ساعٍ الى الهيجا بغير سلاح

البارت الاول

" ما احلل احد ينقل الروايه او افكار منها "
حسابات الكاتبه ، تويتر+ سناب: kholod25m
انستا: _kholod25

التعريف
عائله ابو محمد :
طلال ابو محمد _48 سنه
سعاد_ زوجه ابو محمد _47 سنة 
عياله:
محمد _ 27 سنة
راكان _ 26 سنة
ناصر _ 25 سنة
رسيل _ 23 سنة
راشد _ 21 سنة
روان _ 18 سنة
اسيل _ زوجة محمد _ 26 سنة

عائلة ابو عبد الله :
سلمان _ ابو عبد الله _ 50 سنة
سولاف _زوجة ابو عبد الله _ 49 سنة
عياله:
عبد الله _ 29 سنة
عبد العزيز _ 27 سنة
سعود _ 25 سنة
غيد _ 24 سنة
العنود _ 20 سنة
امتنان _ 18 سنة
ريما _ زوجة عبد الله _ 28 سنة
ميرا _ بنت عبد الله _ 5 سنوات

قبل 3 سنوات تقريبا ...
فبيت فخم وكبير مرهه، عايشين فيه عائله ابو محمد وعائله ابو عبد الله مع ابوهم ، وكانت امهم متوفيه، كان ابو سلمان" الاب الاكبر" من اغنى رجال الديرة كان معروف ومشهور وعنده شغل ومحلات كثير وكان انسان جداً كريم ويعطي كل من دق بابه وبدون مقابل، وكان يحب عياله واحفاده جداً ويلبي كل طلباتهم...
فيوم من الايام مرض ابو سلمان وتعب مرهه وادى هالشي لوفاته .. توفى وكان الكل حزين عليه مو بس عياله واحفاده، بهاليوم عم الهدوء والحزن على كل الديره ...
بعد سنه من وفاته ..
بدت المشاكل بين الاخين على ميراث ابوهم الكبير ...
ابو عبد الله الي طفش من المشاكل مع اخوه اخذ زوجته وعياله واسس بيت جديد جنب بيت ابوه لانه كانت ارضه هنا، وتعب على نفسه وكمل على شغل ابوه ووصل للي وصله ، ابو محمد استقر بالقصر وحاول ياسس شغل واسس بس ما كان مرهه كبير نفس اخوه ..
طالب ابو محمد بتقسيم الميراث بس كان جداً صعب واخذ وقت كبير وابو عبد الله كان رافض هالشي ...

صباح اليوم ...
فبيت ابو عبد الله .. الكل موجود بالصاله ..
عبد الله: يبه بقولك شي!
ابو عبد الله: قول؟
عبد الله: امس جاني عمي ابو محمد للمحل
ابو عبد الله: ماهو عمك! وش يبي؟
غيد: ترا يبقى عمنا! حتى لو انت ما تبي هالشي!
ابو عبد الله: غيد انتي بالذات اسكتي لا اسمع صوتك بخصوص هالموضوع!
لف على عبد الله وكمل: وش يبي؟
عبد الله: يهدد كالعاده يقول قول لابوك يروح يوقع ونقسم الميراث والا بيصير شي ما يعجبه!
ابو عبد الله: يتحلم! ما برضى ولا بخليهم يقسموه دامه طامع بالفلوس!
عبد العزيز: بس يبه واذا سوا شي؟
ابو عبد الله: ما بيسوي شي! يلا قومو كل من على شغله!
سعود: اا يبه انا عندي كم شغله بتاخر على المحل شوي!
عبد العزيز: وانا يبه!
ابو عبد الله: انتو وش عندكم كل يوم والثاني تختفو كذا؟
سعود: نشوف الشباب!
عبد العزيز بنفس الوقت: نتمشى بالاسواق عشان الشغل
التفت الكل عليهم وعلى ردودهم المختلفه ..
عبد العزيز بتوتر: يعني بنروح نشوف اخويانا وبعدين نتمشى بالاسواق!
وقف ابو عبد الله بيطلع: ما تقابلو عيال طلال صح؟؟
هزو راسهم: لا لا !
طلع ابو عبد الله وتوجه للمحل مع عبد الله ...
ام عبد الله: انتو الاثنين اهجدو والله لو يدري ابوكم انكم طاقين صحبه مع عيال عمكم بيموتكم!
سعود: يمه من صغرنا معهم طبيعي بنكون اصحاب ومتعلقين فبعض! وبعدين حنا وش خصنا بمشاكلهم هم!
غيد: منجد يمه احنا ليه نزعل على زعلهم! بالاخر هم عيال عمنا ومالنا الا بعض!
امتنان: والله اشوف سعود وغيد يقولو كلام منطقي!
ام عبد الله: غيد الشي الي براسك شيليه! لو تموتين وتحيين عند ابوك ما رضى! ولا عمك بعد!!
غيد: شقصدك؟؟ يمه مافي شي براسي!
ام عبد الله: اتمنى!!
عبد العزيز: المهم العيال ينتظرونا يلا بنطلع!
ام عبد الله: لا تتاخرو على ابوكم!
عبد العزيز: ابشري يالغاليه!
طلعو عبد العزيز وسعود للشقه الي كانو ماخذينها هم والعيال ...