حياه كانت بتبص ليهم بتوهان و ليله مشغوله مع اسيا و بيتكلمو سوا
ناديه قربت منها....مالك متنحه كدا ليه انتي ماكنتيش تعرفي انها متجوز
حياه هزت راسها بلا و كان باين عليها صدمه
ناديه :عرفتي ليه كنت بقولك بلاش تخربي بيتك و لازم ترجعي لجوزك بلاش تدمري حياتك يا بنتي انا بكلمك ذي امك
حياه هزت راسها باه و خرجت من الشقه و ليله كانت مشغوله مع اسيا
حياه دخلت لبست العبايه بتاعتها و بتفتكر طريقه بدر معاها و كلامه ليها طول الفتره دي و خرجت مش عارفه تروح فين ولا لمين و فضلت ماشيه و دموعها نازله
بدر رجع هو مراته و بنته البيت
بدر :انزلو انتم و انا هركن العربيه و اجي
قمر :ماشي
قمر اخدت بنتها و نزلت و كانت داخله و كانت الفرحه ظاهره عليهم و دخلو لعزه
قمر :اذيك يا ماما
عزه بصتلها و ابتسمت لفرحتها....اي يا حبيبتي اتبسطو
جميله :اوي اوي اوي يا تيته روحنا الملاهي و بابا اخدنا المول جبنا لعب كتير و كالنا ايس كريم و شربنا عصير و عملنا حاجات كتير اوي حلوه
عزه :ربنا يبسطكو دايما يا رب
قمر بفرحه:يا رب و يهدي بدر انا مش مصدقه ان بدر اتغير كدا و نسي اللي حصل بدر القديم كان واحشني اوي يا ماما
عزه بصلها و جواها احساس غريب بس يتحاول تكدبه ....ربنا يسعدكم يا حبيبتي
جميله :ماما انا عايزه انام
عزه : طيب اطلعي مع بنتك نيميها
قمر :ماشي تصبحي علي خير يا ماما
بدر دخل و عزه اما شافته ندهت عليه ....بددددر
بدر :نعم يا امي
عزه :تعالي عايزاك
بدر .دخل و قمر اخدت بنتها و طلعت
بدر قعد جنبها.....نعم يا امي خير
عزه بصت في عنيه و بدر هرب منها و عزه مسكت ايده ....بتخبي ايه
بدر بصلها باستغراب ....بخبي !؟ و كمل كلامه بتوتر
عزه :اه بتخبي يا بدر
بدر :و انا هخبي ايه يا امي انا بقولك بس اني عندي مشاكل في شغل مش اكتر
عزه :مهما خبيت عن ناس كلها بس مش هتقدر تضحك عليا يا بدر انا امك اللي حفظاك اكتر من نفسك. و ضحكت فاكر يا بدر اما كنت بتدرب قبل ماتشتغل في داخليه علي عدم كشف كدب و كنت اقولك انك كداب فاكر يا بدر
بدر وطي راسه في الارض
عزه :بلاش يا بدر الطريق اللي انت ماشي فيه دا اخره وحشه
أنت تقرأ
مستعد للموت من اجلك
General Fictionفداكي حياتي مش مجرد لانها فدا ليكي بكل الطرق انتي لست مجرد وظيفه و كلت بها بل اصبحتي انتي الحياه ليه و مستعد للموت من اجلك بين يوم و ليله حياتها اتقلبت راسا علي عقب و اصبحت مهدده من كل الاتجاهات و كانها رئيسه عصابه حاولت الهروب ولاكن لاتري مامن لها...
