ربًُمًأّ نِلَتٌـقُيِّ فُـيِّ أّلَدٍقُيِّقُةّ أّلَثًـأّنِيِّةّ وٌأّلَسِـتٌـوٌنِ
أّوٌ ربًُمًأّ فُـيِّ أّلَشُـهّـر أّلَرأّبًعٌ عٌشُـر مًنِ أّلَـــسِـنِهّـ
أّوٌ ربًُمًأّ نِلَتٌـقُيِّ فُـيِّ أّلَيِّوٌمً أّلَثًـأّمًنِ مًنِ أّلَأسِـبًوٌعٌ
لَکْــنِنِأّ سِـنِلَتٌـقُـيِّ يِّوٌمًــأًّ مًأّ.....
________________
بقيت على وضعي تقريبا شي نص ساعة أكثر اقل ما اعرف بس بهل حدود و حسيت بل باب ينفتح فتحت عيوني اشوف منو
طلع نفس الشخص يلي كال ان حيساعدني
حسيت بدوخه و كأنما افترت الدنيا بيه غمضت عيوني احاول اسيطر على روحي ما اريد أفقد وعيي و اني بهل وضع خصوصاً بعد يلي سويته بل يلي اسمه صبري ما اكدر اخلي عيني تغمض
رجعت شويه فتحت عيوني و هم نفس الدوخه
بعيداً عن وجع كلبي يلي مستمر دائما ويايه
حسيت بي صار كدامي فتحت عيوني بس لمحته و رجعت غمضتهن ما اعرف شبيه احس روحي جاي تطلع دوخه فضيعه حرفياً
:- انتي زينه بيج شي
ردت احجي احس حتى ما بيه افتح حلكي كد ما بلعومي يابس و مجرح
كوه كتله و بصوت كوه يطلع ردت ابجي على الوضع يلي اني جنت بي
ملاذ:- ميي.. بلعت ريكي و كملت ... عفيه اريد ميي
ما احس غير لن مخلي ايده وره راسي حتى يرفعه لان جنت راجيته عل حايط و خله بطل ميي على حلكي يريدني اشرب
مع انو جنت رافضه تصرفه او قربه كد ما مشمئزه منه ما كدرت ادفعه ما عندي اي طاقه
شربت ميي و ما همني اذا مخلين بي شي او لا اريد بس شويه اصحى لان بعد ما اكدر اتحمل اكثر
شربت شويه و أخذت البطل مال الميي اريد اغسل وجهي حتى بلكت اصحى ما اكدر ايدي ترجف رجيف مو طبيعي و حتى ما بيه اشيل البطل
من غير لا انتبه ان اني اساسا شايل البطل بأيدي المجروحه
:- شبيج ليش هيج جاي ترجفين احجي بيج شي
بس كلي هيج صرت ابجي ابجي بحركت كلب على يلي اني بي
:- اشش يمعوده هسه هو ليش جاي تبجين
لان ايدج تأذيج ؟ هااا احجي
ما حجيت بس هزيت راسي ب لا
:- اي لعد شكو شو تعاي
و خله ايديه وره راسي و جره ليكدام و غسل وجهي
:- كافي لا تبجين هسه حتى ايدج راح اضمدهه
و فعلاً بلش يضمد بيهه
سكتت من البجي بس لسه الشهكه بيه و بقيت اباوع عليه شلون يغسل بأيدي على كيفه لا اتأذه ميدري بوجع كلبي هسه شلون موتني و وجع أيدي ميجي ربع منه
بس ليش هو هيج جاي يساعدني شنو يلي جابره ليش معافني ليش مو مثلهم ليش احسه احسن منهم
بعلت ريكي و جمعت قوتي و حجيت بصوت مبحوح
ملاذ:- انته ليش جاي تساعدني
أنت تقرأ
ألمي و ملاذي
Romanceالتقينا بعد فراق دام فتراة طويله، جمعتنا الصدفه مرة اخرى او ربما القدر من فعل... لم يتغيّر أبداً، لازالت تسريحة شعره نفسها، لا زال يحب ارتداء الاسود كما عادته، حتى نظراته لم تتغير أبداً، او ربما قلبي من يتوهم ذالك.. صدق من قال ان الحب الاول لا...
