ساعٍ الى الهيجا بغير سلاح

البارت التاسع

شويات وبدو المعازيم يجو وابو عبد وابو محمد والعيال يرحبو فيهم ...
وكان الكل مبسوط لهم ولهالصلح ..
حطو العشا وصارو ياكلو ...
بعد العشا ...
الكل توجه لبيته الا ابو محمد والعيال ..
رتبو العيال الحوسه والبنات نظفو كل شي .. انسدحو العيال كلهم بالمضيف بتعب ..
راشد: احس ظهري تكسر!
عبد العزيز: يالرخمه!
راشد: اسكت يعني انت ما تعبت؟!
عبد العزيز: لا والله!
راشد: كيييف!
سعود: ترا ذا ما يتعب دايم نشيط!
ناصر: وش تسوي عشان تبقى كذا؟
عبد العزيز: ابد ولا شي انام بدري واصحى بدري اكلي كله صحي والعب رياضه عشان كذا دايم نشيط!
ابو محمد: ما شاء الله يا ليت بعض الناس يتعلمو منك!
راشد: عزوز من بكرا بننام ونصحى ونلعب رياضه وناكل نفسك كل شي نفسك!
ابو عبد الله: والله ما وراكم هالشي!
ناصر: خلاص دام ابوي وعمي غاسلين يدهم منا بنسويها!
ابو محمد: ان شاء الله ان شاء الله
راشد وهو يغمز لعبد العزيز: صحينا معك بكرا تمام؟وصحي ابوي وعمي خلهم يلعبو رياضه ويمشو معنا!
ابو عبد الله: والله انا ماني بقادر لو قادر اللعب لكن صعب علي!
ابو محمد: نفسك!
راكان: الله يقويكم!
الكل: امين، امين
ابو محمد: يلا يعيال مشينا!
ابو عبد الله: خليكم جالسين
ابو محمد: معليه والله بروح اريح!
وقفو وودعو بعض وطلعو ...

عند سعود ودانيا ..
سعود: ليه تبين ننام عند اهلي؟
دانيا: مدري كذا استانس هنا! يعني انت من الصباح تروح للشغل واجلس لوحدي بالبيت
سعود: لو ادري قلت لهم من قبل انه بنستقر عندهم وما جهزنا البيت!
دانيا: منجد مدري ليه قلت انه نبي بيت لوحدنا!
حضنها بخفه وابتسم: عشان اقضي وقت معك لوحدنا اكثر!
ابتسمت وبادلته الحضن: باللهي؟
سعود بابتسامه: واللهي!
دانيا: لا منجد ليه؟
سعود: البنات اقنعوني قالو اخذ بيت لي عشان يقدرو يقابلو عيال عمي ويقولو انهم عندي!
دانيا: يمه التفكير!
سعود: تشوفين!!
دانيا: يلا حصل خير وكل فتره وفتره نجي ننام هنا عادي صح؟
سعود: طبعا عادي!
شد عليها الحضن وباسها: يلا تصبحين على خير!
ابتسمت بحب: وانت من اهله!

الصباح .. فمحل ابو محمد ..
دخل عليه ابو عبد الله: السلام عليكم!
وقف ابو محمد وابتسم: وعليكم السلام ، انورت!
تقدم وحضنه: نورك!
بعد ولف على المحل: ما شاء الله ما شاء الله!
ابو محمد: ما كان ناقصه الا جيتك عليه!
ابو عبد الله بابتسامه: جيته، بس بقولك شي!
ابو محمد: امرني؟
ابو عبد الله: ما يامر عليك عدو!
حط اوراق على الطاوله وكمل كلامه: جهزت شويه اوراق وابي منك توقع عليهم!
ابو محمد: ابشر بس اوراق وش؟
ابو عبد الله: الميراث!
وقف: لا ياخوي! مابي تقسيم ولا شي! يكفيني انه علاقتي معك رجعت نفس اول!
ابو عبد الله: طلال ادري انك ما تبي لكن انا ابي لا تعارضني ووقع! جهزت الاوراق من امس لكن ما فضيت اكلمك! طلال انا مابي شي من الميراث الا المحلات الصدق ابي افتحهم واكبر شغلي! اخذت منهم اربعه وخليت لك خمسه مع الفلوس!
ابو محمد: بس يا سلمان ما يصير هالشي! ما يصير تاخذ بس المحلات وتترك لي كل الفلوس والمحلات الباقيه!
ابو عبد الله: يصير وانا مسامحك يخوي والي عندك لي والي عندي لك!
ابو محمد: طيب دامك مصر شرايك نتقاسم بالعدل؟
ابو عبد الله: وكيف هالشي؟!
ابو محمد: انا اخذ اربع محلات وانت اربعه ويبقى واحد نكون فيه شراكه!
ابو عبد الله: حلو موافق بس والفلوس؟
ابو محمد: انا مابيها وانت ما تبيها خلينا نتبرع فيها عن ابوي وامي!
ابو عبد الله: طلال انت جالس تتكلم عن ملايين! مو سهل تتبرع فيها بيوم وليله!
ابو محمد: ما نتبرع بمكان واحد! لكل مكان حصه والباقي نخليه بالبنك وكل فتره نتبرع ونعطي منه!
ابو عبد الله: فكرة حلوه بس رح نخليهم باسمك!
ابو محمد وهو يفكر براكان وغيد: لا!
ابو عبد الله: اجل ؟
ابو محمد: نحطهم باسم راكان!
ابو عبد الله: تمام ما عندي مشكله!
ابو محمد بابتسامه: يعني اتفقنا يا شريك؟
ابتسم: اتفقنا يا شريكي! ويلا عن اذنك انا برجع لشغلي!
وقف ابو محمد: الله معك ويعطيك العافية!
ابو عبد الله: الله يعافيك!
طلع ابو عبد الله لمحله وجلس ابو محمد يفكر بوقت وطريقه مناسبه لحتى يطلب غيد لراكان ويجمعهم باسرع وقت ممكن ...ابو محمد: نحطهم باسم راكان!
ابو عبد الله: تمام ما عندي مشكله!
ابو محمد بابتسامه: يعني اتفقنا يا شريك؟
ابتسم: اتفقنا يا شريكي! ويلا عن اذنك انا برجع لشغلي!
وقف ابو محمد: الله معك ويعطيك العافية!
ابو عبد الله: الله يعافيك!
طلع ابو عبد الله لمحله وجلس ابو محمد يفكر بوقت وطريقه مناسبه لحتى يطلب غيد لراكان ويجمعهم باسرع وقت ممكن ...