ساعٍ الى الهيجا بغير سلاح

البارت الرابع

فبيت ابو محمد ..
متجمعين الكل بالصاله الا ابو محمد الي كان نايم ...
راكان لرسيل: شفيك ساكته من جيتي ما تكلمتي؟
رسيل: لا مافيه شي
راكان: فيه يلا قولي !
تكلمت بخفه: لما كنا فبيت ام حمد كانت خالتي ام عبد الله والبنات موجودين قبل ما نجي ولما دخلنا وقفو بوجهنا وامي تخطتهم ولا رضت تسلم وكانهم مو موجودين وتفشلو قدام الكل!
راكان: منجدك؟
رسيل: اي والله!
ام محمد: استاذه رسيل شعندك داخله بفم راكان؟
راكان: يمه ليه ما سلمتي على زوجة عمي والبنات؟؟
ام محمد: ما شاء الله بسرعه قلتي له!
راكان: يمه اكلمك لا توجهي كلام لرسيل!
ناصر: شالسالفه؟؟
محمد: راكان شصاير؟
ام محمد: مو صاير شي اجتمعنا اليوم عند ام حمد وسولاف وبناتها كانو موجودين وما سلمت عليهم والاستاذه رسيل ما عجبها الوضع وجت قالت لراكان بسرعه!
رسيل بنرفزه من تصرفات امها : بس انا ما قلت له!! هو سالني وبعدين زوجة عمي والبنات وقفو بوجهك بس انتي مشيتي ولا كانهم واقفين لك!!
ضربتها كف وتكلمت بعصبيه: قبل لا ترفعين صوتك علي تذكري اني امك!
مسحت وجهاا بايدها وطلعت بسرعه لغرفتها .. وراح وراها راكان ...

دخل وكانت على السرير وتبكي ..
جلس جنبها وتكلم: ليه تبكين؟!
رسيل: راكان الله يخليك روح لامك! مو ناقصني تهاوشني!
راكان: مفهمت!
رسيل: من سنة وحنا نقولك البلا من امي وهي الي تملي راس ابوي وهي الي تزيد المشاكل بينا! وانت امي ما تسوي كذا وامي مو كذا، راكان ما شفت كيف خالتي وقفت بوجها بس فشلتهم قدام كل الموجودين! راكان حتى لو هي امك حنا خواتك ولازم تحبنا وتسمع لنا شوي وتاخذ كلامنا بجديه!!
راكان: رسيل وش هالكلام! اكيد احبكم واخذ كلامكم بجديه وما عندي شي اغلى منك انتي وروان! اوكيه انا احب امي اكثر من اي شي بس انتو غير انتو خواتي وقطعه مني مستحيل تقولي كلام كذا واكذبك او اهاوشك لانك تتكلمي عن امي!
رسيل: يعني مصدق كلامي؟
مسح دموعها وابتسم: طبعاً مصدق! ما بكذبك! يلا انا بطلع اذا تبين انزلي!
رسيل: لا مابي بنام!
راكان: تمام نوم العوافي
ابتسمت له: يعافيك

نزل وهو يفكر بكلام اخوانه وغيد عن امه والموقف الي قالته رسيل ...
" صح كان يحب امه وما يرضى عليها وهي كان راكان بالنسبه لها مميز جداً وتحبه اكثر شي من عيالها ولا تحب انه يزعل منها بس كان يحب خواته واغلى شي عنده بالدنيا رسيل وروان، كان يحبهم مرهه وحنون عليهم ويسوي اي شي لاجل سعادتهم "
ناصر: يمه الي سويتيه خطا!
محمد: اتفق فشلتي زوجة عمي والبنات!
روان: عادي ولا كانها سوت شي! اصلا حنا الي تفشلنا!!
لفت على راكان الي كان نازل بجهتهم: تعال حبيبي مالي غيرك يصدقني!
راكان: ما كان لازم تسوي هالشي!
ام محمد: حتى انت!!
راكان: يمه ما كان لازم تضربي رسيل كذا! وما كان لازم تسوي كذا بزوجة عمي وما تسلمي عليهم!
ام محمد: ليه؟ زعلت على غيد؟؟
ناصر: شدخلها؟
ام محمد: وشو راكان؟؟ زعلت مني لاني فشلت غيد؟ ارتاح اصلا هي ما وقفت بوجهي!
راكان: يمه وش تقولين انتي!! شدخل غيد بالموضوع! انا اقولك ما كان لازم تضربي رسيل كذا؟!
ام محمد: واضح! رايحه انام بعد عن وجهي!!
مشى وراها: بس يا يمه!
محمد: راكان تعال! خلاص لمرة وحده اتركها لا تركض وراها كل مرة تراضيها!
راكان: بس ..
قاطعه: مافي بس، تعال اجلس واتركها!
سمع كلامه وجلس بعصبيه ..
روان: بروح انادي رسيل!
راكان: لا نامت ما تبي تنزل!
اسيل: وش هاليوم النكد!
روان: اتفق!
ناصر: راكان ليه امي قالت لك عشان غيد؟
راكان بعصبيه وهو يشوفه ما ركز الا على هالشي: شدراني انت بعد!!
ناصر: خير تصارخ علي!!
راكان: انت الي خير! كل ما جلسنا غيد وغيد خلاصصص!
وقف تركهم وطلع لغرفته بعصبيه من كلام راكان وطلع راكان لغرفته ..
محمد: بسم الله شالسالفه!
روان: اقولك شي؟
محمد: اي؟
روان: بتصير مشكله بين ناصر وراكان وقول روان ما قالت!
محمد: ليه؟!
روان: من اول ما جا ناصر وهو معلق على غيد وراكان لو بيده يموته! ميت غيره عليها منه!
محمد: بس راكان يشوفها صديقه!
روان: هو يقول بس واضح انه يحبها! وناصر بعد!!
محمد: اما! يعني الاثنين يحبو غيد!
روان: احس كذا!
محمد: روان لو هالشي صح بتصير مشكله كبيرة! راكان عصبي وغيور وعنده حب تملك وناصر حساس وغيور ما اتخيل انهم يحبوها الاثنين ولو عرفو بالموضوع!!
اسيل: يمه! الله يستر لا تصير مشاكل بينهم لاجلها!
محمد: الله يستر!
روان: امين
محمد: قومو ننام احسن شي!
روان: يلا تصبحو على خير!
اسيل ومحمد: وانتي من اهله
توجهو لغرفهم ونامو ...