سامحوني عالتاخير و لكن من شروط باش نهبط البارت 13 50 فوت ⭐
__________________________________________
نيار الي خرج منرفز من خالتو و من تدخلها في حياتو ديراكت للفيلا متاعو دخل للسويت متاعو عمل دوش خفيف و خرج لافف وسطو بمشفة و يشيح في شعرو بمنشفة اخرى طيشها على جنب و ترمى عالفرش بعد ما لبس شورتوه جبد التلفون في يديه دخل يتفرج في زين الي واخذتلو عقلو و قلبو ماعادش يحب يطول الحكاية يحبها تولي متاعو حلالو يحب يربط اسمو باسمها و يبصم بصمتو عليها ماعادش يحب يقعد وحدو في فيلا باردة يحبها معاه تملالو حياتو و تولي حلاله و ما ينجم ياخوها اي انسان منو الفكرة وحدها تخليه يهبل في راسو ...
لازم يتصرف و يخليها توافق على الخطبة و بعدها اكيد العرس فيسع مدام نيفين ظهرتلو الي هي موافقة عليه و عاجبتها الفكرة لازم يعمل حاجة تخليهم يرتبطو رسميا قعد يخمم و يكمبص كفاه باش يصير الي في بالو حتى لين غفات عينو ...
نهار جديد طلع على ابطال حكايتنا في فيلا اوغلو مدام نيفين كانت مترأسة الطاولة في كامل اناقتها و زينها السنين ماتركتش اثر على وجها تحسها مراة في عنفوانها مش في ال 70 من عمرها لي صار البارح خلاها تفرح و تخمم كفاه تنجح مخططها دايرين بيها اولادها اياز و مرتو و بنتو و ناردين مع راجلها دياقو و ولدهم ايسم الوجوه كانت تضحك من عينيهم صافية كانت فرحانة لفرحة عشيرة عمرها نيفين و لكن قلبها مقبوض من ردة فعل سيرا ..
سيرا كانت معاهم فرحانة لفرحتهم و في نفس الوقت خايفة مالي جاي و شنوة ممكن الايام محضرتلها ..
مدام نيفين :" اياز ، احسن صفقة عملتوها للشريكة و عايلتنا مشاركة ديمير صاحبك نيار ظاهر ذكي برشا اسم عايلتو يساعدنا برشا و يجيبلنا الفخر، و يزيد يعلينا و يكبرنا " سيرا في هذا حاسة ناناتها تحب تلمح لحاجة اما قاعدة موسعة بالها بالرغم الي ترحي دخلاني ماتحبش تعمل مشكلة خاصة الناس الكل فرحانة و حستهم يغزرولها خايفين من ردة فعلها "
اياز :" الحقيقة نانا انا كنت نأيد راي سيرا انو ماندخلوش شريك اما الحقيقة نيار ذكي برشا و باش يعاونا برشا و كيف ماقلت انت اسم عايلتو و كفاءتو العالية هو قرى معايا صحيح ماكناش مقربين اما نعرف الي هو انسان نظيف برشا و ذو كفاءة عالية "
سيرا :"الي كانت تاكل بشراهة في محاولة منها لتجاهل الموضوع و فجأة قامت مالكرسي ، "يا جماعة نخليكم تكملو تمدحو شريكم الجديد انا ميريام تستنى فيا و هي مريضة لازمني نمشيلها" و خرجت من غير ما تستنى حد يجاوبها اول ما خرجت بكرهبتها من باب الحديقة الحديدي حست روحها تحررت من سجنها و اطلقت العنان لصياحها
سيرا " باش يهبلوني يا ربي نيار نيار نيار نيار ماخلق ربي كان هو في الدنيا شنوة فيه زايد مثلا ، صحيح مزيان و بفلوسو اما عادي انسان كيف الناس الكل خليقة و راس " و هي تحكي مع روحها و تجاوب فيها تقص عليها ميريام بالتلفون طالبتها واتساب
ميريام :" تي وينك يا مصيبتي ياخي تحمسني و تخليني و تغبر نستنى فيك "
سيرا "بالشوية بالعة راديو هاني جاية اسبقني "
ميريام :" ماقدمك راديو مازالت ناس تحكي بيه ذخمني شوية عالقليلة lecteur CD , "
سيرا:" لا ما حقوش مش وقت ضمارك نحكيو كيف نخلط شتاكل ضوء ياهم ،
قبل ماتعلق رجعت عليها ميريام "طالعتلك حبي ".. وعلقتك سيرا و هي تقلد فيها بطريقة متاع سخرية " كي الفار و القطوس اما ما يصبروش على بعضهم "
VOUS LISEZ
الزواج الصفقة
Randomسيرا طفلة مزيانة و ناجحة في حياتها الا انو عندها مشكلة في حياتها مماتها تحب تعرسلها قبل منام عينها بوها و امها متوفيين تعيش مع مماتها و اختها و خوها اصغر منها اما معرسين هي حياتها فرغتها كان للاعمال بعد موت امها و بوها في حادث شنوة تتصوروا سيرا تعمل...
