ဗီလိန်လေး၏ မာမီအဖြစ် ရှင်သန်ခြင်း Completed ✓

Ch.8

UNICODE

"ကဒ်"
ဒါရိုက်တာက ရပ်လိုက်သည်။

ဒါရိုက်တာက ပြုံးလိုက်ပြီး
"မင်းကောင်းကောင်းလုပ်ခဲ့တယ်"

ဒါရိုက်တာပြောပြီးတာနှင့် ရဲ့ဖန် ဟာ ဟဲဟန် ၏ ရင်ခွင်ထဲကနေ ထထိုင်လိုက်ပြီး စစ်ယူနီ‌ဖောင်းက သူမ၏ ပုခုံးပေါ်ကနေ လျှောကျသွားခဲ့သည်။လက်တစ်ဖက်က သူမအနောက်ကနေ ဆန့်ထွက်လာပြီး အင်္ကျီကို သူ့လက်နဲ့ ဖမ်းလိုက်သည်။

ဒါရိုက်တာရဲ့အော်သံကြားတော့ ဟဲဟန်လည်းပဲထထိုင်လိုက်သည်။

ရဲ့ဖန် နှင့် ဟဲဟန်တို့ အသီးသီး နောက်ပြန်ဆုတ်သွားကာ ဇာတ်လမ်းထဲရှိ ခံစားချက်များ လုံးလုံးလျားလျား ဖယ်ခွာသွားပြီး သူတို့၏ ပုံမှန်ပုံစံအတိုင်း ပြန်ဖြစ်သွားကြသည်။

တစ်ခါမှ မတွေ့ဖူးခဲ့သော သူစိမ်း‌တွေကဲ့သို့ ဖြစ်သွားကြသည်။

ရဲ့ဖန်သည် ဟဲဟန်ကို ခေါင်းညိတ်ပြပြီးနောက်မှာ လှည့်ထွက်လာခဲ့သည်။

ရက်အနည်းငယ်ကြာပြီးနောက်မှာ ရဲ့ဖန် သည် dancer အဖြစ် တရားဝင်ပါဝင်ခဲ့သည်။မကြာသေးမီက ဇာတ်ညွှန်းကို ရဲ့ဖန်ထံ ပေးပို့ခဲ့သည်။

ရဲ့ဖန်သည် ဤအခွင့်အရေးကို တန်ဖိုးထားသောကြောင့် သူမသည် ဤအခန်းကဏ္ဍကို အလွန်အလေးအနက်ထားခဲ့သည်။

ရဲ့သော် အိပ်ပျော်သွားပြီးနောက်တွင် သူမသည် စောင်ခြုံပေးကာ တံခါးကို တိုးတိုးလေးဖွင့်ပြီး အခန်းထဲက ထွက်လာခဲ့လိုက်သည်။ဧည့်ခန်းထဲတွင် မီးပွင့်နေဆဲဖြစ်ပြီး ရဲ့ဖန်က ဇာတ်ညွှန်းကို  နောက်တစ်ကြိမ်ပြန်ဖတ်တော့သည်။

ရဲ့ဖန်သည် ဇာတ်လိုက်မင်းသမီး၏ညီမဖြစ်သည့် အပြင်တွင်နေထိုင်သော တရားမ၀င် သမီးဖြစ်သူ ကျင်းဝေအဖြစ် သရုပ်ဆောင်ရမည်ဖြစ်သည်။

သူမသည် မြေမှုန့်ကြားထဲသို့ကျပြီးနောက်မှာ အမျိုးမျိုးသောလူများကြားတွင် သက်တောင့်သက်သာ သွားလာခဲ့သည်။သူမသည် အကြင်နာမဲ့ကာ အခွင့်အရေးတစ်ခုတွင် ဂျပန်လူမျိုးများအတွက် သီးသန့်အလုပ်လုပ်ပေးသော အမျိုးသမီးတစ်ဦးဖြစ်သည်။