الكاتبــة ايـات المـهدي
المَن ترد؟
ظل غاد عايش مبتعِد
المن ترد
ديرتنَه مو ديرة گبل
ظلت حديقه بلا وُرد.
{}{}{} {}{}{} {}{}{}
سكتت احاول افهم بعد انضارة عني وهو يكول
مصطفى : راح انام ساعه هيج وكعديني للصلاه
هزيت براسي بمعنى ايي تمدد على القنفه وخله ايده على عيونه كمت من كدامه وطفيت الاضويه ورحت للغرفه تمددت
فتحت الجنطه وشفت شنو جبنه صح صغيره بس ترسناها ترس
سحبت ملابسي وطاح التلفون العطلان الي لكيته بالكنتور من نضفت
" هذا شنو جابه هنا اكيد سحبة وي الملابس وما يدري"
حاولت اشغله مصار كعدتله وضلت علي بالساعه يالله شغلته حجيت بصوت عالي
زمــرد:- يااا اشتغل والله اني كفو.
صح تلفون زين بس هم يعلك شوي فتحته لكيت بي صورة مصطفى والحمدلله بدون رمز
فتحته وضليت اكلب بي لكيت بي لعبه مال طوبات ضليت العب بيها لحد ماشفت الدنيا بلشت تغرب من الشباك سديت البرده
ورحت للمطبخ لكيت اكو اكل مجمد طلعت منه
وبلشت اطبخ بي طلعت من المطبخ شغلت الاضويه
وادنيت علي سمعته مثل اليحجي
زُمرد : عمو يالله اكعد وكت صلاه
حجه بصوت ناصي بس سمعته
مصطفى : منين طلعتلي الطلابة واني مقرر ما اعيش ؟
خفت عليه وحركت المخده الي جوا راسه
زُمرد : عمو اكعد اكعد
فز وحجه خايف علي
مصطفى : شنو شبيج؟
زُمرد : وكت صلاه تكوم تصلي؟
مصطفى : يي كمت
اني رحت للمطبخ وهو راح للحمام
كملت الطبخ طفيت النار سمعت صوته يصلي
ردت اروح للغرفه شفته واكف على المصلاه واكو على المصلاه طابوكه نفسها الي فوك المصلاه بذاك البيت
" هذا شيسوي بيها بالصلاه ليش مخليها كدامه ؟؟ "
ماكدرت اروح ولا اصلي اذا ما افهم
كلما يسجد تصير على جبهته
من كمل صلاه باسها وخلاه على راسه
واشرلي بيها
أنت تقرأ
جناح الشمس
Romance" جَناح الشمـس " كانت تركض في الظلام، قدماها تقطعان الطرقات وكأنهما تعرفان طريقاً لا تدركه هي. أنفاسها المتسارعة تلتهم الهواء البارد، والخوف يلاحقها كظل ثقيل لا يمكن الهروب منه. خلفها كان هناك من يسعى خلفها، أناس بوجوهٍ باهتة، يتربصون بها، يبحثون...
