غير انت ماتدري شكثر
مُعجب واحب اسلوبك
وشكُبرة حظي
لو صرت محبوبك
من يوم اجيت وسلمت
ردت اعترفلك بس خفت
وتندمت ماصارحت
وتأخرت بالنية
يابو ملامح من ذهب ،
بس روحك الفُضية
لشوكت احبك ؟
من طرف واحد ومتحس بية.
(عريان السيد خلف
__________________
بابل
الساعه 8:00 صباحاً
دك المنبه مثل كل مره
مديت ايدي بثقل طفيته و رجعت الغطه على راسي الجو بارد و اني صايره اتكاسل بشكل من كلشي
بقيت جوه البطانيه شويه الى ان صحصحت و كعدت
نزلت بس رجليه من الجربايه و بقيت كاعده
ما بيه حيل اكوم البارحه تعبت بل تنضيف مال البيت الوحدي
مطيت اديه و فركت وجهي و كمت جريت الروب الشتوي لبسته الجو بارد كلش خصوصا هسه بشهر الواحد
كمت شغلت التدفئة و رحت للحمام حتى اغسل و ابدل ملابسي
كلمت و ردت انزل للمطبخ اسوي الي شي اشربه
وصلت للدرج و وكفت حايره
شلون راح انزل الدرج
و اذا تأذه الطفل شلون ما اريد اخاطر ما ضل الي بهاي الدنيا غيره
لا ما انزل احسن
بس لازم اكل شي علموده و حتى اخذ العلاج
يلا انزل و بعد ما اصعد ابقى جوه
نزلت على كيفي درجه درجه الى ان نزلت منه
بس احس نقطع نفسي
حركتي ثكلانه كلش و اقل جهد اسوي اتعب و كلبي يضل يدك بسرعه و هذا كله مو زين عليه و شلون بيه ما اعرف
رحت للمطبخ سويت الي كوب حليب و ككو مع ان اني ما احبهن بس ماكدر اشرب لا جاي ولا القهوه
صحيح كلش تعودت عليها بسببه و صارت جزء من يومي بس مااريد شي ولو بمقدار شعره يأثر على يلي بأحشائي
صحيح بحملي الاول مهتميت و عادي اشرب الجاي ول قهوه وياه و هو جان دائما يحجي عليه و يكلي موزين عل طفل بس جنت على واهسه اشرب الى ان تعودت عليها
بس هسه هو ماكو على اي واهس اشربها أساساً؟
اخذت الكوب و رحت كعدت على الكرسي الهزاز كبل الشباك و اباوع على الحديقه ول مطر منضر يجنن خصوصاً ويه ريحة المطر يلي ترد لروح و ترد كل الذكريات وياها
اخذت نفس عمييييق و غمت عيوني و اني اذكر كل لحظاتنه الحلوه يلي جنه عايشيها بهذا البيت كلشي باقي و كأنما بعدهم موجودين
و اهلي يردوني اعوفهم و اروح اعيش وياهم شلون اعوفهم و اني احس بيهم بكل ثانيه بكل ما اطلع للحديقه اذكرهم او بل اصح اشوفهم
هي وياه شلون جانو يلعبون طوبه و اني ابقى كاعده اشجع بيهم
شلون اعوفهم و اني بكل ما افتح كنتور الملابس اشوف ملابسه كلهن على ترتيبهن و كأنما هو لسه موجود و يلبس بيهن
و بكل ما اباوع عل ميز اشوفه عطوره على حطيتهن
و بكل ما ادخل لغرفتها و اشوف العابها اتذكر كل لحظه لعبنه بيها
شلون و اني البيت تارسته لواحات النه سوه وين ما امشي اشوف لوحه جامعتنه تلاثتنه او اني وياه او بس اله و الها
بس لو اعرف شلون يردوني اعوف حباب كلبي و اروح اعيش و ياهم
اعرف العيشه صعبه الان اني بنيه و حدي و خصوصا بهذا و ضعي حالياً
بس اني احس همه وياي و هم يساعدوني اذا حتاجيت شي
او لا هاي العيشه مو صعبه عليه
و اكييد مو صعبه اني عيشت اصعب من هذا يلي جاي اعيشه هسه
عشت كوووومه اشياء أتعس اصعب من يلي جاي اعيشه هسه
أنت تقرأ
ألمي و ملاذي
Romanceالتقينا بعد فراق دام فتراة طويله، جمعتنا الصدفه مرة اخرى او ربما القدر من فعل... لم يتغيّر أبداً، لازالت تسريحة شعره نفسها، لا زال يحب ارتداء الاسود كما عادته، حتى نظراته لم تتغير أبداً، او ربما قلبي من يتوهم ذالك.. صدق من قال ان الحب الاول لا...
