အတိုင်းအထက် အလွန် / အတိုင္းအထက္ အလြန္ [ Completed ]

အပိုင်း ( ၂၁ ) / အပိုင္း ( ၂၁ )

Unicode
အပိုင်း ( ၂၁ )

" မင်း ရူးနေတာလား ဟမ် ညလေပြေ "

ညလေပြေ၏တစ်ကိုယ်လုံးဟာ လင်းမုန်တိုင်း၏ရင်ခွင်ထဲမှာ စုန်းစုန်းမြုပ်နေသည်။

လင်းမုန်တိုင်းမှာလည်း သူသူအချိန်မှီရောက်မလာခဲ့ရင်ဆိုသည့်အတွေးကြောင့် ညလေပြေကို ဒေါသထွက်နေသည်။

" ဟမ် ဘာအရူးထနေတာလဲ သေတတ်တယ်ကွ သိရဲ့လား မင်း ငါ့ကို မကြည့်တော့ဘူးလား ဟမ် "

" ဟင့် ငါ .. ငါ အသက်မရှင်ချင်တော့ဘူး မုန်တိုင်း ငါ့မိဘတွေက... "

" တော်လိုက်တော့! သူတို့က မင်းကိုလက်ခံတာ လက်မခံတာ သူတို့ကိစ္စ၊ အဲ့တာကို မင်းက ဘာလို့ ကိုယ့်ကိုယ်ကိုဒုက္ခခံပြီး နှိပ်စက်နေရတာလဲ မင်းမှာ ငါတစ်ယောက်လုံးရှိတယ်လေ မင်း အခုလို အဆုံးစီရင်ဖို့ကြိုးစားတာက ငါ့အချစ်ကို စော်ကားလိုက်သလိုပဲ ငါ့ကို မင်း မယုံကြည်ဘူးလား ဟမ် "

ညလေပြေ အခုထိ လင်းမုန်တိုင်း၏ရင်ခွင်ထဲကမထွက်သေးဘဲ တသိမ့်သိမ့်တုန်ကာငိုနေဆဲဖြစ်သည်။ လင်းမုန်တိုင်းကလည်း ညလေပြေကိုဒေါသထွက်နေပေမဲ့ သူ့ရင်ခွင်ထဲမှာငိုနေတဲ့ညလေပြေကို ဖက်ထားဆဲဖြစ်သည်။

" မဟုတ်ဘူး ဟင့် .. ငါ မင်းအချစ်ကိုစော်ကားတာမဟုတ်ပါဘူး ငါ တကယ်ပင်ပန်းနေပြီ "

" တိတ်တော့နော် ... ငါသာအချိန်မှီရောက်မလာခဲ့ရင် မင်းဘယ်လိုလုပ်မလဲ တော်သေးတာပေါ့ ငါ့စိတ်ထဲမှာ မင်းဆီကိုလာဖို့ ဒီလမ်းကသွားဖို့ဆော်သြော်နေလို့သာပေါ့ မဟုတ်ရင်..... "

" ငါ .....ငါ တောင်းပန်ပါတယ် "

" ရတယ် အခု ဘာမှမဖြစ်တော့ဘူး တိတ်တော့နော် မင်း အကြာကြီးငိုထားတယ်မလား "

" ဟင့်...! "

ညလေပြေလည်း သူ့ကိုဖက်ထားတဲ့လင်းမုန်တိုင်း၏ရင်ခွင်ထဲကိုအတင်းတိုးကာ အခုချိန်ထိမကုန်နိုင်သေးတဲ့မျက်ရည်တွေကို ကျဆင်းခွင့်ပေးလိုက်သည်။

" မငိုနဲ့တော့နော် ငါနဲ့အတူတူ ကျောက်ပန်းတောင်းကိုပြန်ကြမယ် "

ထိုနေ့က ညလေပြေ ကိုယ့်ကိုယ်ကိုအဆုံးစီရင်ဖို့ကြိုးစားခဲ့သည်။ သို့သော် သူ့ဆီကိုလာတဲ့ လင်းမုန်တိုင်းက မန္တလေးကိုရိုးရိုးလမ်းမကြီးကသွားရမဲ့အစား ညလေပြေနဲ့သူတို့နှစ်ယောက် မန္တလေးမှာတွေ့တဲ့အချိန်တိုင်းသွားနေကြဖြစ်တဲ့ မြစ်ကိုဖြတ်ထားတဲ့တံတားရှိသည့်လမ်းကနေ သွားတာကြောင့် တံတားပေါ်ကနေ ခုန်ချဖို့ကြိုးစားနေသော ညလေပြေကိုတွေ့လိုက်သည်။ လင်းမုန်တိုင်းမှာ ညလေပြေ၏ထိုလုပ်ရပ်ကိုတွေ့တွေ့ချင်းမှာပင် ထိတ်လန့်တကြားဖြစ်ကာ ဆိုင်ကယ်ကိုတောင်မရပ်နိုင်၊ အရှိန်မသေသေးတဲ့ဆိုင်ကယ်ပေါ်ကနေခုန်ဆင်းပြီး ညလေပြေဆီကိုပြေးသွားလိုက်၍ ခုန်ချဖို့ကြိုးစားနေသည့်ညလေပြေ၏ဂုတ်ကနေလှမ်းဆွဲလိုက်သည်။ ထို့​နောက် တံတားလက်ကိုင်လက်ရန်းဘောင်အတွင်းသို့ ပြန်ဆွဲသွင်းကာ သူ့ရင်ခွင်ထဲမှာ ညလေပြေကိုတင်းကျပ်စွာဖက်ထားခဲ့သည်။ ထိုအချိန်ကစပြီး ညလေပြေနဲ့လင်းမုန်တိုင်းတို့နှစ်ဦးသဘောတူ အတူတူနေခဲ့ကြသည်။ ညလေပြေ၏မိဘတွေကြောင့် ကျောက်ပန်းတောင်းကတချို့လူတွေကတော့ သူတို့အကြောင်းကိုသိကြပြီး တချို့ကတော့ လင်းမုန်တိုင်းတို့ကို သူငယ်ချင်းလို့ပဲထင်နေကြဆဲ။ သူတို့အကြောင်းကိုသိကြတဲ့ တချိုလူတွေထဲက ရာခိုင်နှုန်းနဲ့တွက်လျှင် အယောက်တစ်ရာမှာ သုံးဆယ်က ရွံရှာကြပြီး တစ်ဆယ်က လက်ခံပေးသည်။ ကျန်တဲ့ ခြောက်ဆယ်ကတော့ လက်ခံသည်လည်းမဟုတ် လက်မခံသည်လည်းမဟုတ် သူတို့ဘာသာသူတို့နေကြသည်။