الكاتبــة ايـات المـهدي
هذا اول ابنادم ماشفت مكفاه
بس هذا الوحيد المامتعبني
طحت بديره بيها الذهب ماينشال
مو كثره خبز بس شالني وحبني
{}{}{} {}{}{} {}{}{}
مانطقت سحبته امه وهو عاند الا يبقى بعدين سحبته حيل والبنات دفعنه وهو يصيح وماراضي
باوعت على الساعه بـَ 8 بليل
شفت نفسي وين راح اروح وراح اعيش وي منو ورغم التجمع الي ما متعودة اكعد بي بس راح خيالي بيه بعيد
كمت والبنات يباوعلي بدون لا احجي ولا اباوع بوجه اي وحده صعدت فوك رجعت للغرفه
نمت على الفراش وضليت ابجي بجيت بكل حركه حسيت اجه احد سد الباب وقفله وماهتميت ضليت ابجي
ليش يذبوني شسويت ما اذيتهم بيوم طفله اني واحتاج حنان، امان، سند ما اذيتهم وشنو ببالهم اسوي سويته ومراضين يردون يدمروني فوك دمارهم الي بقيت ابجي لحد ماصار البيت هدوء.
كعدت على حيلي وذبيت الكعب الابسته و فتحت الجنطه لكيت مشط كعدت امشط شعري نصه طاح بحضني مسحت وجهي واني ابجي حسيت روحي شلت الملامح كلها باوعت للحلقه بايدي نزعتها بكل قوتي حسيت بصبعي راح وشمرت الحلقه جان اكو مرايه صغيره بالغرفه باوعت عليها وكلت واني اشجع بنفسي رغم الخوف البداخلي
زُمرد : مو اني الي يكسروها لا وغلات اهلي
الا اصير قويه وما اخلي واحد يشمت بيه اوكف واصير عضمة بلهات كل واحد ناوي يأذيني
اخذت نفس وكمت طلعت العبايه والمفتاح وحجاب من الجنطه
زُمرد : هسه طلعت هيج و احد شافني
شيكول علي؟
شلت الحلقه من الكاع ولبستها وطلعت المكياج وضليت اخلي و اباوع بلمرايه لشكلي بينت جبيره ياله عفته، لفيت الحجاب عدل وضبطته، واخذت العبايه والجنطه شلتهم ونزلت على كيف حتى لا اطلع صوت ويكعدولي ويجنزوني.
عد عمي غرفة مكتب دخلت لكيته مطلع جنسيتي علمود العقد مال امس اخذتها ولكيت فلوس كلش هواي سحبتهم خليتهم بجيب بالجنطه وطلعت ماكدر اروح لبيت غدير واخذ منها فلوس وصلت يم الباب والخوف ذبحني بالكوه اسحب النفس صوتي ضاع حتى لو اريد احجي مااكدر وريكي يابس وكل دقيقه التفت اول مفتحت الباب عفت كلشي واخذت غراضي وطلعت وطكيتها ركض لحد ما وصلت للشارع العام ياله لبست العبايه وكضيت الجنطه الجنت مخليتها على راسي علمود اركض سريع لزمتها بأيدي.
امشي بسرعه والتفت لحد ما وصلت للساحه مال السيارات قريبه على بيتنه أرتاحيت سمعت رجال يكول لولد بيش الساعه.
أنت تقرأ
جناح الشمس
Romance" جَناح الشمـس " كانت تركض في الظلام، قدماها تقطعان الطرقات وكأنهما تعرفان طريقاً لا تدركه هي. أنفاسها المتسارعة تلتهم الهواء البارد، والخوف يلاحقها كظل ثقيل لا يمكن الهروب منه. خلفها كان هناك من يسعى خلفها، أناس بوجوهٍ باهتة، يتربصون بها، يبحثون...
