ساعٍ الى الهيجا بغير سلاح

البارت الثالث

المسا ...
فبيت ابو عبد الله .. جالسين العيال بالمضيف ..
دخلت عليهم غيد: قومو!
فزو كلهم بسرعه ..
سعود: لحول! ليه كذا دخلتي!!
عبد العزيز: وين نقوم؟
غيد بابتسامه: على شقتنا!
سعود: وش وش؟؟
غيد: على شقتنا!
عبد العزيز وهو ياشر عليهم وعليها: ومن متى صارت شقتنا؟؟
غيد وهي تقلده: شقتنا والا اقول لابوي؟
سعود: يالليل من هالتهديدات بس!!
عبد العزيز: انتي مجنونه! امس ابوي قافطنا واليوم تبينا نروح؟!
غيد: خلاص قفطنا وتعاقبنا وصار عارف انه ما بنعيدها
سعود: لا ذي انجنت!
غيد: ما انجنيت ولا شي! بعدين ما سمعتو انه ناصر جا اليوم؟ يعني ولد عمكم متغرب لسنوات ويدرس! حرام ما تشوفوه!!
عبد العزيز: نشوفه بس مو اليوم!
غيد: اهاا يلا بروح لابوي عن اذنكم!
عبد العزيز: تعالي تعالي!! نام ابوي؟
غمضت عيونها وهزت راسها: ايوا!
سعود: والبنات؟؟
غيد:ينتظرو!
عبد العزيز: قومو يلا اصلاً كلمني محمد وقال انهم بالشقه!
غيد: والله انتو كفو! مشينا!
سعود لعبد العزيز: موتنا على ايدها صدقني!
عبد العزيز: اتفق بتجيب اخرتنا!
طلعو كلهم متوجهين للشقه ...

دخلو وسلمو على الكل وعلى ناصر بكل حب وشوق ..
تقدمت غيد وحضنت ناصر بحسن نيه: يوهه لك وحشه!
ناصر بابتسامه: يوهه حتى انتي!
غيد: تعال تعال كلمني عن تركيا والدراسه والوضع وكل شي!
ناصر: يلا تعالي
جلست جنبه وصار يسولف لها عن سفرته والكل مستمع له معها..
" كانت صحبه غيد وناصر شوي قويه عشان كذا كانو طاقين ميانه وضحك وسوالف "
محمد لراكان: فيك شي؟
راكان بضيقه: لا ليه؟
محمد: اشوفك هادي غير عن العاده! حتى ما تكلمت  مع غيد ابداً ؟
راكان: مالي خلق اسولف وغيد مو فاضيه لي اليوم!
محمد: اهااا، اوكيه
طول الجلسه وغيد مع ناصر ونست تعطي اهتمام لراكان ابداً ..
العنود الي لاحظت ضيقته وتنهيداته الكثيره: غيد تعالي معي شوي!
غيد: ويين؟
العنود: للمطبخ يلا قومي!
وقفت وراحو للمطبخ ...
العنود: انتي شوضعك!!
غيد: مفهمت!؟
العنود: ترا راكان موجود! من جينا وانتي داخله بثم ناصر! ما شفتي حالة راكان كيف ضايق! تنهد الف تنهيده بهالساعه!
غيد: منجد؟
العنود: يعني بكذب؟؟
مسحت وجهها بايديها: يا ربي كيف نسيته كذا!
العنود: فاهيه اذلفي عدلي نفسيته تعرفين الضيقه مو مناسبه له!
غيد: تمام تمام!

طلعت غيد وجلست جنب راكان ..
روان: لحول ليه حشرتي نفسك بينا!!
غيد: اقول وخري بس!
وقف بيقوم ومسكت يده بسرعه ورجعته، رجع جلس بهدوء وحمد ربه محد انتبه لهم ...
العنود: يجماعه شرايكم نخلي راكان وغيد يسو لنا شاهي؟ اخر مره سووه كان مره طعم!
غيد: اي عادي نسوي!
راكان: لا مالي خلق!
ناصر: تحبي اسويه معك انا؟
غيد: اااء
وقف راكان بسرعه ونزل راسه لها: يلا قومي نسوي لهم!
ابتسمت على غيرته ووقفت..
لفت على ناصر: مرهه ثانيه تمام؟
ناصر: تمام
توجهو للمطبخ يسو لهم شاي ..

بالمطبخ ..
غيد وهي تحاول تلطف الجو: طلعنا فنانين بالشاي!
راكان بتسليك: ايه
قربت وتسندت على الرف جنب راكان وصار ظهرها عليه ووجها لراكان ..
غيد: فيك شي؟
راكان: لا ليه؟
غيد: مدري كذا حسيت!
راكان: احساسك خطا! مافيني شي
مسكت يده بهدوء: الا، ادري زعلان مني لاني من اول ما جيت وانا مع ناصر ونسيت اكلمك!
راكان: لااا منجد؟!
غيد: راكان شفيك اقولك سويت كذا بس لاني من زمان ما شفته!
راكان: تمام ما يهم!
غيد: الا يهم! منجد ما كان المقصد اخليك تزعل!
بعد يدها عن يده وطفى الغاز: تمام غيد خلاص ما صار شي انسي!
ميلت راسها وابتسمت ابتسامه لطيفه: اسف! وعد ما بيتكرر هالشي! وكل مرهه بتكي جنبك ما بتركك ابداً بس لا تتضايق كذا وتكلمني ببرود ياخي!
زفر وحاول ما يقسى: تمام تمام
غيد: يعني رضيت؟
ضمها لصدره بعفويه: انا اقدر ازعل منك؟
ابتسمت: مافي منك، احلى ولد عم بالدنيا!
ضحك: تعالي تعالي خلينا ناخذ لهم الشاي
غيد: يلا انا بسبقك بتحصلني جنب ناصر!
مسك يدها وشد عليها: خير خير!
ضحكت: امزح امزح، امشي يلا!
اخذ الشاي وطلعو لهم ..
جلست جنبه وتغير موده الف درجه ..
ناصر لروان: روان بسالك شي!
روان: اسال؟
ناصر: فيه شي بين غيد وراكان؟يعني صار شي بينهم بغيابي!
روان: لا بس صحبه قويه يعني مافي شي!
ناصر: متاكده؟ لاني شايف غير هالكلام!
روان: حتى حنا نشوف بس مافي يعني حشرناهم اكثر من مرهه وقالو مافي وكان واضح انهم يقولو الصدق، يمكن فيه بس للحين مو حاسين على نفسهم
ناصر: اي يمكن!
عبد العزيز: يجماعه يلا قومو تكفون قبل لا تصير الساعه ثلاث ويصير فينا نفس امس!
ضحكو الكل وهم يتذكرو وضعهم وهم ينظفو الحوش...
محمد: منجد خلاص مشينا يلا!
قامو الكل لملمو الحوسه والبنات لبسو عباياتهم وطلعو كل من لبيته ..
دخلو وما كان احد ينتظرهم، دخلو على غرفهم وهم يحمدو ربهم انه ابوهم ما شافهم ..