وقفت عند الباب وكان راشد جالس قدامه ومسكره ..
ام محمد: بعد عن وجهي!
راشد: مقدر يمه!
ام محمد: وليه ان شاء الله؟
راشد: ابوي اخذ قرار ومقدر اخليك تشوفيه للمسا لحتى ما تغيري قراره!
ام محمد: ما تستحي انت! بعد عن وجهي بسرعه بتكلم مع ابوك!
هز راسه: اسف يمه صعب جداً
ام محمد: انتو حتى احترام ما بقى عندكم؟! اقولك بعد عن وجهي بسرعه!
راشد: يمه خلاص والله ما بقوم! ما بسمح لك تغيري قراره! خلينا مبسوطين للمسا!
ام محمد بعصبيه: لو ما بعدت عن الباب بموتك!
راشد برواق: من زمان بخاطري اموت!
ام محمد: لا اله الا الله!
راشد: محمد رسول الله
ام محمد: تطقطق بعد!
راشد: الحين انا شسويت؟ كملت كلامك بس!
مشت وهي تتكلم بعصبيه: بموتك والله بموتك!
راشد بابتسامه: فداك، فداك !
ابو محمد: راشد شالسالفه!
راشد من ورا الباب: ولا شي يالغالي ارتاح انت!
عند محمد وراكان وناصر بالحوش ..
يمشون بالحوش والابتسامه على وجيهم لانه رح تنحل مشاكل ابوهم وعمهم ...
محمد: والله يطلع منها غيدو !
ناصر: منجد صدمتني بتصرفها، كيف قدرت تواجه امي وابوي وتقول كل شي!
وقف راكان وصار يتنفس بصعوبة .. لفو عليه باستغراب ..
ناصر: ليه وقفت؟
محمد: شفيك؟
راكان بضيق: لا ولا شي!
محمد: قلب وجهك! تعال نجلس هنا!
مشوه وخلوه يجلس وجلسو قباله ..
ناصر بخوف: راكان شفيك!
حط يده على صدره بالم: مافيني شي بس صدري ضاق علي!
محمد: ليه؟ ما صار شي يضايقك!
راكان؛ مدري كذا جتني نغزه!
ناصر: خلينا نروح للمستشفى نتطمن!
محمد: يلا بجيب السياره!
راكان بصعوبه: لا لا! مالن داعي صدقوني ، نغزه خفيفه الحين بتروح!
ناصر: متاكد؟
راكان: اي والله، معليكم لو ما خفت انا بروح!
محمد: تمام خلاص اطلع ارتاح بالغرفه
راكان: لا بروح مع ابوي بعد المغرب!
ناصر: ارتاح!
راكان: بروح!
محمد: تمام اطلع لغرفتك ارتاح وبس نروح بنادي لك!
راكان: اكيد؟
محمد: اي والله
راكان: تمام لا تتناسوني!
ناصر: معليك ما ينفع بدونك اصلاً، غيد بتموتنا!
ابتسم بخفه على طاريها وطلع متوجه لغرفته بوجع..
ناصر: خرشني!!
محمد: وانا نفسك! يمكن من فرحته ما تحمل!
ناصر بابتسامه: يمكن الصدق!
محمد: الله يتممها!
ناصر: امين ، تعال خلينا نشوف راشد!
محمد: تعال
قبل المغرب بشوي .. فبيت ابو عبد الله ...
غيد بالصاله تلفلف بتوتر وعينها على الباب ..
ام عبد الله: يا بنت شفيك رايحه جايه كذا! اهجدي جبتي لي صداع!
جلست بتوتر وحماس ..
وقف ابو عبد الله وفزت: يبه وين رايح؟
ابو عبد الله: بجهز للصلاة وبعده بطلع لبيت ابو حمد، ليه؟
غيد: يبه لا تطلع!
ابو عبد الله باستغراب: ليه؟
غيد بحيره: هو الصدق بعد المغرب بتجي صحبتي وابوها يبي يدخل يسلم عليك!
ابو عبد الله: حياه الله ما بطلع اذا كذا
ابتسمت: تمام
امتنان بهمس لغيد: مين صاحبتك؟
غيد: مفهمت؟
امتنان: يكذابه مين صاحبتك الي بتجي!
غيد بابتسامه: راكان وناصر ومحمد وراشد وعمي!
فتحت عيونها وشهقت بسرعه ، لفو عليها كلهم بصدمه..
ابو عبد الله: وش بلاك!!
عبد العزيز: بسم الله شفيك!
امتنان بسرعه: لا ولا شي! تذكرت اني ما سويت شعري ويفي اليوم!
ام عبد الله: الله يصبر قلبي عليكم! وقفتي قلبي!
امتنان: اسف يا امي! غيد تعالي معي خليني اسوي شعري وساعديني!
غيد: لا لا روحي لوحدك!
امتنان وهي تسحبها من يدها: قووممييي!!
وقفت وهي تتافف وطلعو للغرفه ...
امتنان: وش راكان ووش ناصر ووش عمي!! وش تقولين انتي!!!
غيد: ما قلتي وش راشد ووش محمد!
امتنان: غيدو اخلصي تكلمي!
غيد: اليوم رحت على بيت عمي وحليت كل شي وعمي قال انه بيجينا بعد المغ...
قاطعهم صوت الجرس ..
صرخت امتنان بحماس: يمهه والله ما تمزحين!!
غيد بحماس: قلت لك! يلا تعالي بسرعه!
أنت تقرأ
ساعٍ الى الهيجا بغير سلاح
Storie d'amoreاهلا بكم في روايتي الثانيه 🤍🤍 تتكلم الروايه عن اثنين اخوان" ابو عبد الله، ابو محمد " توفى والدهم وترك لهم ميراث كبير، وهالميراث سبب مشاكل وحقد وكره بين الاخين، وطبعا كل منهم عنده عائله واولاد، هل رح ترجع علاقه الاخين حلوه بدون مشاكل؟ هل حب عيالهم...
