أنت جواري رغم المسافات
والأميال الكَبيرة
أنت بينَ خطوطِ يَدي وداخل عَيني
ترافقُني روحك أينَما ذهَبت
كأنّك أنا في مكانٍ آخر . 🤎
_________________
بقيت فتره طويله على وضعي الى ان سمعت طكت المفتاح مال الباب كمت من كدام الباب و وكفت مقابيله اباوع منو يلي حيدخل
دخل يلي جان يجي ويه صبري و راه يلي ساعدني دخلو و سدو الباب
هنا خرطت العافيه حسيت ملك الموت كدامي حرفيا
بلت ريكي بخوف و اني اباوع عليهم و همه كلشي محجو
يلي جان يجي ويه صبري الواضح ان هذا جبيرهم لان كل ميجي مبين هو
بقه يباوع على ارجاء الغرفه و كأنما جاي يتفحصهه خاف بيهه غلط
دار وجهه عل شباك و شاف الكرسي جوا
خرررب اني شلون نسيت ان اوخره خرب بيه
رجع دار وجهه عليه و باوعلي بنظرات موتتني خوف كلت خلص حيكتلني بس
زاد خوفي لمن كلشي ما سوه غير ان سحب الكرسي الثاني جان قريب عليه
عدله و كعد عليه و خله رجل على رجل و طلع باكيت الجگاير و شعل وحده و كام يشرب بيهه
واني واكف اباوع عليهم و ميته خوف ما اعرف شنو يلي ناويه او شحيسون بيه
اشر لليلي ساعدني و كله
:- روح جيب الحبل و تعال
هو كال هيج لو اني متت بدمي بلعت ريكي و حجيت بخوف ول دموع بعيني
ملاذ:- شحسوولي عفيه والله اني مالي اي دخل ولا اعرف اصلن ليش جايبيني هنا
رفع ايده يلي بيهه الجكاره و سوه حركه معنه اششش
صرت ارجع ليوره و اني وجهي عليه خايفه ميته خوف منه
انفتح الباب و دخل بيده الحبل
:- جيب ذاك الكرسي خليهه تكعد عليه و اربطهه
راح جاب الكرسي خلاه مقابيل ذاك و ذب الحبل بصف الكرسي و تقدم عليه و اني كبل صحت بخوف
ملاذ:- دير بالك تقرب خطوه عليه و الله اموتك والله
ولا كأنما يسمعني مستمر يتقدم بتجاهي و اني ارجع ليوره اريد انهزم منه ما اريد يربطوني لان الله اعلم شنو راح يسوون بيه بعدين
بحركه سريعه صار يمي ردت اركض ما لحكت لزمني من ايدي صرت ادفع بي و اصرخ اريده يعوفني ماكو
:- بسرعه تره اريد اروح عندي شغل
لزم ايدي قوي و لواهه ليوره صرخت بوجع و حجيت
ملاذ:- حل ايدي يا عااار حلهه عبالي بيك خير طلعت عار اكثر منهم حل ايدي
زاد ضغطه على ايدي و كال
:- تمشين لو امشيج بطريقتي
ملاذ:- حل ايدي ما امشي حل ايدي حللللهههه
لوه ايدي بقوه حسيتهه راح تنكسر صرخت بوجع و كلت و اني ابجي
ملاذ:- خلص خلص والله امشي بس حل ايدي والله امشي
خفف قبضته عن ايدي و دفعني يعني امشي
مشيت وصلت للكرسي كعدت عليه و هو اخذ الحبل و ربط اديه بيه
أنت تقرأ
ألمي و ملاذي
Romanceالتقينا بعد فراق دام فتراة طويله، جمعتنا الصدفه مرة اخرى او ربما القدر من فعل... لم يتغيّر أبداً، لازالت تسريحة شعره نفسها، لا زال يحب ارتداء الاسود كما عادته، حتى نظراته لم تتغير أبداً، او ربما قلبي من يتوهم ذالك.. صدق من قال ان الحب الاول لا...
