قمر نازله تجري و كان باين عليها اللهفه و الخوف
عزه :استني يا بنتي رايحه فين
قمر : بدر لقي جميله و انا رايحه ليه
عزه :طيب كويس مال وشك مخطوف كدا ليه هو بدر كويس
قمر وطت راسها
عزه بخوف .....في ايه ابني حصله ايه اتكلمي
قمر : سياف قالي انه اتصاب بس الاصابه خفيفه ماتقلقيش
عزه خبطت علي صدرها ....حبيبي يا بني خديني معاكي
قمر : استني بس انا
عزه :انا مش هقعد هنا رجلي علي رجلك هاخد عابيتي بسرعه و اجي معاك
عزه دخلت جابت عبايتها و لبستها و هي بتعيط ....يا حبيبي يا بني نجيه يارب يارب نجيه انا ماليش غيره
عزه لبست عبايتها بسرعه و لفت طرحتها و خرجت تجري مع قمر
حياه لبست بسرعه و نزلت تجري و خبطت في لبني
لبني ضحكت :حياه انتي رجعتي امتي
حياه باستعجال.....بعدين بعدين يا لبني انا مستعجله دلوقتي
لبني : استني طيب انتي رايحه فين
حياه ماردتش عليها و خرجت تجري و لبني خرجت وراها و حياه طلعت بالعربيه حتي مش استنت مصطفي يجي
لبني بصتلها باستغراب:هي مالها دي ؟؟
حياه كانت مرعوبه علي بدر و بتتمني انه يكون كويس و مايحصلش ليه حاجه
سياف واقف مع ليله و دكتور خرج
سياف :خير يا دكتور
الدكتور :ماتقلقش يا استاذ المريض حالته مستقره جدا الاصابه سطحيه و هو فاق كمان دلوقتي تقدر تدخل تطمن عليه
جميله :بجد يعني ادخل اشوف بابا
الدكتور ابتسم ليها و ملس علي شعرها .... اه يا كتكوته ادخلي شوفي بابا براحتك هو اتنقل اوضه ٨ تقدرو تدخلوا ليه
سياف سال علي مكان الاوضه و اخد ليله و جميله و دخلهم
جميله جريت علي بدر ....باااابااا
بدر فتح ليها ايده السليمه و ساعدها تطلع علي سرير و حضانها
بدر :انتي كويسه يا حبيبتي
جميله :اه كنت قاعده مع عمو سياف و كنت خايفه عليك اوي
بدر :انا كويس يا حبيبتي
جميله :كنت خايفه يحصلي ذي حمزه
بدر بخوف شدها لحضنه ....ماتخفيش يا حبيبتي ماتخفيش انا جنبك و مستحيل اخلي حد يقرب منك
سياف خبط علي كتفه المصاب و بدر اتالم ....ااااه اي يا عم براحه
سياف :لا انا عايزك تفوق كدا عشان في بلاوي جايه
أنت تقرأ
مستعد للموت من اجلك
Ficção Geralفداكي حياتي مش مجرد لانها فدا ليكي بكل الطرق انتي لست مجرد وظيفه و كلت بها بل اصبحتي انتي الحياه ليه و مستعد للموت من اجلك بين يوم و ليله حياتها اتقلبت راسا علي عقب و اصبحت مهدده من كل الاتجاهات و كانها رئيسه عصابه حاولت الهروب ولاكن لاتري مامن لها...
