولا تزعجوني وانتبهوا على غلو من النار ودفوها
..........
اما عند العيال الي محيطين البيت وتعبوا وتجمعوا
هياف : اه يالقهر نسيت اقول نوير تسوي لنا اكل قبل تروح
سياف : لا تشهيني عشان ما افلقك
سعود : العنود تحط سلطه وصلصات سوير
محسن : حسبي الله عليكم جعت
مطر : بسوي لكم عشاء صدقه عن ابوي
شداد : مانقول لا
هياف : غريبه شديد ماجا يدورك
شداد : شايف قدامك ورع صغير
محسن : انا معلم ابوي اني بقعد عندكم ادور الحرامي
شداد : شكله علم ابوي
هياف : ياعيال البيت مافيه بنات خلونا ندخل ونقفل الشبابيك والغرف والبيبان ونطبخ
سياف : ونقفل فمك مره وحده
هياف : مشتاق للجلد انت ترا الحين مافيه غلو تنثر القهوه
دخلوا وقفلوا كل شي ويستنون كبسة مطر
..........
عند نياف والبنات
العنود تعاطس
وسوير تكح
ونوير تدمع
وكلها مجتمعه بغاليه
صحى نياف عليهم
نياف الي ضحك : ابك انتن علامتسن؟
نوير : ماتشوف انت من ورا صاقعنا البر ومن قدام النار صلتنا
سوير الي ماتقدر تكمل جمله من الكح : اي والله لو انا قاعدين عند الحرامي اريح
ن
العنود : جيب ابوي كبير خلونا نرقد فيه (جيب مسلط جمس)
نياف : خلاص انا عند السواق وبرفع المراتب الي ورا وارقدوا وانابهوا لا ترقدون على غالية
رفع نياف المراتب كلها وحطوا البنات مفارشهم والطوالات وونزل مرتبته نياف ورفع المرايات عشان مايشوف العنود ورا
نوير : يازين الدفى
العنود : معلمتكم
سوير : خلونا نرقد عشان نصحى على الفطور
.........
عايلة ابو شديد
صيته : يبه شداد وينه؟
ابو شديد: عند عايلة ابو سعد
صيته : ليه؟
ابو شديد : البيت مافيه الا بنات صغار وطبه حرامي
شلش الي ماسك الضحكه من جوا وقمط : حرامي في نجد العذيه؟
ابو شديد : يقولي شديد ان شداد يقوله نياف طالع له وحده من البنات تراعد ماتقدر تهرج من الراعه
شاديه : عزتي لهم نروح لهم؟
ابو شديد : لا نياف اخذ البنات وراح
صيته : لا اله الا الله امنا بالله
..........
خلص العشاء عند العيال
هياف : والله ياهي فاتت نياف
سياف : معليكم لازم يذكر نياف لين تحسون انهم تؤام ثم يقول لا حنا مو تؤام
هياف : ذا فالت عشان فايح ونياف مهب موجودين
سعود : اكل اكل وانت ساد فمك احتمال مافيه عشاء بكره اذا ماراحوا البنات لجدي
سياف : ترا عيب مانوديهم خلنا نوديهم
مطر : ودوهم طالبهم
شداد : عزتي لهم الظاهر اكثر بنات تعقدوا من اخوانهم بناتكم
هياف : لو سمحتوا امور عائلية
شداد : خف علينا ما كأنك ماتدخلت في هوشتي انا وصيته وخليتني الغلطان واعتذرت وانا مادري
هياف : مابا افرق اخوان
.........
عند منيره وحمد الي طلعوا من المستشفى ومتوجهين للفندق
منيره : حمد قبل نروح مشتهيه حليب شوكولاته
حمد: بارد ولا حار؟
منيره : بارد
جاب حمد حليب الشكولاته شمته منيره : ايوو معاد ابيه خله عندك
حمد الي شوي ويبكي : ليه من اليوم توحمين وبعدين تكنسلين
منيره الي بدت تبكي : مو طلباتي طلبات ولدك
حمد الي ضحك يوم شاف منيره صارت تبكي على اتفه الاشياء : خلاص خلاص نلبي الاوامر شنسوي
منيره : حمد اشتهيت حاجه تخوف
حمد : وش هي ؟
منيره : اشتهيت دخان
حمد : اخاف يضرك واخاف يتضرر الجنين بعد
منيره : جبه
حمد الي من الروعه مايدري وش يسوي وراح وشراه : فكري بالموضوع تكفين
منيره الي عصبت : جبه ، اول ماولعته متيره وهي تحس بغثيان وتنطلع : يع ريحته يعع
حمد الي مستانس على موضوع الريحه : الحمدالله ههههه

ادري طولت عليكم ثلاث اسابيع لكن ظروفي الصحيه ماسمحت لي واحاول اكتب بارت لي اسبوع🤍.
محبتكم عذيه🤍🤍.