ساعٍ الى الهيجا بغير سلاح

البارت الثاني

بنفس التوقيت ..
فبيت ابو محمد .. عند ابو محمد بالغرفه ..
ام محمد: وش صار معك؟
ابو محمد: بخصوص وش؟؟
ام محمد: الميراث!!
مسح وجهه بايديه وتنهد: مو راضي يسمع كلامي!
ام محمد: طبعاً ما رح يسمع دامك جايه بالطيب! اقسى شوي عليه علمه انك قد كلمتك ولو ما وقع بيصير شي ما يعجبه! مو بس كلام
ابو محمد: يصير خير، بنام تعبت من الشغل!
ام محمد: نوم العوافي!

صباح يوم جديد ...
عند ابو عبد الله بالمحل .. دخل ابو محمد بعصبيه ..
ابو عبد الله: وعليكم السلام!
ابو محمد: ما سلمت ولا انت وجه واحد يتسلم عليه! بقولك كلمتين حطهم بعقلك ذا! الحين تروح للمحكمه توقع على تقسيم الميراث!غصب مو بكيفك والا...
قاطعه ابو عبد الله: والا وش؟؟ والله لو تموت ما اوقع!
ضرب الطاوله بيده بعصبيه: مو على كيفك! صدقني بيصير شي ما يعجبك! بدمرك!
وقف ابو عبد الله: الي يطلع معك لا تقصر فيه ويلا اطلع من محلي!
طلع ابو محمد بعصبيه وتمتمه.. وجلس ابو عبد الله على الكرسي ياخذ نفس ومعصب مرهه!

المسا..
فبيت ابو عبد الله .. الكل بالمضيف وعبد العزيز وسعود وغيد والعنود وامتنان متجمعين بالزاويه لوحدهم ويتمتمو ..
ناظرهم ابو عبد الله بطرف عين: هيي انتو! شعندكم كذا متجمعين فوق بعض وتتهامسو؟
بعدو عن بعض بسرعه ..
عبد العزيز: لا ولا شي!
العنود: نسولف وعشان ما نزعجكم!
ابو عبد الله: متاكدين ما وراكم بلا؟
هزو راسهم بتوتر: لا لا!
ابو عبد الله: اي كويس، يلا بنام لا تتاخرو!
غيد بحماس: واخيرا!
ناظروها كلهم بسرعه ..
توترت وتكلمت بسرعه: واخيراً خلص اليوم وبنام مرهه تعبت وانت طو..
قاطعها سعود: اسكتي اسكتيي لا تفضحينا!!
ابو عبد الله: تصبحو على خير تصبحو على خير!
الكل: وانت من اهله
بعد ما توجهو ابو عبد الله وام عبد الله للغرفه ونامو ..
عبد العزيز: عبد الله غريبه اليوم سهران؟
عبد الله: جالس معكم، ليه؟
عبد العزيز: لا بس كذا يعني!
اشر سعود لغيد على ريما واعطته اشاره اوكيه وانها فهمته..
غيد بهمس لريما: رريمما!
ريما: هلا؟
غيد: معك دقيقه وحده اذا ما اخذتي عبدالله ينام بقول له انك ضربتي ميرا!
ريما: بس انا ما ضربتها!
غيد: اي بس عبد الله رح يصدقني اكيد!
ريما: خيرر!! ليه طيب؟؟
غيد بإبتسامه: عيوني انتي لا تزعلين! بس يلا قومي ضروري!
ريما: افف منك!
ضحكت: روحي روحي!
توجهت ريما وجلست جنب عبد الله: عبد الله شرايك نروح ننام؟
عبد الله: انا جالس مع اخواني روحي شوي واجيك
ريما: لا ابيك معي يلا قوم!
وقف عبد الله: تصبحو على خير يجماعه!
الكل: وانت من اهله!
عبد العزيز: مو طبيعي اليوم جا فباله يسهر معنا!
سعود: يلا يلا تاخرنا!
امتنان: يجماعه احس الي بنسويه خطا!
غيد: امشي بس!

طلعو كلهم متوجهين للشقه..
دخلو وكانو عيال ابو محمد كلهم موجودين.. سلمو على بعض بكل شوق وحنيه وجلسو كلهم مع بعض ..
رسيل: يالله وش كثر واحشتني هالجلسات!
العنود: كلنا والله!
محمد: اسمعوني عشان تكون الجلسه رايقه ما نبي نذكر مشاكل ابوي وعمي ابداً اتفقنا؟؟
الكل: اتفقنا!
لمح عبد العزيز اسيل لاول مره وتكلم مع نفسه: صلاتي على النبي!
سكت شوي وكمل: هي مريض انت! تراها زوجة محمد! اهدى!!
تعوذ من شيطانه وشال هالشي من باله بسرعه بس كانت اسيل جدا حلوه ...
غيد: عندي لكم فعاليه حلوه!
سعود: والي هي؟
راشد: اكيد خايسه قبل لا تقوليها!
لفت على راكان تنتظر منه الفزعه نفس كل مره ..
راكان: راشد لا تجي بغيد
راشد: يوهه تكلم محامي غيدو!
ابتسمت له بحب وهي تشوفه كيف يسكت اي حدا يزعلها ..
روان: يلا قولي!
غيد: امم بنجلس على شكل دائره كلنا ومثلاً نبدا من عندي بقول مقطع من اغنيه واخر حرف لازم الي بعدي يقول اغنيه تبدا فيه!
محمد: تم يلا قومو
وقفو الكل وجلسو على شكل دائره وبدو يلعبو .. 
غيد: يجماعه الي بيخسر له عقاب منا كلنا، تمام؟
الكل: تمام
بدت اللعبه واول واحد خسر كان عبد العزيز ..
عبد العزيز: لعبتكم خايسه!
روان: اي اي لانك خسرت صارت خايسه
سعود: يلا بنحكم عليك!
محمد: يلا اعطوني عقابكم!
محمد: فكرو كويس نبي عقاب قوي
غيد: ويضحكنا!
راشد: تكفون خلوه يسوي لي مساج!
عبد العزيز: تبطي!
العنود: انا عندي فكره تضحك
الكل: قولي
العنود: عبد العزيز قوم مثل شخصيه كل واحد منا ولازم تكون كلها صح نفس شخصياتنا!
غيد: مو مرهه قوي لكن يلا بنضحك شوي
وقف عبد العزيز بالنص ومثل ادوارهم كلهم وكل من يضحك على الثاني ..
غيد: يلا يلا الدور الثاني !
كملو لعبهم وكل شوي واحد منهم يخسر ويحكمو عليه وكانو طول الوقت يضحكو ومبسوطين ..