ساعٍ الى الهيجا بغير سلاح

البارت الخامس

يوم جديد .. الظهريات ...
فبيت ابو عبد الله  الكل متجمعين بالصاله ...
ابو عبد الله: سعود
سعود: هلا يبه؟
ابو عبد الله: تبي اجهز لك واحد من البيوت عشان تستقر فيه بعد الزواج؟
سعود: الصدق يبه بخاطري استقر معكم!
غيد من وراه تهمس له: لا يا غبي! روح لبيت لوحدك عشان نصير نجي عندك ونقابل عيال عمي!
سعود: بس يعني!
ابو عبد الله: بس وش؟
سعود: يبه معرف عن دانيا يعني!
غيد: انا اشوف يروحو بيت لوحدهم مو ناقصنا!
ام عبد الله: بس بيتنا كبير يعني عادي
سعود: الاحسن نشوف دانيا مو حلوة اقرر لوحدي!
ابو عبد الله: على راحتكم!
ضربو كفه هو وغيد بخفه وابتسمو ..
عبد الله: اجل يلا قومو تجهزو، وسعود ما تبي تروح تحلق؟ مو باقي وقت كثير
سعود: اي يلا قمنا!
قامو العيال للحلاق والبنات يجهزو نفسهم على الهادي ..
وبعد المغرب توجهو لبيت ابو حمد ..
بعد ما وقعو العقد واتفقو على امور الزواج .. احتفلو الحريم بفرح لدانيا وسعود..

بعد مرور اسبوعين ...
تزوج سعود دانيا وطلعو لبيت لوحدهم ..
العصريات ... فمحل ابو عبد الله ..
دخل عليه ابو محمد: اعطيتك اسبوع زياده، وقعت؟
ابو عبد الله: اجلس!
ابو محمد: مالي جلسه معك! وقعت؟
ابو عبد الله: بوقع لكن بشرط!
ابو محمد: وش؟؟
ابو عبد الله: لو وقعت الحين وخليت اكثر من النص من الميراث لك بتتحكم فيه ام محمد وبيضيع تعب ابوي كله!
ابو محمد: شقصدك!
ابو عبد الله الي كان عارف انه مستحيل يرضى: المقصد انه اذا تبي تاخذ توقيعي لازم انا اخذ توقيعك على طلاقك من ام محمد!
فتح عيونه: وش تقول انت!!
ابو عبد الله: ذا الي عندي تبي اوقع لك على الميراث وقع لي على ورق طلاقك ولا تفكر توصل الموضوع للشرطه والسجن لانه انت بتخسر مو انا!
بتخسر سمعتك بالسوق والكل بيقول عنك انسان طماع يسجن اخوه عشان فلوس!
انقهر ابو محمد من كلام ابو عبد الله وما عرف وش يرد عليه بس الي يعرفه انه مستحيل يترك ام محمد كذا وبنفس الوقت ما يبي تخرب سمعته بالسوق وبكذا رح يخسر كثير اشياء مادياً ومعنوياً ،كان محتار جداً بخصوص هالشي والقرار الي لازم ياخذه ..

المسا ... فبيت ابو عبد الله ..
عبد الله: يبه ما جاك عمي اليوم؟
ابو عبد الله: اي جاني الظهريات!
عبد العزيز: وش قال؟
ابو عبد الله: يسأل اذا وقعت او لا
عبد العزيز: بس انت ما وقعت، وش سوا؟
ابو عبد الله: ما سوا شي، سويت معاه اتفاق بس مستحيل يرضى فيه وانا ما رح اوقع له الا اذا رضى باتفاقي!
عبد الله: بس وش هو الاتفاق؟
ابو عبد الله: قلت له طلق ام محمد اوقع لك على الميراث!
امتنان: اما !منجد يبه؟
ابو عبد الله: اي!
غيد: افف ما اتخيل شكل زوجة عمي وهو يقول لها!
عبد العزيز بضحك: حسافه رح تقول له خلاص ما نبي الميراث دامها ما حتستفيد منه شي!
غيد: يمكن تقول له روح راضي اخوك!
ابو عبد الله: بس بلا قلة ادب!
ضحكو كلهم بخفه وهم يتخيلو شكل ام محمد ...

فبيت ابو محمد ... عند ابو محمد بالغرفه ..
ام محمد: وش صار معك! اعطيته اسبوع زياده مدري ليه ما كان له فايده!! وقع او لا؟
ابو محمد: ما وقع ولا رح يوقع!
ام محمد: ليه على خير؟ وش صار؟!
ابو محمد: يبي يوقع لكن بشرط واحد!
ام محمد: عشتو يتشرط! وش هو شرطه؟
ابو محمد: اني اوقع له على اوراق طلاقي!
فتحت عيونها بصدمه: وشوو!!
ابو محمد: الي قلته! اذا وقعت على ورق طلاقنا رح يوقع لي على ورق الميراث! ومقدر ادخله السجن كذا بخسر سمعتي بالسوق وشغلي!
ام محمد: لا سلمان طار عقله شدخل طلاقنا بالميراث!!
ابو محمد: هو حط هالشرط لانه عارف مستحيل ارضى بهالشي!
ام محمد: حسبي الله فيه! مريض!
ابو محمد: لا تتحسبني!
ام محمد: ليه؟تخاف على اخوك!شفت كيف يضربك من كل الجهات المهم ما يصير الميراث لك!
ابو محمد: الله يجيبك يا طولة البال! طفي النور تعبت بنام!
ام محمد بتمتمه: ذا الي شاطر فيه، نام نام!