الزواج الصفقة

بارت 11

دخلت لبيتها منرفزة مالي صاير معاها ماتعودتش تكون مفعول بيها ماتعودتش تلتزم الصمت و الاستسلام و هذا الي مهبلها من غير ماتشعر لقات روحها تنحي في حوايجها و طيش قعدت في دو بياس توجهت للصال دو بان تعمل بانو ترولاكسي بيه أعصابها الي باش تتطرشق .. عبات البانو و دخلت فيه و حطت الكاسك فوق راسها تسمع موزيكا تنسيها الي صار اليومة ..كانت سارحة بخيالها تنسي في روحها لقات روحها تتفكر في نيار لقات روحها تعدي في يديها على شفايفها تتفكر في بوستو الي سكرتها ماتنجمش تنكر الي نيار خلاها تحس احاسيس اول مرة تعيشهم حتى مع مهيار ماعاشتهمش بالرغم من رفضها و بالرغم من عنادها نيار راجل تتمناه اي طفلة و اي مراة في حياتها رجولة طاغية وسامة واضحة للعيان عايلة كبيرة هذا الكل خلاها تفرح باهتمامو بيها و الي هي تعنيلو قبل ماتتفكر مهيار و ترجع تلوم روحها و تنتكس  و تعاقب روحها كفاه نجمت تخلي شكون يقرب منها وقت الي هي وعدت حبيبها الميت انها ماتكون لحد غيرو ..
اياز لمرتو الي كانت لابسة بيجامة شورت وبروتال في الستان و تنظف في وجها و تتسكبن عارفة ليلتها باش تتعدى زرقاء اما عندها اسلحتها "شنوة الي لابستو الليلة للا، كان جينا وحدنا صحة تي انا أيسم ولد اختي نغار عليك منو الذبان الذكر مانحبوش يراك و هذا نوصي فيك باش تلبس حاجة مستورة
لمار "روحي والله اكثر وحدة مستورة الروب  طويلة و بيديها و زيد ياسر كلاس حبيت نوهرك بيبي "
اياز " لمار ماتهبلش ز*بي هالليلة الفونت من تالي شنوة هذاكة ترمتك عدها باش تتعرى تقلي مستورة "
عرفتو بدى يخدم لازم تستعمل اساليبها باش تهديه قامت بعد ماكملت نظفت وجها و عملت لي كرام متاعها   قربت منو تتمايل  البيجاما كانت شفافة و بدنها العذاب لي قاعد يتمايل قدامو كالغزال خلاه يفبري
لمار و هي مدورة يديها على رقبتو " إيزوشي حبيبي مانقصدش يا روحي حبيت نظهر مرتك قداش تعرف تلبس و قداش انيقة "
اياز الي بدى يلين ماينجمش يقاوم كمية اللغراء و الدلال متاعها " تقوم تعرض في  املاكي "
لمار " املاكك بين يديك يا روحي ماينجم حد يمسها حتى بغزرة خاطر انا مرت اياز اوغلو بكلو "
اياز الي ذاب بين يديها و بلسينها العسل " ماقتلتني و غلبتني كان بلسانك العسل اما ماتتحلش لمار آخر غلطة نعديهالك "
لمار " انت تؤمر يا روحي ، "
اياز " في بالك الي انا متوحشك و في بالك الي انا باش ناكلك الليلة " كلامو خلا فراشات طير في كريشتها و وجيعة بنينة تحسها سيبت ضحكة دلال طيرتلو عقلو
اياز " لا يشويني قتلتني بدلالك ، .. و حملها بين يديها ماشي بيها للفرش باش يعيشو ليلة من احلى ليالي العشق و الغرام في قصتهم ...
ناردين " يا روحي والله الروب لا فيها شيء و اكثر وحدة مستورة كان على ظهرها شعري مغطي كل شيء يعني ماتخافش مارانيش "
دياقو" ناردين تتمنيك عليا طرطور قدامك انا اتو نستناه انا يرى ، انا شمنبه عليك قتلك كي نبداو وحدنا اخرجلي عريانة يا سيدي اما راجل غريب علينا  عبارة مش راجل واخذة طرطور انت "
ناردين بدلال قربت منو و عنقتو تبوس فيه من رقبتو و تنزلو على نقطة ضعفو تعرفو يذوب من لمستها و ماينجمش يقاومها " يا روحي تعرفني ماراش غيرك جوست حبيت نظهر قداش مرتك مزيانة و اكهو "
دياقو" تقوم تعرض في بدنك لي هو ملكي ، للا و انت تعرفني منبه عليك "
ناردين " حبي انا مانرى كان انت و حد ما يعنيني، و زيد نيار متاعنا و باش يولي نسيبنا تغار منو "
دياقو " ناردين انا ولدك لي هو ولدي نغار منو مش غير نسيبك ستنى ساعة ياخي هبلت كفاه شيولي نسيبنا ماريتش اختك كفاه هبلت مجرد كلام صغار "
ناردين " انا قتلك سيرا المرة هذي مش باش تنجم تفلت من يد نانا نيار ظاهر حابب عليها و مدام نيفين جاتها من باب السماء "
دياقو " اختك والله تخوفني انا قوية و خايف لا الحرب بيناتهم  هي و ناناتنا تحرقنا معاهم "
ناردين " حبيبي ماتخافش انا الدرع متاعكم الي يحميكم من كل شيء "
دياقو الي خذا شفايفها بين شفايفو يثبت في ملكيتو ليها كمية التناغم بيناتهم ظهرت عمق حبهم و تعلقهم ببعضهم بعد شوية عليها يخليها تتنفس "متوحشك ياروحي "
ناردين " انا اكثر يا روحي جوست نمشي نحكي مع سيرا شوية و نرجعلك و انت خوذ دوش مابين انا رجعت "
دياقو " ماتبطاش عليا "
و هي خارجة رماتلو بوسة في الهواء لا ماتخافش مانبطاش على روحي "
مدام نيفين :" يا صافية والله لقيت لي باش نتهنى على سيرا معاه عايلة و نسب و فلوس و زين و عين و ذخامة "
صافية " هو الطفل يشره من كارنا اما زعمة سيرا توافق ،و هو حاططها في مخو "
مدام نيفين " لي ريتو قبيلة شوية ظهرلي لي هو ميت فاني عليها مشكلتي مع بنتي نعرفها مصعصعة بالرغم الراجل مايتفلتش ،اما انا نجيبها للثنية تهنى  نيفين مايصعب عليها شيء "
صافية كانت تسمع فيها و كلها يقين الي مدام نيفين تعني كل كلمة قالتها و هذا لي يخوفها تعرفها قادرة و قوية خايفة على سيرا و منها لي عندها نفس قوة مماتها و يا خوفهم من الحرب لي باش تقوم بيناتهم و الله اعلم الخساير شنية هذا لي توريهولنا الايام ..
دقت الباب ماجاوبها حد حلتو و دخلت ترى في حوايجها مطيشة في القاعة عرفتها في الصال دو مشات حلت الباب و دخلت عليها لقاتها رامية راسها لتالي و مغمضة عينيها تسمع في الموزيكا  و مسترخية قعدت تتامل فيها قداش اختها مزيانة و تستاهل تحب و تتحب و ترجع للدنيا نيار فرصة باهية باش ترجع تحل قلبها من جديد  قربت منها و نحاتلها الكاسك من راسها باش تفيقها من غفوتها
سيرا " عزيزتي فجعتني ، كفاش سيبك دياقو بعد العملة لي عملتها نعرفو مغيار هه..
ناردين :" عندي اساليبي يا روحي .. "
سيرا" و اجبد على صغرونتي كبرت و ولات عندها اساليب اكثر من اختها الكبيرة "
ناردين "لا انا مانجي معاك شيء نتعلم منك يا روحي ، سيروش تعرف قداش نحبك و انا في ظهرك و نخاف عليك مالنسمة نحس روحي انا اختك الكبيرة و امك الي مسؤولة عليك "
سيرا :" نعرف يا روحي نعرف قلي نسمع فيك بالرغم عارفة شنوة باش تقول ."
نارد: " سيرتي راك ازين مراة في عينيا راك حاجة واو راك عندك كل شيء زين ثقافة ،فلوس قوة ، راك حاجة واو من حقك تحب و تتحب من حقك تعيش حياتك من حقك  تعيش الحب من حقك تكون ام راو خسارة كان انت ماتعيشش هذم ، حاول تحل قلبك حاول تحب روحك كون انانية مع روحك امان ، انا نتمنى راك عروسة خاطر مافماش وحدة تستحق تكون عروسة قدك يا روحي راك الزين و العين ، نيار على محلاه الراجل ظاهر عاشق فيك كلاك بعينيه و زيد ريتو راو كي باسك و بصراحة ماتضيعوش من يديك ما عمري ريت راجل يناسبك قدو حتى مهيار ، مجرد سماع اسمو قلبها وجعها اما ناردين كملت تعرفني كنت ديما في ظهرك و باش نقعد ديما اما يا سيرا انت راك روحي اختي نصي نخاف عليك انا و اياز معاك اما قداش باش ندومولك انا روحي نعطيك اما انا عندي راجلي كي نتوجع يتسكر علينا باب و هو يداويني اياز كيف كيف انت شكون عندك تنجم تقلي ، كلام ناردين اثر فيها خاطر صحيح و خلاها تضعف و تتساءل هي علاش ما حاولتش تحل قلبها
سيرا :" نيار اصغر مني راو ب خمسة سنين كان ناسية "
ناردين " و شنوة المشكل برة راهم عشرة هو حاجتو بيك و فين باش يلقى كيفك اثق في روحك يا روحي و حب روحك و اتو ترى كفاه تعاود تعيش و تحب روحك مافمة حد اهم منك يا روحي ارجع عيش الي ماتوا مشاو على رواحهم انت مازلت تعيش
سيرا :" باهي يا روحي نوعدك نحاول نحل قلبي و نعطي فرصة لروحي " ناردين لي كلام اختها فرحها  قامت باستها من راسها وقلتلها "ايا توة نخليك يا روحي هنيني دياقو يستنى فيا "
سيرا " هههه مالة ليلة حمراء الليلة "
ناردين " يزي احشم اختك اكبر منك "
سيرا " يعيشو الكبيرة ، وليتشي انت الكبيرة و انا الصغنونة "
ناردين " انا المعرسة يعني انا الكبيرة "
سيرا " هههههه ايجا هوني اتو نوريك الكبر ، " خرجتلها لسانها و فصعت راجعة لدياقو لي يستنى فيها على احر مالجمر باش. يعيشو ليلة من احلى ليالي حبهم الكبير ..
نيار وصل لفيلا لقى بوه مع  امو و ناناتو و خالتو حمد ربي الي بنت عمو مش موجودة معاهم  قاعدين في الصالون " السلام عليكم ، يا جماعة هاكم ساهرين "
تكلمت خالتو بتسوميم :" قصدك صباح الخير ال 01.00 متاع الصباح توة ، كملت بت البرة مش خير "
نيار عارفها وين تحب توصل اما جاوبها ببرود "والله انا مازلت شباب و نجم نقعد فايق لغدوة ، اما انت مراة كبيرة لتوة ساهرة هذي مشكلة ماتخافش مالتجاعيد اه و الا البوتوكس موجود ، و فلوس عمي الله يرحمو فاش باش تصرفهم هذا واحد  ، و نعلمك  الي انا مش في الروضة باش تستناني روح ، لاك امي لاك بابا ثانيا انا عندي داري  روحلها وقت مانحب مانيش مطالب نعطيك تقرير مفصل على حياتي واضح اخر مرة تدخل "
ميرا" هكة تحكي مع خالتك هكة ربيت ولدك نوران يحكي مع الي اكبر منو و كبارو ماتعرش الي مايحترمش كبيرو يضيع تدبيرو "
نوران " ميرا يعيش اختي نيار ما يقصدش باش يقلل احترام "
نيار " امي رباتني احسن تربية و نحترم كباري وقت الي يحترموني مش وقت يحبو يمشيوني على كيفهم حياتي الخاصة نعاودها  ما عاد يدخل فيها حد انا الوحيد لي نقرر شنوة نعمل وقتاه نخرج وقتاه ندخل  مع شكون هذي اموري بالنسبة للعرس على قريب ان شاء الله بالمرأة الي انا نختارها ، بالنسبة لميار هذيكة اختي بنت عمي و خالتي فرد وقت و الي يمسها يمسني و انا باش نحميها و ان شاء الله انا نخرجها عروسة لسيد الرجال، و توة مروح لداري نبات فيها تخنقت هوني "  دار خارج وقت الي هوما ساكتين و منجموش يحكيو بعد الكلام الي قالو ، و رجع كمل
نيار "حقا نسيت ، ميمة تسلم عليك مادام نيفين اوغلو ، و حضرو رواحكم الويكاند العشاء مع عايلة اوغلو  استدعيتهم بعد ماعملنا شراكة معاهم اهوكا من غير مانوصيكم باش تلطفو الجو و تظهرولهم قداشنا احنا عايلة سعيدة تنجمو تمثلو نعرفكم مايقدكم حد في التمثيل واخذين جوايز اوسكار و خرج و خلاهم مصدومين من كمية القوة و الجرأة "
شهناز " هالطفل باش يقتلني خلانيشي نفهم حاجة انا منو "
نوران " اللطف عليك نانا قال عمل شراكة مع اوغلو و استدعاهم بالمناسبة مش حبيبتك نيفين اوغلو "
شهناز " ااااه انت من الي قالو الكل هذا شنوة شديت زايد بكة قلك باش يعرس ، نقص يدي كان ماتطلعش عندو علاقة باوغلو "
ميرا " شكون عندهم باش ياخو الطفلة الصغيرة مش عرست في بالي تقليش باش ياخو الكبيرة فمها محلول طاقة و يدها على قلبها تلفت لنوران ، هكة نوران بنتي بنت ال 20 لا زين و عين و صغر و بدن بنتي عروسة كالpoupée ، ماتعجبوش باش ياخو الشارفة بنت اوغلو اكبر منو "
نوران " ميرا تي شبيك هبلت ياخي قلك باش ياخو بنت اوغلو يا بنتي عف عالطفل راك باش تهججو ، ياخي نقدرلو انا فهمني بربي ارحمني ياخي ماتراش فيا بحذاك من وقتاش ياخو برايي هو يا بنتي كان عليا انا ناخولو ميار على قلبي احلى مالعسل بنتي الي مربيتها اما انا مانجمش نلزم عليه و حتى لو كان باش نقطعو مش باش يسمعني
احمد "كملتو المزدوج متاعكم ايا نقلكم على خير طالع نرقد
ميرا :" حتى انت ماتقدرلوش الصيد متاعك  خايف منو "
احمد " و هو ماشي ، انا خايف  انت كان تقدرلو اهوكا قدامك و طلع الدروج خلاهم يغليو ...
سيرا الي بعد ماكملت البانو متاعها وخرجت لبست بيجاما دونتال شورت و خلعة  في البلون مظهرين الدوبياس لي تحتهم و ترمات على الفرش مازالت تخمم في كلام ناردين و الي كانت متاكدة الي كلامها صحيح ، نيار تكذب تقول ما اثرش فيها ، مافمة حتى مراة تنجم تقعد جامدة قدام رجولة طاغية و كاريزما كيف الي عند نيار بوستو لتوة تحس في سخانتها فوق شفايفها هزت يديهم تتحسس فيهم غمضت عينيها و رجعت تتفكر في اللحظة رعشة في بدنها تملكتها تمنات لو كان جات توة بين يديه وهي تخمم و افكارها خذاتها لمنحى اخر تعاود ذكرى مهيار ترجع لمخها و تعاود تحس بالذنب و تقعد تلوم في روحها كفاه نجمت تنساه و تخمم في غيرو ...

//////////////
نجومكم و تعليقاتكم الي تشجعوني بيها و آراءكم في الكمنت