بدر دخل البيت كانت عزه بتقرا بتقراء قران و اما شافته قفلت المصحف و صدقت و ابتسمت ليه و بعد كدا كشرت
بدر باستغراب :اي دا بقي
عزه :زعلانه منك
بدر :ليه بس
عزه بغضب :انت كمان بتسال يا بجحتك في حد يعمل عمايلك دي ٣شهور مختفي مانعرفش عنك حاجه هانت عليك امك و بنتك و مراتك
بدر مسك ايديها و باسها ....حقك عليا يا ست الكل بس كان عندي شغل
عزه شدت ايديها من بزعل .....شغل ايه انت هتستهبل
بدر ضحك:والله كنت في شغل مش دا اللي كنتي عيزاه اديني رجعت اهو
عزه برقت ....بجد رجعت شغلك تاني
بدر هز راسه باه
عزه فرحت لانها عارفه انه بيحب شغله بس مثلت انها لسه زعلانه و لفتت وشها
بدر لف وشها ليها ....اهون عليكي تفضلي زعلانه مني
عزه بصتله بحنان ....بس عارف لو اتكررت هعمل فيك
بدر : حاضر
عزه اخدته في حضنها ....واحشتني اوي يا بدر وحشتني اوي
بدر بعد عنها و بصلها و مش عارف يبتدي منين ولا يقول ايه
عزه بصتله بشك .... في ايه يا بدر عايز تقول حاجه
بدر اخد نفس طويل و بصلها .....انتي عارفه ان قمر كانت من اختيارك انتي صح
عزه فهمت توتر بدر وبصتله بتهكم ....اه يا بدر عارفه انا اختارتها عشان من توبنا و احنا من توبها انا اللي مربيها و كبرت قصاد عيني ماتولدتش و في بوقها معلقه دهب
بدر بصلها و فهم انه فهمت هو عايز يقول ايه و واضح ان البدايه غير مبشره
عزه : كمل سكت ليه
بدر : عشان انتي انهيتي النقاش و حكمتي موقفك يا امي هتكلم اقول ايه
عزه : اتكلم يا بدر انا عايزه اسمعك
بدر :بجد هتسمعيني لحد ما اخلص
عزه:ماشي يا بدر اتكلم
بدر : مبدئيا كدا انا عمري ما هظلم قمر دي ام بنتي و بينا عشره يا امي بس انا حقي اني اتجوز تاني دا ربنا محلله ليا انا ماذتش حد
عزه :افهم من كلامك دا انك مقرر انك تتجوزها يا بدر
بدر وطي راسه....اه يا امي
عزه: طيب و فيها اي زياده عن مراتك قمر ناقصها اي اللي موجود في الهانم دي مش موجوده
بدر:حبيتها يا امي قلبي اللي اختارها دا مش ذنب قمر ولا ذنب حد
عزه بصتله :حبيتها!!و هتقدر علي مصاريفها دي واحده يا حبيبي هتخرب بيتك مصاريفك من
بدر :حياه غير مانتي فاهمه هي اكتر واحده مظلومه يا امي و صدقيني انتي لو قعدتي معاها هتحبيها و هتصعب عليكي
أنت تقرأ
مستعد للموت من اجلك
General Fictionفداكي حياتي مش مجرد لانها فدا ليكي بكل الطرق انتي لست مجرد وظيفه و كلت بها بل اصبحتي انتي الحياه ليه و مستعد للموت من اجلك بين يوم و ليله حياتها اتقلبت راسا علي عقب و اصبحت مهدده من كل الاتجاهات و كانها رئيسه عصابه حاولت الهروب ولاكن لاتري مامن لها...
