ဗီလိန်လေး၏ မာမီအဖြစ် ရှင်သန်ခြင်း Completed ✓

Ch.24

UNICODE

ရဲ့ဖန်သည် တူးတူးလေးကို သူမခဏလောက် အပြင်သွားမယ်ဆိုတာကို ပြောပြထားခဲ့သည်။သူ့မာမီကို စိတ်ပူအောင် လုပ်ဖို့ တူးတူးလေးသည် ဒီရက်ပိုင်း‌မှာ သူမာမီကို မလိုချင်ဘူးဟု ဆုံးဖြတ်ထားခဲ့သည်။

ဒါပေမဲ့ ရဲ့ဖန် ထွက်သွားတဲ့ အခါမှာ တူးတူးလေးသည် သူမကို လွမ်းနေခဲ့သည်။

"လီမား၊လီမား"
တူးတူးလေးသည် လီမားရဲ့ဘေးကို သူ့ခြေထောက်တိုတိုလေးတွေနှင့် ပြေးသွားခဲ့သည်။သူက တီဗွီကို ညွှန်ပြရင်း ရင်တထိတ်ထိတ်နဲ့ ခုန်ဆင်းသွားခဲ့သည်။

လီမားသည် သူမယူလာခဲ့သည့် အဝတ်အစားများကို ခေါက်နေသည်။သူမသည် တူးတူးလေးကို ကြည့်ရင်း ခဏလောက်တော့ နားမလည် ဖြစ်သွားခဲ့သည်။

"တူးတူး တီဗွီကြည့်ချင်လို့လား?"
လီမားသည် တူးတူးလေး တီဗွီကြည့်ချင်တာဟု ထင်သွားခဲ့သည်။

တူးတူးလေးက သူ့ခေါင်းလေးကိုရမ်းရင်း
"မာမီ့ တီဗွီ"

တူးတူးလေးက သူ့မာမီကို အရမ်းလွမ်းနေတဲ့အတွက်ကြောင့် သူ့မာမီကို တီဗီက‌နေ တိတ်တိတ်လေး ကြည့်ပြီး အလွမ်းဖြေချင်နေသည်။

တူးတူးလေးက လီမား၏အဝတ်အစားများကို စိတ်လှုပ်ရှားစွာ ဆွဲလိုက်ပြီး
"လီမား၊ရှောင်ပေါင် မာမီကို ကြည့်ချင်တယ်။မာမီကို တီဗွီပေါ်ကနေ ကြည့်ချင်တယ်"

ခဏလောက်တွေးပြီးနောက်မှာ လီမားသည် တူးတူးလေးက ရဲ့ဖန် သရုပ်ဆောင်ထားသည့် TV show ကို ပြောတာမှန်း သဘောပေါက်သွားခဲ့သည်။ရဲ့ဖန်နှင့် တူးတူးလေးတို့သည် အတူတူကြည့်ခဲ့ကြပြီး တူးတူးက ဒါကို မှတ်မိနေခဲ့သည်။

''Hidden on the Beach” သည် ယခုနှစ်တွင် ရေပန်းအစားဆုံး တီဗီစီးရီးဖြစ်သည်။

ပထမဆုံး ရုပ်သံဌာနသည်  ငွေအမြောက်အမြားရရှိခဲ့သည်။ထုတ်လွှင့်မှုပြီးသွားသောအခါတွင် ရုပ်သံဌာနအများအပြားသည်လည်း ထုတ်လွှင့်ခွင့်ကို ဝယ်ယူခဲ့ကြသည်။

အခုဆိုရင် မင်းတီဗွီကို ဖွင့်ထားသ၍ ''on the Beach'' ကို ထုတ်လွင့်နေသည့် TV channel အများအပြားကို တွေ့နိုင်ပေသည်။