انتَ يا اول عرف
واخر غريب..
يحِبني بس مو مَالتي
ياحَبيبي ..
ولايتي المَا بيها مِثلك
عيب اگول ولايتي..
الليل شنهو الليل عگبك ؟
لوّن مشمور بمدينه ..
الليل اذا مَا بي محَنه
شفرقه عن العَميه عينه ؟
عريان السيد خلف
_____________________
شفت من بعيد ألياس جاي بتجاهي
و صل يمي و تعداني ولا كأنو شايفني
كلش ضجت و نقهرت من تصرفه هذا
حتى ما كدرت بعد احاجيه
لان اجه لخط
خربببب بأنه للخط لمن اريده يجي يبقه سنه يلي يجيني و هسه لمن ردته يتأخر لكيته كبالي
رحت للخط كلش ضايجه حتى لمن صعدت ما سلمت
صعدت و كعدت بمكاني
حجت ازهار صديقتي يلي تكعد يمي بل خط كل مره
ازهار :- اليوم لا سلام ولا كلام
:- مالي خلك
:- ليش شبيج
اوووف يعني شهل ملحه
:- ما مكملهه تحاظير و ضايجه
:- يمعوده هو ان كملتي وان لا نفس طياح لحظ ألله وكيلج
هزيت راسي وكلت
:- اي صحيح
طلعت كتابي على اساس جاي اقره بيه حتى ما احجي
و كل شويه اصفن و يروح عبالي على ألياس
شنو معنى تصرفه هذا
يعني فوك ما المفروض اني يلي ابقى ضايجه و ما احاجي حظرت جنابه هو يلي ضايج
بس اني هم غلط شلون احظره هو اجوز من هاي ضاج
بس هسه شيفيد لتفكير او لندم
صار يلي صار
و هسه هو زعلان عود ؟
اي طبعا لعد شيسمون تصرفه هذا مال يفوت من يمي و ما يكلف روحه يباوعلي
لا لا تره مو من حقه يزعل يعني اني لبارحه حالتي حاله و بجيت لمن ما عجزت
هسه فوكاهه هو لزعلان
لا ملاذ مو هيج لحجي اجوز عباله اني ما اريد احاجي هلي هيج سوا
بقيت فكره جيبني و فكره تردني الى ان وصلت للمدرسه و سألتني نرجس
:- خير شبيج اليوم مبوزه
:- دغير من ورا ابن خالتج ألله يسلمه زعلان عليه
:- زعلان عليج ؟ ليش ؟
:- امشي امشي نصعد و عود على فراغنه احجيلج مو نوب هم تجيني ماريا و هم تعاي سولفي بل فرصه احجي الجن ثنينجن
أنت تقرأ
ألمي و ملاذي
Romanceالتقينا بعد فراق دام فتراة طويله، جمعتنا الصدفه مرة اخرى او ربما القدر من فعل... لم يتغيّر أبداً، لازالت تسريحة شعره نفسها، لا زال يحب ارتداء الاسود كما عادته، حتى نظراته لم تتغير أبداً، او ربما قلبي من يتوهم ذالك.. صدق من قال ان الحب الاول لا...
