الزواج الصفقة

بارت 5

شهير الي كان قاعد  مع ميريام الي تتغصور من صعبو كل مرة يمرجها على حكاية غلب علبها بصعبو و حزارتو اما الله غالب تحبو ماتنجمش تبعد عليه
ميريام " شنوة شهير توة كل مرة عامل فيا الله غالب نسيت غلطت و الكلو منك ما خليتش فيا عقل "
شهير "يعني انا الغالط و الكلو مني هذاكة من تفرفيشك و هبالك
ميريام " شهيييير والله فديت والله حياتي مرار "
شهير " تصيح عليا للا صنعة جديدة هذي اااه طبيعي تبات و نصبح مع سيرا اوغلو خو تفضل اعطيني كف
ميريام " شهير انت خرجتني من سينتي ماعندها ما مدخلها سيرا مادخلهاش في حكايتنا
شهير " باهي برشا من وقتاش تجاوب انت و تصيح عليا
ميريام "هذا هو انا ديما مسلمتلك و ساكتة بالي تصيح و تعيط و ساعات تضرب انا تعديلك ..
شهير " لا علاه تعديلي
ميريام " توة شنوة باش تشدلي في كل كلمة
شهير " تبات البرة بالرغم الي تعرفني مانحبش و تخرجلي عريانة ترجعني طحان و طيخلي قدري و انا الغالط
ميريام " توة شهير قتلك راقدة و زيد ماراني حد
شهير:اتو نستنى لين حد يراك باش نجبدلو عينيه و نقال ربك معاه
ميريام " يا ربي سيدي راني عارفتها انا كل ماتوافقلي على حاجة بعدها تمرجلي الكبدة و تمررلي عيشتي
شهير " باهي للا انا نمررلك في عيشتك باهي اتو نرتحك مني
ميريام " ماقصد...
شهير " كلمة لا لين نوصلو لداركم  و لبدت في بلاصتها دور الكرهبة مروح بيها يسوق بعصب يسب و يتلكش على الناس الكل
ميريام الي كانت متكية راسها على البلار تبكي من سكوت
وصلو للفيلا متاعهم تلفتلها
شهير "تنجم تهبط و دور على حل شعرك للا انا مرجتك
تلفتتلو و موعها المدمعين وجعولو قلبو اما حاول ما يظهرش لازم يكبسها  غزرتلو شوية و هبطت داخلة لدارهم
طار بالكرهبة خلى كان العجاج وراه

نيار الي كان يفطر مع عايلته الي دايرة بيه امو و بوه و خالتو و بنتها و مماته
شهناز "نيار وليدي البارح قعدنا نستناو فيك على العشاء خالتك و بنت عمك جاو يسلمو عليك "
نيار " ميمة تشديت مع صحابي مرحبا بيهم خالتي و بنت عمي الدار دارهم و زيد انا نحب نرتاح في داري "
احمد " كفاش تعدا نهارك البارح في الخدمة "
نيار " هايل بابا تهنى عندك كان الرجال
نوران " ماشاء الله على ولدي ربي ينجحك و نفرح بيك "
نيار "يعيشلي امي ان شاء الله
ميرا "  مالة ان شاء الله على قريب نفرحو بيك انت و ماريان و تنفذ وصية عمك "
نيار "خالتي الف مرة قتلك  الي ماريان كيف اختي "
ماريان دموعها هبطو و حست قداش غير مرغوب فيها قامت مالطاولة تبكي و طلعت الدروج تجري دخلت لبيتها "
شهناز " شنوة سي نيار كلامنا ماعادش يعجب و وصية عمك ماتعنيلك شيء كبرت علينا "
نيار " ميمة ربي يفضلك انت كبيرتنا و عمي نحبو الله يرحمو. اما العرس مش لعبة مانجمش ناخو ماريان اختي  مانراهاش كمرتي تي افهموني "
ميرا " لا حبك لعمك ظاهر شخلاك تبكيلو في بنتو و تحرق فيه في قبره "
نيار بصوت عالي " خااالتي مانسمحلكش مش داخلة في قلبي انا هو الله يرحمو انا مش باش ندمر حياتي و حياة ماريان خاطر وصية و قام و العصب راكبو خرج "
ميرا " ريتوه كفاه هذا ولدك سي احمد تكبر على بنتي شناقصها بنتي "
نوران " ميرااا شبيك على ولدي بنتك قلك كيف اختي ياخي مازالت ناس تعرس بالوصية "
شهناز "اي باش نحافظو على العايلة مازالت
احمد "قصوا عليا الموضوع مازال كي روح تحبو تهججوه ماصدقت ربي روح "  و قام خالط على ولدو
ميرا لنوران " نتمنى منك تعقل ولدك
نوران " تتصور يسمع مني ريي يعلم قداش نحب ماريان بنتي هذيكة اما زادة مش باش نقطع ولدي و نلزم عليه حاجة ما يحبهاش
ميرا " تسمع للا عاجبك الي صاير
شهناز " وانا شكون مازال  يسمع كلامي  في ها الدار "
نوران :وووه للا علاه هالكلام على خاطر نيار قال ماريان أختي  ولينا مانسمعوش كلامك "
شهناز " و هو شكون اخر لازم يسمع كلامي نيار منفخني "
نوران " مش صحيح للا نيار يحبك و يحترمك و يخاف يغشك كونشي حكاية العرس هذي حياته هو يرى الي ماريان ما تساعدوش للا و كان مانعكسوهش خير ما يعاود يهج و انت بيدك قلت تحبو يروح "
شهناز " اخرتي ولدي يكسرلي كلمتي و انا نسكت و نرضى
قعدت ميرا تشعل في النار و نوران تطفي فيها ...
سيرا كملت فطورها تحت عينين مماتها الي قريب تنقبها اما هي قعدت هادية ماتحبش تعاود مشكل البارح
جات قايمة تكلمت مماتها
نيڤين : "ايجا عندي مانحكي اخلط عليا لبيتي "
سيرا "شفمة ميمة عالصباح خلي كيف روح قي الليل "
نيڤين "لا أخلط عليا توة " ومشات لبيتها و خلات سيرا تتأفأف يا ربي انا هاربة و المشاكل في جرتي و تلفتت لصافية "نانا علاش تحب تحكي معايا "
صافية " بنيتي و انا داخلة في عقلها برة شوفها يكون منك العقل و حاول تاخو بالخاطر مالها الا مماتك و كبيرتك "
سيرا " حاضر  هاني ماشية ربي يستر " و مشات خالطة على مماتها
نيار الي خرج من دارهم منرفز النار خارجة من عينيه قبل ما يركب في كرهبتو يسمع في بوه يعيطلو
أحمد "نيار ستنى عندي مانحكي معاك " سكر باب الكرهبة و قعد يستنى فيه
نيار "شنوة بابا عاجبك الي صار الداخل انا الموضوع هذا تعرفني نهبل منو "
احمد "يعيش ولدي يكون منك العقل برد اعصابك
نيار "بابا الحكاية هذي ماعادش نحب نسمعها ماريان كيف اختي مهمتي في العايلة نحميها فقط باش نعرس بيها لا خاطر مامحبهاش كمرتي افهموها ياخي بابا انت كيف فرر تربط مصيرك بامي حكمو عليك ماو انت الي اخترتها علاش أنا لازمني نحقق وصايا و رغباتكم عمي و بنته على راسي اما العرس لا و كان باش تزيدو تكبشو فيه الموضوع باش نرجع لأمريكا
أحمد " هدي روحك عيش ولدي  باهي الموضوع هذا نتجاوزوه اتو نبه عليهم ماعاد يحكي فيه حد
نيار " باهي برشا نتمنى تحترمز قراري انا توة ماشي للشريكة "
أحمد" ربي يعينك ولدي "
ركب نيار كرهبتو و طار خلى وراه كان العجاج
سيرا بعد مادقت الباب و اذنتلها مماتها باش تدخل دخلت
نيڤين : ايجا اقعد بجنبي
سيرا مشات قعدت فوق الديفون بجنب مماتها تستنى فيها تحكي
نيفين " سيرا انت بنتي و كبدتي و ربي يعرف بلاصتك في قلبي انت كنز هالعايلة كان مش انت بذكاك وقفت لعايلتك الله اعلم رزق بوك راو ضاع 
سيرا " هذا واجبي "
نيفين "وانت كنت المسؤولية لي حملنهالك و حملتها لروحك  انا نعرف لي انت تعدا عليك البرشا مش الشوية و حاسة بيك بنيتي الدنيا مارحمتكش
سيرا " ميمة علاه هالكلام بربي الحمد لله لباس انتوما معايا انا فرحانة فيه البركة
نيڤين " عيش بنتي خليني نكمل كلامي ماتقصش عليا  نرجع لموضوعنا انا نعرف شمعناها تفقد انسان تحبو  انا وقت كنت كيفك صبيه و فرحانة بروحي حبيت واحد كيفك و كنت نرى فيه و مارى في غيرو و صارت حاجات خلات علاقتي بيه تنقطع تعذبت صحيح و توجعت و حسيت الي الدنيا بعدو وفات و كنت نقول الي انا مش باش ناخو راجل آخر  اما واجب العايلة و استمرارها الزم عليا اني ناخو عزيزك و يجي بوك للدنيا الي جابك و جاب إخوتك مش معناها انا نسيت حبي لا اما خليتو في قلبي و حبيت راجل آخر جبت منو ولدي و اكتشفت انو أكبر حب هو حب ولدك كيف ترى ولدك تنسى خاطر هذيكة سنة الحياة يا بنيتي الحب قداش باش يدوم بين زوز نهايتو عشرة سنين اما من بعد يولي عشرة اكثر
سيرا " ميمة انا ماهيار حبو قي قلبي صحيح مانسيتوش اما افهمني يعيشك انا مانجمش ناخو راجل أنا ماعنديش ليه مشاعر و نجيب منو صغار  كيف ماتحكي مانجمش  انا مش كيفك
نيڤين " اوعدني انك تحاول تحل قلبك تحاول ترجع تحب و ماتسكرش الباب عيش بنتي انا مش ضامنة عمري نحب نتهنى عليك عيش بنتي "
سيرا " اللطف عليك ميمة اللطف عليك و عنقتها خايفة من فقدها يزيها مافقدت ناس في حياتها نحاول ميمة على خاطرك نحاول "
نيڤين. " يعيش بنتي يريح قليبك اما هذيكة الدنيا بنيتي ياخي باش نعمر فيها انا اكثر من هكاية راني في السبعين "
سيرا "تي مازلت طنطن لازمني نشوفلك وحيد ترنكوش "
نيفين هههههه لاحاكلك ان شاء الله بعد السيف نعلق منجل
سيرا " ملا عزيزي هذا السيف متاع مماتي و قعدو يضحكو بعد ماكان الجو مكهرب بيناتهم تنجموا تقولو صفات القلوب شوية ..