كُنْ يا حزيرانُ انفجاراً
في جَماجمنا القَديمَهْ
كنّسْ ألوفَ المُفرَداتْ
و كنّس الأمثالَ و الحِكَمْ القَديمَهْ
مزِقْ شراشفَنا التي اصفَرّتْ
و مزِقْ جلدَ أوجُهَنا الدَميمَهْ
و كُنْ التَغيُّرَ و التطرُفَ
و الخروجُ على الخطوطَ المُستَقيمَهْ
أطلِقْ على الماضي الرَصاصْ
كُنْ المسدسَ و الجَريمَهْ
مِنْ بعدَ موتِ الله
مَشنوقاً ، على بابَ المَدينَهْ
لم تبقَ للصلَواتِ قيمَهْ
لَمْ يبقَ للإيمانْ أو للكُفرِ قيمَهْ
#نــــزار_الــقــبــانـي
__________________
حسيت نص ليل تقريباً جنت كلش مخنوكه و كأنو اكو شي نايم على صدري و احس دكات كلبي بطيئه ما اعرف شنو بيه بس كلش جنت مخنوكه و احس بوجع يدك بكلبي
مديت ايدي و شغلت لتيبل لام يلي يم لجربايه و شفت نور جانت جايه و نايمه بمكانهه كوه كمت من مكاني و رحت كعدتهه
صحت ألهه
و هي صحة او بل أحره نخرعت من وضعي
نور :- هااا ولج شبيج
جنت كوه اجر لنفس من لخنكه يلي احسهه و كوه حجيت ألهه
ملاذ:- ما اع عرف مخنوكه م ما كدر اتنفس
احس ... احس اكو شي نايم على صدري و دا يوجعني
احجي و أشر على صدري
:- خرب لج بس لا صدك يطلع عندج ضعف بكلبج
تمددي .. تمددي بين لا اجيبلج مسكن و اجي افرك صدرج و هسه تصيرين زينه
تمددت بمكانهه و بقيت افرك صدري و هي راحت تجيب لمسكن
شويه و رجعت جايبه بطل مي و جايبه علاكه كامل مال ادويه
نور :- لج شنو هاي ليش ما ماخذه ولا حبايه من ادويتج و لا ابره ضاربه ليش هيج ولج
حجيت و اني رايحه روحي
ملاذ:- ما اعرف مااعرف نور انطيني هسه اي شي يخفف ألالم ول خنكه
:- هاج هذا مسكن هسه تخف ألالم و تروح لخنكه بس تروح ألالم
اخذت لحبايه بلعتهه و شربت لمي و رجعت تمددت
نور :- اكعدي اشدلج لكانوله هاي عندج ابرتين جان لازم تضربيهن و انتي ولا وحدهه ضاربتهه
أنت تقرأ
ألمي و ملاذي
Romantizmالتقينا بعد فراق دام فتراة طويله، جمعتنا الصدفه مرة اخرى او ربما القدر من فعل... لم يتغيّر أبداً، لازالت تسريحة شعره نفسها، لا زال يحب ارتداء الاسود كما عادته، حتى نظراته لم تتغير أبداً، او ربما قلبي من يتوهم ذالك.. صدق من قال ان الحب الاول لا...
