الزواج الصفقة

بارت 2

نيفين الي طلعت للبيتها هي وصافية ترتاح بعد الغش الي حاستو الصباح من تصرف سيرا الي تعرفها مصعصعة و صعيبة ورثت نفس طباعها اما لازم تجيبها للثنية عنادها مش باش يقوى عليها
صافية "للا اهدى اعصابك ماتتحملش غش شكون بيهم الاولاد كان تصيرلك حاجة
نيفين :"هاك ترى يا صافية هاك ترى على عينيك سيرا باش تهبلني انا نيفين ماقدر عليا حد سيرا باش تهدني بعنادها "
صافية "انا فاهمتك اما بنيتي مجروحة و مازال جرحها مابراش نسايسوها لين ربي يهديها
نيڤين : وقتاش يا صافية الحكاية عندها عشرة سنين و مانساتش و مازالت مابراتش وقتاش ناوية
صافية : نعرف للا نعرف اما بنيتي توجعت برشا لي صار عليها مش شوية
نيڤين "دلالك يا صافية هو لي مكبرلها راسها رد بالك تقولو قدامها هالكلام خليني نشوف اخرتها فين باش ترصي ..

سيرا وصلت للشريكة تعفس في طاجين تقعرو بالغزول لي تحس فيه نرفزها هذا الخرا نيار ديمير
هي دخلت و الخدامة الكل استلبست و الكل غطس في خدمتو خايف لا ياكل نبزة من عند البوص سيرا صعيبة في خدمتعا و حد ماينجم يتنفس في حضورها وقت لي تتعدا حس الذبانة تسمعو صوت الطالون متاعها ينقب القاعة ستنات الاسونصور طلعت فيه للايتاج السابع وين بيروها  تعدات من قدام السوكريتار صافيناز لي قلتلها تخلط عليها للبيرو
دخلت و خلات الباب محلول و صافيناز قامت تزرب ترعش منها صحيح حنينة معاها اما تخاف منها خاصة كي تبدا منرفزة
صافيناز واقفة ترعش وراء البيرو سيرا كانت عاطيتها بالظهر تتفرج من البلار
سيرا " نحبك تعملي بحث كامل على نيار ديمير طولو شياكل عمرو فين يمشي نحب تقرير مفصل في يدك ساعة "
صفيناز "حاضر مادام "
سيرا "ابعثلي قهوتي من غير سكر "
صافيناز "حاضر مادام ..و خرجت تزرب
قعدت وراء بيروها و جبدت الانستاقرام تبربش عليه عرضها اول اسم قابلها بابتسامتو للمستفزة كان ظاهر الغرور و التكبر عليه تصاورو اغلبهم عريان مالفوق يعرض في عضلاته المفتولة و متابعينو اغلبهم بنات ظاهر لي هو متاع بنات غزلت عليه اكثر قداش تفد من الرجال الي يبداو نسوانجيين مافهمتش علاش تغزل عليه شكونو هو حر في حياته
سكرت الانستاقرام  و حاولت تركز في خدمتها اما مانجمتش زادت تفكرت الصباح الي بدالها مع مماتها و وفالها مع نيار حست بالعصب طلعها سكرت البيسي الي قدامها و هزت صاكها و خرجت و وصات صافيناز باش تبعثلها البحث على نيار على ايمايل المعلومات لي تلقاهم  ركبت كرهبة اخرى من الشركة و وصات باش يصلحو الكرهبة قبل مايسمع خوها و مماتها و يتفجعو و يتحلولها اسئلة و تحقيق جدد..
وهي تسوق في كرهبتها طلبت ميريام صاحبتها
سيرا : وينك حبي توحشتك ..
ميريام "مالوحش مات الجحش نقص مالكذب
سيرا " جحش يصكك يا هاملة وينك ايجا ننقابلو في بلاصة العادة درجين نكون غادي
ميريام "تفدلك هههه
سيرا "والله سوريازمون نحكي معاك
ميريام "ياي اونفان حبيبي باش تلقالي وقت وانت معرسة بالخدمة
سيرا :ههههه ما خير و الا نعرس براجل ههه
ميريام :ايا نشوفك خليني نحضر روحي بش نجيك
سيرا " نصف ساعة ماتكونش غادي نروح
ميريام "حبلك ربي والله نقتلك ايا فلاي النصف ساعة كليتهم في التلفون
سيرا " هههه باهي تشاو .."
نيار دمير داخل لشركة بوه احمد دمير صاحب افخم سلسلة مطاعم  و اوتالات في تونس  كان يقرى البرة في امريكا تخرج و روح بطلب من بوه خاطر المسؤولية كبرت عليه ماكانش يحب يروح اما اصرار امه و بوه خلاوه يروح داخل بوهرتو الي يراه مالبنات تقعد حالة فمها طافة في زينو و وهرتو الاولاد حاسين بالغيرة من كمية الكاريزما و الاناقة لباسه السبور ماخلاهمش يتعرفو عليه طلع ديراكت لبيرو بوه بالرغم من انو التوشويش و السؤالات متاع الجميع يحبو يعرفو شكون هذا و بعد ماعرفو الي خو ولد البوص البنات الكل ولاو يحلمو يحوزو قلبه و الرجال عرفو الي هذا عرفهم الجديد و من واجبهم احترامه 
سيد احمد الي كان قاعد وراء بيروه يدير في اعماله جيان ولدو للشريكة فرحو و خلاه ياقف يستقبلو و يعبرلو على فرحتو الي قرر يعاونو على ادارة الشركات متاعو الي تعب فيهم برشا
احمد " نيار يعيش ولدي  ماتتخيلش قداش فرحان لي انت قررت باش تعاوني و تاقف على رزقك "
نيار " وانا فرحان خاطر انت فرحان بابا ان شاء الله نكون عند حسن ظنك "
احمد " تحبشي نعمل بيك دورة في الشريكة باش تعرف نظام الخدمة .
نيار :"لي تراه بابا "
و خرجوا مع بعضهم يدوروا في مكاتب الشريكة و فهم نيار نظام الشريكة و تعرف على اغلب الخدامة و كان يرى في اعجاب البنات و غيرة الرجال و هذا زاد من غرورو حد ما ينجم ينكر الي نيار كان متميز في قرايته و الي الخبرة لي اكتشبها في ادارة الاعمال باش تنفع الشريكة..
رجع نيار مع احمد لبيرو بوه و قالو الي بيروه حاضر اذا يحب من غدوة يبدى و ينجم يشوفو كان يحب يبدل فيه حاجة
نيار : هايل انا زادة متحمس قام يشوف في بيروه الي سيد احمد كان قاري حسابه في كل شيء و حضر بيرو لولدو نيار يشبه لشخصيته بالضبط
دخل نيار للبيرو و تفاجئ قداش بوه حافظو و فاهمز و عارف شنية يحب كل شيء كيف مايحبو
سيد احمد "ان شاء الله يكون عجبك كان فمة حاجة ماعجبتكش تنجم تبدلها "
نيار " بالعكس بابا هايل كان صممتو انا على كيفي مايكونش كيف ماعملتو انت يعطيك الصحة
سيد احمد " فرحت برشا كي عجبك مالة نخليك تنصتلي روحك و تزيد تركح روحك و انا من غدوة نمشي للشريكة الاخرى و نخليك انت تخدم على روحك و خرج وخلاه قعد يتامل في بروه الي كان يشبهلو برشا غامض كيفو بيروه في المارون الديكور لي فيه يشبهلو غامض لا تفهمو لا كاسح لا لين الديكور لي فيه الحاجاا لي يحبهم الكل يعبرو على نيار لا تفهمو النار لا تفهمو الماء كوكتال و خليط المنظر لي يطل عليه البلكون البلار الديزاين الي عالحيط حتى الاسد الي فوق البيرو و طاولة الاجتماعات الي في البيرو الصالون لي باش يرتاح فيها ادق التفاصيل سيد احمد عمللهم حساب قداش شاخ عليه نيار ترمى فوق الكانابيه و يتفكر في سيرا 
نيار "سيرا يا سيرا ماتبدلتش نفس البنية مالي عرفتك سنين لتالي مازلت القطة الجامحة اما على يدي باش تتروض ههه و تبسم تبسيمتو الشريرة متاع شيء مايصعب على نيار ولد ديمير
سيرا الي كانت قاعدة في الكانابيه عندها نصف ساعة تستنى في ميريام قاعدة الفوق في الكافي لبرة تتفرج عالفو الي يطل هالبحر في اذخم صالون دو تاي في سيدي بو سارحة بخيالها لبعيد نسات الوقت و نسات الدنيا و سرحت بخيالها لوقت لتالي كانت فيه فرحانة
#فلاش_باك
سيرا و هي متكية في حضنه بعد ما فصعو من القراية  يلعبلها بشعرها و هي راكشة عندو تستنشق في ريحتو الي سكرتها قاعدين في بلاصتهم الي طل عالبحر الفوق مافمة كان هي وهو و ربي شاهد على حبهم "حبي في بالك الي انا نحبك و نموت فيك "
مهيار" نعرف يا روحي نعرف و في بالك لي انت الهواء لي نتنفسو"
سيرا"نعرف ياروحي نعرف  و هزت راسها عينيها تقابلوا مع عينيه الخضر لي تعشقهم و شفايفهم تلاحمت في بوسة تعبر على مدى عشقهم و هيامهم لبعضهم "
#باك_اند
ميريام الي ترمات في حضن سيرا تعنق و تبوس  وسيرا تبعد في عيونها تخبي في دموعها الي خلفتهم ذكرياتها
ميريام " سيرا اغزرلي في عينيا من غير ما تبدى تبعد فيهم عليا
سيرا " ميريام اخطاني شبيك توة
ميريام"سيرا انت لي شبيك شنوة لي يبكي فيك
سيرا " مانيش نبكي جوست عينيا درا شدخل فيهم
ميريام "سيدي تاتا انا اغزرلي قتلك
سيرا " هاااه تفضل هاني غزرتلك باعي توة هجبك منظري
ميريام " ماعجبنيش منظرك يا بڨرة انا قلبي عليك لوقتاش يا روحي باش تبقى تعذب في روحك
سيرا :" بكيفي هو ميريام والله تعب والله افهمني انت الزح "
ميريام جبدتها لحضنها تعنق فيها وين استسلمت سيرا لمواجعها اول مرة و بكات في حضن صاحبتها لين هدات
سيرا :"اكهو ارتحت توة سيبون "
ميريام :"نسمع فيك شصار مالاول للآخر
سيرا " مدام نيڤين تحب تعرسلي قلك انا كبرت و ماعادش باش نجيب الصغار
ميريام " لا عااااد ووووه انت كبرت شكون مازال صغير مازالت ناس تخمم هكايا يا ربي تي قلها فمة بنات 18 مايجيبوش يا بنتي مش بالعمر
سيرا "اي  تنساش ماهياش غالطة راني 32 زادة مش صغيرة
ميريام اسكت بركا تفكرنيش هاني 30 محسوب
سيرا " زيد اليوم ضربني بالكرهبة نيار ديمير و الا خرا شكون
ميريام " احلف احلف نيار ديمير ولد احمد ديمير
سيرا " نعرش على خراه واحد ضاربو في روحو خرااا
ميريام " تي مهبل بنات تونس الكل مازال كيف روح من امريكا عمرو 27 سنة اكهو خسارة
سيرا " باش نعرس بيه انا شيهمني فيه
ميريام"اش خص ايامك كان تعرس بيه
سيرا " اااه شنوة للا ميريام خليت نيڤين في الدار نجي نلقاك انت هوني خارجة باش تنسيني همي مش شتزيد عليا
ميريام " اكهو اقعد بايرة هانا بايرات
سيرا " تي يزي مالكذب كي انت بايرة شهير شيعمل توة باش تعرسو في الصيفو خايفة تبور يا ربي و الا بطلت منو
ميريام " وانا نجم نبطل منو  اولا نحبو ثانيا يقتلني
سيرا " تستاهل و صحة عليك انت لي تحبو بحذاك و قدام عينيك مش كيفي انا دفنتو عندي عشرة سنين و لتوة عايش فيا
ميريام :انسى يا سيرا انسى و عيش الموتى الله يرحمهم انت مازلت عتيشة علاش تعذب في روحك بربي
سيرا "مانجمتش يا ميريام مانجمتش حاولت والله حاولت راهمضربتين يا ميريام مهريار و بعدهم امي و بابا و انا تحملت مسؤولية توة كان جاو حيين مش راني كيفك فواياجات شيخاتمش متحملة مسؤوليةدارنا الكل ياخي ساهل لي تعدا عليا ميريا توة يحبوني نعرس براجل اخر غير مهريار مانحبوش خاطر انا بديت نكبر و فمة امكانية ماعادش نجيب صغار باش مايقولوش بايرة تصورها يا ميريام
ميريام "شيهمك فيهم  سيرا صاحبتي مازالت صغيرة تطنطن و نهار لي تخمم تعرس فهي باش تعرس خاطر تحب مش خاطر لازم تعرس و جبدتها لحضنها تعنق فيها تحاول تهديها و تنسيها شوية مشاكلها..