مسكت المفتاح بفرح وهي تحس انها بتطير مو مصدقة ابد ناظرت دلال اللي تناظر البيت بفرحة تنفست وسمت بالله ودخلت فتحت فمها بأنبهار من جمال الديكور الأثاث الأضاءة كل شيء حرفياً خيالي ولا بأحلامها تمنت هذا سكرت الباب دلال ورمت عبايتها على الأرض صرخت وهي تلف في البيت: ياا ربي يجننننن بموت فتووون هذا بيتنا هذا لنا احناا واي بموت!
ابتسمت فتنة بسعادة: بالعافية علينا ياقلبي والحين لو سمحتي ارفعي عبايتك من اليوم بنكون من الطبقة البرجوازية بلاش عباطة وهبل.
باستها دلال على خدها بقوة: يخي أجمل أخت بالعالم والحين طيران برفعها!
حطت عبايتها عالكنبة وقفت بالمراية عند المدخل الممتدة من السقف للأرض وعليها نقوش ذهبية بالأطراف على شكل فراشات عدلت ياقة قميصها ورفعت حاجبها بأبتسامة جانبية وبهمس:
ويلكم مدام فِتنة!
جات دلال وهي تصارخ بحماس: فتوون فيه خزانة وفيها ملابس هالكثررر!
ابتسمت فتنة لحماسها: يب ولو تشوفي الطابق الثاني أخترت الأثاث بنفسي.
جات دلال بترد أشرت لها فتنة تسكت وهي ترد على جوالها: آلو.
رد لها بكره:ها عسى عجبك؟
أبتسمت علجنب وبتفكير: هممم لسه ماشفته..
قاطعها بسخرية: احلفي! اقول هذا هو عجبك أو لا ورقتك بتوصلك يوم الخميس لا من رأى ولا من سمع اوك؟
قالت بإندفاع: لا لا يوم الأحد أحسن.
مط شفته بضجر: يوم الخميس أنتهينا!
تخصرت بغضب: لا والله! الطلاق زي الزواج لازم يتم بأصول ويكون فيه رضا من الطرفين وانا مو موافقة يوم الخميس!
حك جبهته بزهق منها: شوفي انا مو فاضي لك يوم الأحد عندي سفرة!
هزت رجلها بضيق سفرة أجل نشوف مين بيسافر وقالت: تركي! أستوعب انا بعد بكون مشغولة بتجهيز البيت وكذا يوم الأثنين كيف وكيف؟
تأفف بملل: خلااص لا تجلسي تحكي لي يومياتك المقرفة ذي!
عضت شفتها وهي تمسك نفسها: اجل اتفقنا يوم الأثنين.
سكر بوجهها ناظرت الجوال بغيظ: نشوف ياحقير بكرة بتجيني وبذلك!
دلال اللي كانت تراقب المشهد بخوف نطقت بتوتر: ها شقال؟
جلست عالكنبة وأبتسمت بنصر: عباله اني غبية وما افهم قال بيرسل الورقة بكرة بس قلتله يوم الأثنين.
عدلت جلستها بتوتر أكبر: ها يعني بالأخير؟
قالت وهي تصعد لغرفتها فوق: كل خير بكنسل زواجه من زفت نورة يوم الأحد وبيطلقني يوم الأثنين وكذا بكون ضربت حمد وتركي سوا!
..
وقفت وهي تناظر نورة بتوتر بعدين قالت: حبييتي انا بروح لا تتوتري بعد شوي بيجوك البنات وان شاء الله مارح تحسي معاهم بتوتر اوك؟
ابتسمت نورة بود: انا مو متوترة لهذي الدرجة بعدين خلاص تعودت من يوم الملكة انتي شفيك؟
هزت رأسها بنفي أريام: مافيني شيء بس احس تركي فيه شيء او يمكن اتوهم!
ابتسمت نورة وهي تمسك أيدها: لاتشيلي هم تركي انا متأمدة انه بخير وبعدين انتي عارفة تركي زين مو ممكن يغلط.
ردت لها الأبتسامة: اجل اجلسي وخلصي مكياجك انا بشوف سحر والبنات.
طلعت منها وراحت للغرفة الثانية لبست عبايتها ودقت على خالد: هلا خالد تعال خذني انا بالكوافير لا لا بتجي سحر والبنات ايه بروح اساعد امي تمام انطرك.
انتبهت على سحر وشدن وابرار أشرت لهم: بنات هنا!
قالت سحر وهي تناظر المكان: هلا عمة كيفك؟
ابتسمت أريام: بخير انتو كيف؟ وليه متأخرين؟
نطقت شدن بأنفعال: ماتأخرنا بس زحمة سير المهم نورة بأي غرفة؟
أشرت لهم وهي ترد على خالد: ذيك الغرفة.
ناظرتها أبرار وهي تمشي وقالت بخوف: بنات والله احس قلبي بيطيح ببطني!
دفتها شدن: انطمي ويلا نروح.
قالت سحر وهي تتقدمهم: لا تخافي يا أبرار الأمور تحت السيطرة.
سألت بخوف: فتنة جات؟
ناظرتها سحر لمدة وقالت بتوتر: إيه جات من زمان وهي داخل يلا نروح لها.
وقفو جنب غرفة نورة وأخذت شدن جوالها واتصلت على فتنة: هلا وينك؟
:قريبة منكم أنتي لابسة عباية سكرية صح؟
هزت رأسها وهي تتلفت حولها:نعم بس ما أشوفك!
ابتسمت:خليك انا بجيكم.
سكرت منها وناظرتهم بتوتر سألتها سحر: ها شقالت؟
طقت الباب وهي تقول: قريبة مننا وبتجي.
فتحت جاهم صوت نورة وهي تقول: ادخل!
دخلو وبدو يسلمو عليها نورة انبسطت جداً بشوفتهم وقالت بسعادة: بنات شرأيكم بالمكيب؟
ابتسمت سحر بتوتر: ماشاءالله قمر والله.
أيدتها أبرار بتوتر أكبر: صادقة.
رفعت حاجبها بأستغراب: ليه كلكم متوترين؟ فيه شيء وانا مدري عنه؟
حمحمت شدن بتوتر: لا مافيه شيء ولا هم يحزنون بس تدرين تعب أمس وجدتي حلفت علينا نساعدهم المهم انتي ارتاحي عشان تطلعي حلوة.
هزت رأسها بتسليك: اهاه تمام.
رن جوال سحر انتبهت عليه ردت: هلا، اوك، خلاص بقول لهم ونجيك، تمام.
ناظرتهم وقالت بتمثيل: بنات أريام تقول أنها برا ومحتاجة مساعدة يلا.
وقفت شدن بسرعة: تمام نورة حبيبتي لا تتوتري شوي وبنرجع.
لحقتهم أبرار وقالت بتأييد: صادقة.
ناظرتهم نورة بأستغراب هزت كتوفها وراحت تلبس الزفاف وقفت قدام النراية بفرح وهي تتخيل شكلهم في الزفة تنهدت بحب لتركي انتبهت على صوت الباب قالت بفرح: جيتو يبنات؟
فتحت الباب ودخلت وهي ترسم أبتسامة استهزاء على وجهها ناظرتها نورة بأستغراب: هلا حياك الله أختي.
فكت عبايتها وظهر الزفاف البسيط بس كان جد جميل قالت فتنة بخبث: للأسف احنا مو أخوات!
عقدت حواجبها نورة بأستغراب وهي تناظر العروسة اللي قدامها: عفواً مافهمت!
حطت أيدها على كتف نورة وبعدتها من المراية وقفت وهي تناظر نفسها برضا وبعدين أبتسمت فتنة: اوك بفهمك يحلوة كم نورة عندنا!
تضايقت من حركتها نورة قالت بغيظ: من وين تعرفي اسمي؟
ابتسمت فتنة وهي تراقب زفافها: افا كيف ما اعرف اسمك ياخطافة الرجال!
صرخت نورة: ماسمحلك تغلطي علي اي رجال؟ واتفضلي اطلعي من هنا!
ضحكت فتنة ومسكت الفستان منها وحطته عالكنبة وقالت بفحيح: انا زوجة تركي اولاً وأنتي بنت عمه المغصوب عليها ومابيك تخربي بيتي فاا احسن لك احفظي ماء وجهك وانقلعي بيت أبوك بدون فضايح يعني سيناريو معروف مايحتاج اقوله لك!
نورة اللي حست الأرض تدور فيها صرخت وهي تدف ايد فتنة: كذابة!
بلا تخاريف وانقلعي برا!
رفعت حاجبها فتنة وشملتها بنظرة: تخاريف؟ صدق غبية ما انتبهتي كيف البنات كانو متوترين طب انسي البنات اتذكري تركي فين كان مختفي الايام الفايتة شغلي عقلك!
فتحت عيونها نورة بصدمة: مستحيل اصلا امس كلمني!
تكتفت فتنة وهي تلعب بخصلة من شعرها: انتي حرة بس انا حبيت احطك بالصورة وازيدك من الشعر بيت انا البنت اللي كان بيتزوجها أبوه بس هو حبني واتزوجني.
تدافعت الدموع بعيونها وهي تربط الأحداث اخذت جوالها واتصلت على تركي بس مايرد خافت فتنة انه يرد ويخرب عليها بس تماسكت وهي تشوف نورة تتصل ومايرد قاطعتها فتنة: لحظة بنادي البنات يقولو لك.
طلعت جوالها واتصلت على سحر: سحورة حبيبتي تعالو.
شوي وفتحت سحر الباب ودخلو قالت نورة بأندفاع: بنات شوفو هذي اش تقول!
لفت منها سحر بتوتر عقدت حواجبها نورة وناظرت شدن: شدون هذي تقول انها زوجة تركي!
انتو مستوعبين كلامها؟ كيف كذا؟ متأكدة انها كذابة!
قاطعتها سحر بلطف: نورة هي ماتكذب معها حق.
حطت ايدها على فمها تمنع شهقتها وناظرت أبرار اللي قالت بصوت واطي: صادقة.
دفت فتنة من جنبها واخذت اغراضها وطلعت ناظرتها فتنة بسخرية وقالت للبنات بتمثيل: بنات احس غلطنا يعني مفروض نقول لها بطريقة ثانية مدري حسيت بتأنيب ضمير!
هزت رأسها شدن: لا معنا حق لازم تعرف انها داخلة غلط.
ايدتها ابرار: صح التوقيت غلط بس بالأخير رح تعرف.
ابتسمت فتنة بخجل مصطنع: مو قادرة اصدق اخيراً بقدر اعيش مع تركي قدام الكل.
ابتسمت لها سحر: ماشاءالله تهبلين الله يسعدكم.
لبست عبايتها وقالت بأستعجال: يلا نروح تأخرنا.
أنت تقرأ
فِتنة هوى
Roman d'amourلم يكن قلبي يوماً قاسياً لكنّه الخُذلان . ¶البداية:١٣/أكتوبر/٢٠٢٢مِ ¶النهاية: .........
